Zgjedhja e Presidentit po kthehet ne eventin më të rëndësishëm politik të stinës, pas betejës së Berishës me ambasadoren amerikane kuptohet.
Diskutimet janë fokusuar në parimet dhe identikitin që duhet të këtë kreu i ri i shtetit, por harrohet elementi që është më thelbësori, eksperienca dhe qasja që mund të ketë pasur në detyrat e mëhershme. Kushtetua njëjtë ka qenë, problemet kanë dalë nga interpretimi i shtrembër, sidomos në Presidencën e Ilir Metës! Po të shikohet mënyra se si janë zgjedhur presidentët e kaluar, gjithmonë në muajt e parë të 'mjaltit' me qeverisjet, kanë qenë më të miri! Të gjithë pa përjashtim janë konsideruar si presidenti mbi palët, që do garantonin ruajtjen e Kushtetutës.
Por pas vetëm 1 viti, maskat iu ranë dhe papritur ata që ishin kandidatët më të përkryer, u kthyen në horra bulevardi, të shitur, të partisë etj! Lumenjtë me akuza nuk kishin të sosur. E vërteta është se Ilir Meta në presidencën e tij, i mishëroi të gjitha kritikat që çuan deri në shkarkimin për herë të parë nga mazhoraca, por ish-Presidentët e tjerë besoj pak ose aspak! Si me angazhimin por edhe me heshtjen e tyre! E megjithatë, asnjë nuk doli i pa lagur nga ‘problemet’ në Presidencë. Por a mundet që kjo të shmanget në të ardhmen? Padyshim që jo.
Asnjë president i ardhshëm, nuk mund të mos mbajë qëndrime të forta që do ja diktojnë rrethanat e të ardhmes, që mund të çojë në ‘mërzitjen’ e forcës që do e zgjedhë, duke e shpallur më tej armik ose tradhtar.
Thënë sa më lart, por parë edhe mungesën e konsensusit nga opozita e ndarë në disa thela dhe me një problem të madh me SHBA, socialistët janë të ‘detyruar’ ta zgjedhin të vetëm presidentin e ri. Pavarësisht diskrecionit në votimin e 3 kandidatëve për Presidentë nga deputetët e PS, disa informacione kanë rrjedhur.
Mimi Kodheli ish-ministre e Mbrojtjes ka dalë më e votuara, mes emrave si Vali Bizhga, e panjohur shumë për publikun e gjëre, por shumë e njohur nga kreu socialistëve Edi Rama, ish-deputetja dhe kryetarja e parë e Grupit Parlamentar të socialistëve Valentina Leskaj apo edhe Majlinda Bregu ish-ministre e Integrimit në qeverinë Berisha, që ka marrë pak vota, 2 më konkretisht. Pra, mes ‘presioni’ të brendshëm dhe atij të jashtëm për një emër jo politik, duket sikur gjasat janë për një emër jashtë saj.
Por, sa e sigurt është që edhe pse i jashtëm, presidenti i ri të jetë mbi palët? Siguria është e njëjtë me parashikimet e sakta për tërmetet, pra zero! Kushdo që të jetë emri i ri, duke parë edhe situatën e diktuar nga koniunktura të jashtme apo brendshme është i/e destinuar të jetë i ashpër me qeverinë dhe kritik me opozitën në veçanti nëse ajo do të zgjedhë përsëri Berishën në krye.
Edi Rama do e kishte më të lehtë t'i gjente argumentet ndaj një Presidenti kritik se sa ndaj një presidenti kritik ish-bashkëpunëtor. Kjo e bën më të lehtë zgjedhjen, por jo bashkëjetesën, që me shumë gjasa pas muajve të parë do të jetë problematike.
Komente
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58
Po Mimi duhet te vihet "patjeter" sepse i njeh mire keto pune, ashtu sic fikte radaret nje here e nje kohe. Oh Shqiperi e mjere, ne dore te kujt ke ngelur.
PërgjigjuNuk e kuptoj pse duhet te pyesi dhe te ulet me opoziten per te negociata, Z.Rama I ka votat per ta zgjedhur vete Presidentin, edhe Berisha vete e zgjodhi Bujar Nishanin ne 2012.
PërgjigjuEmri me i pershtatshem per president eshte ish ministri i brendshem Sander LLeshaj. Edi Rama e ka propozuar njehere si rekomandim te Ismail Kadarese, kur ne mazhorance ishte Berisha qe nuk e pranoi. Tani Edi Rama i ka votat dhe nuk ka asnje pengese, po te doje mund ta zgjedhi si president. Asnje figure tjeter nuk ka personalitetin dhe integritetin e z Lleshaj, qe i ben nder institucionit te presidentit.
PërgjigjuTallesh apo si. Ca nderi sjell nje deshtak qe e vetmja cilesi qe i ka ngelur eshte servilizmi ekstrem?
Sado qe e marrrim me med se Rama tashme ne mendjen e vet e ka vendosur emrin e presidentit dhe me shume gjasa femer ne nuk rrihet pa dhene emra. Une psh mendoje nje te paangazhuar fare si Kita Sallabanda ose nje fare pak te angazhuar si Visar Zhiti
PërgjigjuUn them mimi se ajo ka punuar me ramen në bashkin e tiranes … e kuptoni vete ju . Te tjer emra jon kot Pa lidhje mimi po.
Përgjigju