Pr/buxheti 2025 vijon të diskutohet në komisionin e Ekonomisë. Afro 400 mijë qytetar planifikohet të përfitojnë nga rimbursimi i medikamenteve për vitin e ardhshëm. Për skemën e rimbursimit të barnave në buxhet janë planifikuar 12.6 miliardë lekë, 600 mln lekë më shumë se këtë vit. Por për deputetin socialist Erion Braçe fondet për këtë skemë janë të pamjaftueshme për shkak të korrupsionit. Sipas tij, kjo skemë prodhon korrupsion dhe jo kurim.
A e dini që sot të moshuarit që kanë nevojë nuk e marrin barin e rimbursuar por atë që kanë në recetë se kështu ju thotë doktori. Ata e blejnë me lekë. Këtu ka para por janë të pamjaftueshme për shkak të korrupsionit dhe mungesës së eficencës së vetë skemës”, tha Braçe.
Braçe ka kërkuar të rishikohet në tërësi edhe skema e ndihmës ekonomike dhe ajo e invaliditetit dhe pensionet.
Pr/buxheti është në rregull me të gjitha formalisht, çfarë është e re në këtë buxhet? Ne shohim përqendrim në dy sektorë të mëdhenj, ndërtim dhe turizëm, pra rritja përqendrohet vetëm këtu.
Kemi ndonjë plan për të hapur fusha për investime të tjera, përtej ndërtimit dhe pasurive të paluajtshme? Politika aktuale të shtyllës sociale janë të pamjaftueshme, pensionet janë të pamjaftueshme për të përballuar jetesën e të moshuarve, ndihma ekonomike edhe më keq se kaq, për të përballuar jetesën.
Aftësia ndryshe/ invaliditeti e pamjaftueshme, pagesa e papunësisë e pamjaftueshme, rimbursim i medikamenteve e pamjaftueshme dhe nuk ka shënjestrim, sepse skema e ilaçeve, ndihma ekonomike apo e invaliditetit shkon atje ku nuk e meritojnë. A mund ti rishikoni për të vlerësuar pamjaftueshmërinë, por edhe për efikasitetin e tyre që ti marrin ato që i meritojnë?
Kur e ndërmorëm reformën e pagave ishte për të rritur produktivitetin, a keni bërë ndonjë analizë për rezultatet? Pyetja tjetër a nuk ka rënë i gjithë procesi i planit për të ardhurat, pasi gjithmonë ka rënë, se kemi mbledhur gjithmonë më shumë se plani ose më pak?
Eksport-import-turizëm, nëse turizmi është në rritje të fortë, ajo që vërejmë janë eksporte në rënie në vlerë dhe importe në rritje, që nuk reflektojnë rënien e çmimeve dhe kursin e monedhës. Si është e mundur që turizmi vetëm po na sjellë import?
Nga ana e tij Ministri i Financave Petrit Malaj u shpreh në komision, se vetëm pasi të jetë gati skema e re mund të ulemi në diskutime për të shtuar financimin.
Deputeti opozitar, Arbi Agalliu deklaroi sot se projektbuxheti i vitit 2025 nuk ka prioritete të qarta se kush sektor është në qendër të vëmendjes së qeverisë për t’u zhvilluar.
Agalliu : Lë për të dëshiruar buxheti që merr arsimi, duke ditur që të gjithë ta kërkojnë mbi 5%, jemi të fundit në rajon. Po ashtu edhe shëndetësia merr vetëm 2.9% të PBB-së.
Dy sektorë të rëndësishëm, arsimi po cedon dita ditës. Buxheti për bujqësinë është shumë i ulët, në raport edhe me problematikat që ka pasur ky sektor. Duhet të shikohet mundësia për të rritur buxhetin për ish të përndjekurit politik, sepse duhet të ishte përmbyllur si proces. Ju duhet të spastroni administratën publike nga numri i shtuar i stafit.
Lajmi ne perditesim...
Afro 400 mijë qytetar planifikohet të përfitojnë nga rimbursimi i medikamenteve për vitin e ardhshëm. Për skemën e rimbursimit të barnave në buxhet janë planifikuar 12.6 miliardë lekë, 600 mln lekë më shumë se këtë vit. Por për deputetin socialist Erion Braçe fondet për këtë skemë janë të pamjaftueshme për shkak të korrupsionit. Sipas tij, kjo skemë prodhon korrupsion dhe jo kurim.
“Edhe tek skema e ilaçeve prodhon korrupsion dhe jo kurim për pensionistët. Sa skema kemi denoncuar për shkak të korrupsionit. A e dini që sot të moshuarit që kanë nevojë nuk e marrin barin e rimbursuar por atë që kanë në recetë se kështu ju thotë doktori. Ata e blejnë me lekë. Këtu ka para por janë të pamjaftueshme për shkak të korrupsionit dhe mungesës së eficencës së vetë skemës”, tha Braçe.
Braçe ka kërkuar të rishikohet në tërësi edhe skema e ndihmës ekonomike dhe ajo e invaliditetit pasi po përfitojnë njerëz që nuk e meritojnë, ndërsa ata që kanë vërtetë nevojë presin me vite dhe nuk e marrin.
“Patjetër që është buxheti më i mirë që kemi pasur ndonjëherë. Kemi para plot, boll, problemi është efektiviteti i politikave në mbrojtjen sociale. Ndihmën ekonomike e kemi të tillë nuk e di prej sa kohësh, duhet të reformohet, që ta marrin vetëm nevojtarët dhe jo dembelet. Në kushtet kur ka nevojë për punë pse të mbahen me gjilpëra dembelët. E njëjta edhe për aftësinë e kufizuar. Kam unë një fshat i gjithi invalid, fshati më prodhues në Myzeqe, punojnë nga mëngjesi deri në darkë, dhe nga ana tjetër i keni tek listat e aftësisë së kufizuar dhe ke njerëz që nuk e merr dot, ose marrin më pak pagesë, dhe ke të tjetër që presin me vite për të marrë leje invaliditeti se komisionet nuk funksionojnë”, tha Braçe.
Deputeti i PS-së ka kërkuar analizë edhe për rritjen e pagave në shtet nëse ka sjellë rritje të produktivitetit.
“Po të nisemi nga produktiviteti, i vetmi me produktivitet që i meriton ato pagat është SPAK-u. Ne duhet të bëjmë një vlerësim për armatën e administratës”, tha Braçe.
Skema e re e pensioneve e cila po diskutohet mes disa institucioneve, nuk është financuar në buxhetin e vitit 2025, për shkak sepse nuk ka një formulë përfundimtare. Ministri i Financave Petrit Malaj u shpreh në komision, se vetëm pasi të jetë gati skema e re mund të ulemi në diskutime për të shtuar financimin.
“Projektbuxheti i 2025 nuk adreson skemën finale të pensionit, apo bonuset që planifikohet të jepen, pasi jemi në proces. Kur të kemi formulën finale, ne mund të ulemi të rishikojmë buxhetin e shtetit”, tha ministri Malaj.
Për vitin që vjen janë planifikuar vetëm 16 mln euro për indeksimin e pensioneve dhe 37 mln euro për bonusin e fundvitit, ku vetëm bonusi ka rritje të lehtë me 1 mln euro, kjo rritje tha ministri është bërë pasi do rritet vlera e bonusit.
“Për vitin 2025 kemi 3.7 mld lekë për bonusin e fundvitit, presim të ketë rritje të bonusit të fundvitit”, tha Malaj.
Në total në vitin 2025 për indeksimin dhe bonusin do të harxhohen për 53 milionë euro, më pak se 2024 kur u dhanë 78 milionë euro për indeksimin dhe bonusin.
Komente
Lajme të tjera
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
-
PD: Projektbuxheti 2025 nuk adreson problematikat akute të shoqërisë
3 Nëntor, 14:59 -
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Deputeti Braçe dha alarmin tre ditë më parë me një VIDEO: Shtresë e trashë, me një erë të keqe! Të kuptohet burimi, duhet ndërhyrë
30 Tetor, 18:14 -
Ndotje në Liqenin e Tiranës? Anisa Ruseti për Report TV: Shtim i algave jeshile, jo i rrezikshëm për popullatën! Ja dy faktorët dhe masat që merren
30 Tetor, 17:04 -
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
‘Plani i Rritjes’, Shqipëria pret të marrë 922 mln euro nga BE deri në 2027-ën, për investimet në 4 fusha kryesore! BE kërkon ‘projekte serioze’
29 Tetor, 21:15
-
Projektbuxheti/ Ulja e nëndeklarimit të pagave do të sjellë 150 mln euro shtesë në buxhet në vitin 2025!
29 Tetor, 17:50
-
Buxhetin 2025 do ta ‘gllabërojnë’ rrugët, marrin 334 mln euro! Rritje 94 mln € edhe arsimit! Në fokus Shëndetësia, Siguria dhe Mbrojtja
29 Tetor, 17:00
-
Komisioni i Ekonomisë/ ‘Po sulmohem nga mediat’, Braçe: Do e qep gojën, se po thonë që kam ‘kap’ KLSH! Shehu: Vlerësojmë bashkëpunimin me ju për auditimet
29 Tetor, 12:00
Zoti Braçe jeni i vetmi që ngrini zërin dhe mbroni popullin.Krimi më i madh në Shqipëri është FARMACEUTIKA....medikamentet mbajnë rekord për cilësi të ulët dhe çmime super të larta....SI KA MUNDËDI QË ILAÇET NË GREQI JANË ME ÇMIM SHUMË HERË MË TË ULTA SE KËTU PALE PASTAJ PËR CILËSINË QË JANË SHUMË TË MIRA.......O SHTET VINI DORË NË KËTË PLAGË SE PO I MERNI SHPIRTIN KËTIJ POPULLI DELE QË NGRIHET PËR PARTITË DHE JO PËR TË DREJTAT E TYRE.
Përgjigju