Ministri i Mbrojtjes i Polonisë, Mariusz Blaszczak, tha se Bjellorusia ka ndryshuar taktikat e nxitjes së krizës me migrantë duke dërguar grupe më të vogla në disa pika kufitare. Rojet kufitare polake raportuan se grupe më të vogla, prej dhjetëra migrantësh, kanë provuar që në mënyrë të jashtëligjshme të kalojnë kufirin dhe të hyjnë në territorin e Bashkimit Evropian.
Megjithatë autoritetet polake thanë se kanë vërejtur edhe një turmë prej 200 personash të pajisur me gurë dhe gaz lotsjellës.
"Ne duhet të përgatitemi për faktin se ky problem do të vazhdojë për muaj të tërë. Nuk kam dyshim se do të jetë kështu", tha ministri polak i mbrojtjes, Mariusz Blaszczak, për radiostacionin RMF FM.
Ai shtoi se “nuk ka dyshim se këto sulme janë të drejtuara nga shërbimet bjelloruse”.
Perëndimi akuzon Bjellorusinë se ka krijuar artificialisht krizën duke dërguar në kufi me Bashkimin Evropian migrantë të mundshëm - kryesisht nga Lindja e Mesme.
BE-ja thotë se Bjellorusia po u premton migrantëve se do ta kalojnë lehtë kufirin. Bjellorusia e ka mohuar pretendimin, duke kritikuar BE-në për mos pranimin e migrantëve.
Lideri autoritar i Bjellorusisë, Alexander Lukashenko, i tha BBC-së të premten se ishte "e mundur" që forcat e tij të kishin ndihmuar njerëzit të kalonin në BE, por mohoi se e ka orkestruar operacionin.
Migrantët, kryesisht kurdë irakianë, kanë braktisur gjithçka në vendet e tyre, duke shpenzuar mijëra dollarë për të fluturuar në Bjellorusi me viza turistike, në mënyrë që më pas të kalojnë në Bashkimin Evropian.
Rojet kufitare të Polonisë thanë se të premten kishte pasur 195 përpjekje për kalime të paligjshme të kufirit. Lukashenka ka qenë në pushtet në Bjellorusi që prej vitit 1994, por rizgjedhja e tij si president në gushti e vitit të kaluar nuk është pranuar nga Perëndimi, pasi zgjedhjet janë parë si të manipuluara.
Ai është akuzuar nga Bashkimi Evropian se ka orkestruar krizën në kufi me Poloninë, Lituaninë dhe Letoninë si shenjë hakmarrjeje për sanksionet e vendosura ndaj Bjellorusisë për shkak të shtypjes së protestave opozitare, që janë mbajtur pas zgjedhjeve presidenciale./ REL
Lajme të tjera
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Demush Shasha: Kokëfortësia e dilemës evropiane
19 Dhjetor, 21:02
-
Polonia regjistron më shumë migrantë në kufi me Bjellorusinë
19 Dhjetor, 16:49 -
Ministri i Jashtëm Hasani pret homologun nga Polonia: Zgjerimi i BE, prioritet edhe i presidencës polake
19 Dhjetor, 16:07 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
14 vite nga liberalizimi i vizave me BE, Basha: Misioni i radhës është heqja e vizave me aleatin strategjik SHBA-të
15 Dhjetor, 14:15
