Priti në një takim studentët e Mjekësisë, Begaj: Do të shqyrtojmë me seriozitet argumentet e paraqitura prej tyre

Presidenti Bajram Begaj ka reaguar pas takimit me studentët e Mjekësisë. Kreu i shtetit thotë se do të shqyrtojë me seriozitet të gjitha argumentet e paraqitura prej tyre, si dhe argumentet e relatuara nga ligji para se të veprojë sipas kompetencës dhe procedurës kushtetuese.

'Presidenti i Bajram Begaj, priti sot në një seancë dëgjimore një përfaqësi të studentëve të Universitetit të Mjekësisë së Tiranës dhe dëgjoi me vëmendje shqetësimet dhe sugjerimet e tyre lidhur me ligjin “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucionet publike të arsimit të lartë”.

Ky ligj është miratuar nga Kuvendi i Shqipërisë më 21/07/ 2023 dhe është aktualisht në fazën përmbyllëse pranë Presidentit të Republikës.

LEXO EDHE:
Begaj merr pjesë në inagurimin e murales së Skënderbeut dhe bashkisë së re të Cerzeto-s

Presidenti i Republikës, Bajram Begaj, konsideron se konsultat me palët e interesuara gjatë procesit legjislativ janë një instrument i çmuar për vendimmarrjen institucionale.

Në mbyllje të takimit, presidenti siguroi përfaqësuesit e studentëve se do të shqyrtojë me seriozitet të gjitha argumentet e paraqitura prej tyre, si dhe argumentet e relatuara nga ligji para se të veprojë sipas kompetencës dhe procedurës kushtetuese.'- shkruan Begaj.

Lajmi kryesor:

Studentët e Mjekësisë 90 minuta takim me Begajn: I shprehëm shqetësimet për ligjin! Po bëjmë gati dërgimin në ‘Kushtetuese’! Presidenti: Do të shqyrtojmë argumentet e tyre

M.Q./Shqiptarja.com

TAG:
• Universiteti i Mjekesise
• Bajram Begaj
• Diploma e studenteve te Mjekesise