Pranimi i 20 refugjatëve-Presidenti i Puglias: Edi Rama shpëtoi qeverinë tonë, Shqipëria sa më parë në BE!

Presidenti i rajonit të Puglias, Michele Emiliano, ka komentuar çështjen e pranimit të 20 refugjatëve nga Shqipëria.

Në një status në Facebook, Emiliano shkruan se kryeministri shqiptar Edi Rama shpëtoi qeverinë italiane, dhe se vendi ynë i dha një mesazh gjithë botës, sepse Shqipëria duhet të hyjë sa më parë në BE.

Qeveria jonë u shpëtua nga Edi Rama dhe Papa Francesco. Shqipëria i dha një leksion gjithë botës. Miku im Edi Rama, kryeministri i Shqipërisë iu shpjegoi të gjithëve pse Shqipëria duhet të hyjë sa më parë në Bashkimin Europian.

Duke bërë këtë, e shpëtoi qeverinë italiane nga një situatë e sikletshme dhe katastrofike, e shkaktuar nga mungesa e eksperiencës dhe injorancës juridike.

LEXO EDHE:
Pulia 'e etur', ujë nga Shqipëria! Kreu i rajonit: Ju zbuloj ujësjellësin e ri që do vijë në Otranto, kam folur me Ramën! 1 miliard euro investimi, 8000 vende pune

Michele Emiliano, President i rajonit të Puglias

Tre ditë më parë, qeveria shqiptare vendosi të marrë 20 nga refugjatët që ishin bllokuar në bordin e anijes “Diciotti” në portin e Katania-s në Itali. Qeveria shqiptare e ofroi ndihmën për shtetin italian, si një “kthim nderi” për pranimin e mijëra emigrantëve shqiptarë në kohët e vështira për popullin shqiptar. Italia po përballet me krizën e refugjatëve që vijnë nga Lindja e Mesme prej disa muajsh, ndërkohë që qeveria italiane ka vendosur të mos lejojë më zbritjen e tyre në portet e vendit. Vendimi i qeverisë shqiptare, u përshëndet nga qeveria italiane dhe u cilësua si një shenjë maturie e një vendi që meriton të bëhet pjesë e BE-së.

TAG:
• refugjatet
• michele emiliano

Sondazhi i ditës:

A duhet të lejohet mjeku të punojë njëkohësisht në spital publik e privat?

• Po

  12.3%

• Jo

  83.5%

• Nuk e di

  4.2%

Vota total: 2096

Votat totale janë unike

• Sondazhi i ditës:

  A duhet të lejohet mjeku të punojë njëkohësisht në spital publik e privat?

  Po Jo Nuk e di