POP 5

Lajmet më të lexuara të 5 minutave të fundit

Bota

Presidenti i ri i Iranit, i gatshëm për 'dialog konstruktiv' me Evropën

Presidenti i zgjedhur i Iranit, Masoud Pezeshkian, tha se dëshiron të përmirësojë raportet me shtetet evropiane, edhe pse ai i akuzoi këto shtete se po refuzojnë të angazhohen në zbutjen e ndikimit të sanksioneve të vendosura nga Shtetet e Bashkuara.

Presidenti i ri i Iranit, i gatshëm për 'dialog konstruktiv' me Evropën

Presidenti i ri i Iranit, Masoud Pezeshkian

Presidenti i zgjedhur i Iranit, Masoud Pezeshkian, tha se dëshiron të përmirësojë raportet me shtetet evropiane, edhe pse ai i akuzoi këto shtete se po refuzojnë të angazhohen në zbutjen e ndikimit të sanksioneve të vendosura nga Shtetet e Bashkuara.

Më 6 korrik, Pezekishan mposhti në rundin e balotazhit ultrakonservatorin, Saeed Jalili.

Pezekishan ka bërë thirrje për “raporte konstruktive” me shtetet perëndimore që “ta nxjerrin Iranin nga izolimi”. Ai po ashtu është në favor të ringjalljes së marrëveshjes bërthamore që u arrit më 2015 mes Iranit dhe fuqive botërore.

Uashingtoni u tërhoq nga marrëveshja më 2018 dhe rivendosi sanksione, ndërkaq Irani gradualisht shkeli marrëveshjen. Marrëveshja synonte uljen e aktivitetit bërthamor, në këmbim të lehtësimit të sanksioneve të vendosura ndaj Republikës Islamike. Teherani insiston se programi i tij bërthamor ka qëllime paqësore.

Kush është presidenti i ri i Iranit, Masud Pezeshkian?

Në një shkrim të publikuar të premten mbrëma në Teheran Times, Pezeshkian tha se pasi SHBA-ja u tërhoq nga marrëveshja bërthamore, shtetet evropiane u zotuan se do ta ringjallnin marrëveshjen dhe do të ndihmonin në zbutjen e ndikimit të sanksioneve amerikane.

“Shtetet evropiane kanë refuzuar këto zotime”, shkroi ai.

“Pavarësisht këtyre gabimeve, unë mirëpres angazhimin në një dialog konstruktiv me shtetet evropiane që raportet tona të vendosen në rrugën e duhur, bazuar në parimet e respektit të ndërsjellë dhe të trajtimit të barabartë”.

Zëdhënësja e Bashkimit Evropian, Nabila Massrali, më herët ka uruar Pezeshkianin për fitore në zgjedhje, duke shtuar se blloku prej 27 anëtarësh “është i gatshëm të angazhohet me Qeverinë e re në linjë me politikën e BE-së për angazhim kritik”.

Zgjedhjet në Iran u mbajtën pasi presidenti ultrakonservator, Ebrahim Raisi, vdiq gjatë rrëzimit të helikopterit me të cilin po udhëtonte.

Pezeshkian në Iran konsiderohet “reformist”. Por, në këtë shtet, fjalën e fundit për politikat kryesore e ka lideri suprem, Ajatollah Ali Khamenei./REL

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46