Presidenti Begaj: Shenjt Tereza, dëshmi e gëzimit, që buron nga dashuria për jetën! Na fton të kultivojmë vlerat më të mira shpirtërore të popullit tonë

Presidenti Bajram Begaj ka thënë se shenjtorja Nënë Tereza është dëshmi e gëzimit, që buron nga dashuria për jetën dhe për madhështinë e dinjitetit njerëzor. Gjithashtu shtoi se shembulli i saj i fton të gjithë të shohin brenda vetes për të kultivuar dashurinë për tjetrin.

“Shenjt Tereza e Kalkutës, dëshmi e gëzimit, që buron nga dashuria për jetën dhe për madhështinë e dinjitetit njerëzor. Bija shqiptare është simbol i mohimit të privilegjit vetjak dhe shërbimit të pakursyer ndaj të vuajturit, të uriturit, të pamundurit e të harruarit.

LEXO EDHE:
Mjeshtri i aktrimit Reshat Arbana i nënshtrohet një ndërhyrje kirurgjikale në zemër

Në një botë, që rend drejt materiales, shembulli i saj na fton të shohim brenda vetes, brenda familjeve dhe shoqërive tona për të kultivuar dashurinë për tjetrin dhe vlerat më të mira shpirtërore të popullit tonë, të cilat Nënë Tereza i ka lartësuar si askush tjetër në botë. E sotmja duhet të jetë një ditë reflektimi për secilin prej nesh për më shumë solidaritet për të afërmin, dashuri për njëri-tjetrin dhe shërbim për vendin!”, shkroi Begaj.

Lajmi kryesor:

6 vite nga shenjtërimi i Nënë Terezës! Vatikani nxjerr monedhën me vlerë 2 euro me imazhin e shenjtores

A.M./Shqiptarja.com

TAG:
• Nene Tereza
• shenjterimi i nene terezes