Një hero i madh i trajtuar nga një piktor i madh. Pra, një piktor i përmasave botërore, pasqyron në veprën e tij një personalitet të historisë së shqiptarëve, i cili edhe ai me qëndresën dhe trimërinë e tij u bë personalitet i përmasave europiane dhe më gjerë në mbrojtjen e trojeve kombëtare dhe më tej, në mbrojtje të qytetërimit europian, nga sulmet e Perandorisë Otomane. Mund të quhet monumental vlerësimi që i është bërë heroit tonë kombëtar, Gjergj Kastrioti Skënderbeu, në mbishkrimin e varrit të nipit të tij të vitit 1503, përkushtuar nga gjyshja e tij Donika (gruaja e Skënderbeut). Në këtë pllakë të Manastirit Real San Trinidad (Shën Trinia) të Valencias në Spanjë, ku është varrosur dhe vetë Maria de Castilio, mbretëresha e Spanjës, ndërmjet të tjerave lexohet “Këtu prehet Alfonso .... i të famshmit Georgio Castroto, Mbret i Albanisë, .... Fortesë e pamposhtur e krishtërimit, i cili u quajt nga turqit Escardabch dhe i cili për prejardhjen e tij, vlerën dhe madhështinë e shpirtit, krahasohej me mbretin Alaksandër të Maqedonisë. Vdiq në moshën 15 vjec në këtë qytet të Valencias viti 1503”. Ishte ky epitaf i Alfonsit, nipit të Skënderbeut në Bazilikën e Valencias që zgjoj interesin tim për ta vështruar më me thellësi këtë fakt, madje për ta vendosur atë në kuadrin e vlerësimit të figurës së Skënderbeut. Në këtë mënyrë, këto vlerësime, që burojnë nga Katedralja madhështore e dinastisë së Aragonëve të Spanjës dhe konsiderata e Rembrandt-it të madh për figurën e heroit shqipëtar, përbëjnë aspekte tepër të merituara për përkujtimin e ditës së 17 janarit, 550 vjetorit të vdekjes së heroit tonë kombëtar. Rembrandt Harmes-zoon Van Riju, piktor hollandez, i lindur në Lejde (1606-1669). Pas vitit 1630 ai u vendos përfundimisht në Amsterdam. Pasuria e njgyrave të tij, shkenca e kontrasteve dhe linjat e kompozimeve të tij e konsideruan Rembrandt-in si një nga mjeshtërit më të mëdhenj të pikturës botërore. Ai njihet edhe si autor i shumë gravurave dhe vizatimeve me tematika të ndryshme. Për të shkruajtur këto rreshta, me rastin e 17 janarit, u ngacmova nga botimi i shtëpisë botuese “Costanzo D’Agostino Editore” e Romës, i librit “Scanderbeg un Eroe Moderno” i autorit Gennario Francione, i vitit 2003, një tekst me vlera për heroin tonë.
Në kopertinën e librit është vendosur portreti i Skënderbeut, vepër piktorike e Rembrandt-it. Në pas kopertinë është pasqyruar shpjegimi për këtë portret: “Kuadri në kopertinë është një kopje e autorit, realizuar nga artistja Pamela Erinxhi duke pasur si gjurmë një fotografi të origjinalit në gjendje jo të mirë dhe si udhëzues indikacionet e dhëna nga Dr. Alessandro Castriota Scandebeg. Origjinali i atribohet Rembrandt-it dhe është grabitur në vitin 1992. Ende sot kërkohet nga Policia Ndërkombëtare. Eshtë e tepërt të shtojmë se ai është një ndërthurje e vlerave artistike me ato historiko-familjare”. Me sinqeritet të natyrshëm si shqipëtar, falenderoj shtëpinë botuese “Costanzo D’Agostino Editore” të Romës, e cila nëpërmjet pasqyrimit të një vepre pikture nga historia e artit botëror, realizim i një prej korifejve të këtij arti sic është Rembrandt-i i madh, njëherazi na ka dhënë dhe një kontribut për historinë tonë. Kombi shqiptar po përjeton momente të historisë së tij politike mbase nga më të rëndësishmet e të gjithë kohërave. Përpos mbështetjes së mbarë Komunitetit Ndërkombëtar, mbetet i domosdoshëm dhe pasqyrimi i vërtetësisë së historisë kombëtare. Ndricimi real i fakteve historike, evidentimi i plotë i figurave tona kombëtare, ku padyshim ajo e Skënderbeut mbetet ndër më përfaqësueset, përbëjnë zhvillimin e potencialit historiko-social të iliro-shqiptarëve. Në kontekstin e këtyre rrethanave, by botim e kësaj shtëpie botuese të Romës, meriton respektin tonë, pasi edhe ajo me veprën e saj ka kontribuar për rritjen e respektit ndaj kombit tonë, aq më tepër në kohët që po kalojmë, si një popull i vogël por me herojn të mëdhenj. Dhe së fundmi, pasardhësit e sotëm të Kastroitëve sipas pemës gejnealogjike janë Alessandro Castriota Scanderbeg , mjek në Romë, dhe vëllai i tij Xhulio avokat.
Lajme të tjera
-
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Superliga/ Egnatia mposht 1-0 Skënderbeun dhe merr kreun, Laçi ndal pa gola Dinamon! Vllaznia përmbys 1-2 AF Elbasanin, Gjoka dhe Gvozdenovic debutime të hidhura
8 Dhjetor, 15:38 -
Renditja/ Partizani dhe Egnatia barazojnë 1-1 mes polemikave, Skënderbeu e Tirana pa gola në Korçë! Superliga mbyll javën e 16-të
6 Dhjetor, 09:31 -
Vllaznia dy humbje radhazi, Dinamo e mposht 2-3 në Shkodër! AF Elbasani përmbys Bylisin, trajneri Bordin jep dorëheqjen! Sot dy ndeshje në Superligë
5 Dhjetor, 10:24 -
Skënderbeu - Tirana, Gugash Magani: Gabimin e derbit e përmirësojmë në Korçë
4 Dhjetor, 14:52 -
Zyrtare/ Ernest Gjoka firmos te Skënderbeu për një vit e gjysmë, trajneri: Ekip me histori, s'i thuhet jo! Takaj: S'jemi për mbijetesë
3 Dhjetor, 13:14 -
Skënderbeu largoi trajnerin më jetëgjatë, pasuesi në Korçë për të firmosur kontratën
2 Dhjetor, 12:44 -
Skënderbeu mbetet pa trajner, zyrtarizohet largimi i Gvozdenovic
1 Dhjetor, 15:06 -
Superliga/ Egnatia thellon krizën e AF Elbasanit, Dinamo mposht Teutën! Laçi tri pikë kundër Skënderbeut, të diel derbi Tirana - Partizani
30 Nëntor, 18:25 -
Superliga/ Vllaznia fitore dramatike 2-1 kundër Teutës për kreun e Superligës! Në Korçë barazim 2-2 mes Skënderbeut dhe Dinamos
23 Nëntor, 19:13
