Prapaskenat / Gjyqtarja që ‘izoloi’ Saimir Tahirin dhe liroi Arben Frrokun iku nga drejtësia pasi u njoh me dosjen e pasurisë

Prapaskenat / Gjyqtarja që ‘izoloi’ Saimir Tahirin dhe liroi Arben Frrokun iku nga drejtësia pasi u njoh me dosjen e pasurisë

Arben Frroku, Liljana Sulollari dhe Saimir Tahiri

Zbardhen paraskenat e vetëlargimit nga drejtësia të gjyqtares së Krimeve të Rënda Liljana Sulollari (Baku), një emër i lakuar në sistemin e drejtësisë për shkak të dosjeve të bujshme që ka pasur në duart. Liljana Sulollari rezulton se ka dhënë dorëheqjen nga funksioni i gjyqtares së Krimeve të Rënda, pasi Komisioni i Vettingut e ka njohur me rezultatet e hetimit rreth ligjshmërisë së pasurive dhe pastërtinë e figurës. Në 22 nëntor 2019, Komisioni i Pavarur i Kualifikimi ka njoftuar gjyqtaren për rezultatet e hetimit, ndërsa Këshilli i Lartë Gjyqësor ka miratuar kërkesën e gjyqtares për të dhënë dorëheqjen në 10 dhjetor të 2019. Gjyqtarja e Shkallës së Parë të Krimeve të Rënda Liljana Sulollari ka dhënë dorëheqjen në një kohë kur Komisioni i Vettingut i kishte caktuar si afat datën 9 dhjetor 2019 për të paraqitur shpjegime apo prova me shkrim në lidhje me rezultatet e hetimit. Në këto rrethana, Komisioni i Vettingut, në fund të muajit janar 2020, vendosu të ndërpresë Vettingun për gjyqtaren Liljana Sulollari, duke vendosur ndalimin e saj për t’u bërë pjesë e drejtësisë për 15 vitet e ardhshme.

Po cilat janë çështjet më të bujshme që ka gjykuar gjyqtarja Liljana Sulollari? Në dhjetor të 2017, gjyqtares Liljana Sulollari iu deshën vetëm 15 minuta për të pranuar kërkesën e Prokurorisë për bllokimin e pasaportës ish-ministrit të Brendshëm, Saimir Tahiri, i akuzuar për trafik droge dhe grup kriminal, akuza të cilat u rrëzuan më vonë nga gjykata. Vendimi i Liljana Sulollarit për bllokimin e pasaportës u rrëzua më pas nga Apeli. Ndërkaq, në maji të 2018, gjyqtarja Liljana Sulollari dha masën “arrest shtëpie” për ish-ministrin e Brendshëm Saimir Tahiri. Edhe ky vendim u rrëzua më pas si i padrejtë nga Gjykata e Apelit për Krimet e Rënda.

Liljana Sulollari (Baku) ka qenë pjesë e pesëshes së gjykatësve që shpallën të pafajshëm Arben Frrokun, i akuzuar për vrasjen e komisarit, Dritan Lamaj. Ky vendim ndihmoi Arben Frrokun që të arratisej nga Shqipëria. Vendimi u rrëzua nga shkalla e dytë, duke e dënuar Frrokun për burgim të përjetshëm. Por, ky vendim nuk u zbatua pasi Frroku u arratis në Holandë, duke siguruar një vendim kundër ekstradimit në Shqipëri. Liljana Sulollari (Baku) ka gjykuar edhe çështjen e imamëve të vetëshpallur, të dënuar me 126 vjet burg si ‘grup terrorist’. Gjyqtarja ka dënuar edhe nipin e diktatorit Enver Hoxha, Ermal Hoxha si pjesë e rrjetit të përpunimit dhe trafikimit të kokainës (dosja Xibraka).

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • klodi: 08/02/2020 00:42

    Kjo skandalozja meriton denim.. ptuuu

    Përgjigju
  • Populli: 07/02/2020 18:07

    Atehere perse nuk arrestohet zonja gjyqetare

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite