Presidenti i Maqedonisë nuk firmos marrëveshjen për emrin me Greqinë: 5 arsyet pse nuk e dekretoj

Presidenti i Maqedonisë, Ivanov nuk e ka dekretuar marrëveshjen me Greqinë për emrin e ri. Në njoftimin e Presidencës maqedonase numërohen 5 arsye pse presidenti Ivanov refuzon ta nënshkruaj ratifikimin e Ligjit për Marrëveshjen me Greqinë. Ndër të tjera, ai thekson se marrëveshja nënshtron Maqedoninë ndaj Greqisë. Më 17 qershor kryeministri i Maqedonisë, Zoran Zaev dhe homologu i tij grek, Aleksis Cipras, nënshkruan Marrëveshjen për ndryshimin e emrit të Maqedonisë në Republika e Maqedonisë Veriore. 

Në Kuvendin e Maqedonisë sot është dorëzuar vendimi i presidentit Gjorge Ivanov. Kryetari i Kuvendit Talat Xhaferi në afat prej 30 ditësh duhet ta fusë përsëri në rend dite dhe votim, ndërsa për ta kaluar duhen 61 vota. Megjithatë, paralajmërohet se ajo do të ndodhë deri në fund të javës së ardhshme dhe se kryetari i Kuvendit nuk do ta pres afatin e fundit apo 20 korrikun.

Deklarata e Presidences se Maqedonise
Në kryerje të funksionit të Presidentit të Republikës së Maqedonisë gjithmonë veproj me përgjegjësi dhe të drejtat e mia dhe detyrimet i kryej brenda kornizave të Kushtetutës, ligjeve dhe interesave të Republikës së Maqedonisë

1. Nuk kam mandat ta nënshkruaj dekretin për shpalljen e Ligjit për ratifikim të kësaj Marrëveshje. Një nga shtyllave të politikës sime nga programi i vitit 2014 është se nuk pranoj ndryshim të Kushtetutës me qëllim të ndryshimit të emrit kushtetues.

LEXO EDHE:
Mesazhi i SHBA për Berishën, FBI dhe akuzat se është ‘kukull e Putinit’

2. Marrëveshja del jashtë kornizave të rezolutave 817 (1993) dhe 845 (1993) të Këshillit për Siguri të Kombeve të Bashkuara.

3. Marrëveshja nuk ka bazë kushtetuese dhe nuk është e ratifikuar në pajtueshmëri me Kushtetutën.

4. ligji për ratifikim të Marrëveshjes nuk është në pajtueshmëri me nenin 51, nenin 118 dhe nenin 119 të Kushtetutës së Republikës së Maqedonisë.

5. Marrëveshja e bie Maqedoninë në gjendje të nënshtrimit dhe varësisë nga shtete tjera, konkretisht të Greqisë.

TAG:
• zoran zaev
• emri i maqedonise
• ivanov

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  71%

• Jo

  19.8%

• Ndoshta

  9.2%

Vota total: 283

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta