Presidentja Jahjaga emëron
anëtarët e KQZ së Kosovës

PRISHTINE- Presidentja e Republikës së Kosovës, zonja Atifete Jahjaga, mori vendim sot për emërimin e anëtarëve të Komisionit Qendror të Zgjedhjeve të Republikës së Kosovës. Anëtarët e KQZ do të jenë të njejtit.

 Anëtarët u emëruan sipas propozimit të Grupeve Parlamentare dhe të partive politike parlamentare të komuniteteve të përfaqësuara në Kuvendin e Kosovës, të cilët dhanë betimin përpara Presidentes.

Presidentja Jahjaga e mori vendimin bazuar në nenin 139, pika 4 të Kushtetutës së Republikës së Kosovës, në nenin 61, në nenin 62 të Ligjit për Zgjedhjet e Përgjithshme në Republikën e Kosovës, në bazë të propozimeve të Grupeve Parlamentare dhe pjesëtarëve të komuniteteve.

Anëtarë të Komisionit Qendror Zgjedhor, të cilët dhanë betimin përpara Presidentes, janë:

Z. Betim Gjoshi – përfaqësues i Partisë Demokratike të Kosovës,

Z. Ilir Gashi – përfaqësues i Partisë Demokratike të Kosovës,

Z. Florian Dushi – përfaqësues i Lidhjes Demokratike të Kosovës,

Z. Adnan Rrustemi – përfaqësues i Lëvizjes Vetëvendosje,

Z. Binak Vishaj – përfaqësues i Aleancës për Ardhmërinë e Kosovës,

Z. Eshref Vishi – përfaqësues i Nisma për Kosovën,

Z. Nenad Rikalo – përfaqësues i Listës Serbe,

Z. Ercan Spat - përfaqësues i Partisë Demokratike Turke të Kosovës,

Z. Bajram Ljatifi - përfaqësues i Koalicionit VAKAT,

Z. Ergit Qeli - përfaqësues i Partisë Liberale Egjiptiane.


Marrë nga "RTK'

Redaksia online
(e.s/shqiptarja.com)

TAG:
• kqz