POP 5

Lajmet më të lexuara të 5 minutave të fundit

Sport

Problemet me pagat te Kamza, futbollistët: Kjo situatë ka ndikuar në skuadër, por në fund ia dalim

Kamza po kalon një moment aspak pozitiv në Superligë dhe kjo edhe për shkak të situatës ekonomike. Në një prononcim për Report TV futbollistët e pranojnë se ka probleme me pagat, por shprehen se për të ardhmen kanë marrë siguri nga presidenti. Ata gjithashtu shtojnë se pavarësisht vështirësive në fund do ia dalin të mbijetojnë në Superligë.

Kamza renditet e fundit në Superligë dhe për momentin është kandidati potencial për të zbritur në kategorinë e parë. Faktori kryesor se përse klubi ndodhet në këtë situatë është çështje e pagave të futbollistëve të cilat ata nuk i marrim prej muajsh. Për këtë arsye në ndeshjen e fundit kundër Partizanit disa prej lojtarëve refuzuan të zbrisnin në fushë. Vetë futbollistët nuk e mohojnë diçka të tillë, por për Report Tv tregojnë se kanë marrë garanci nga presidenti.

“Presidenti na ka dhënë siguri dhe për këtë arsye jam akoma pjesë e Kamzës. Do vazhdoj të jem deri në fund këtu”. Ndërkohë Harallamb Qaqi, i afruar në merkaton e janarit nga Kukësi, për këtë situatë shprehet: “Është një problem që ka ndikuar te lojtarët. Gjithsesi presidenti më ka dhënë siguri që tani e mbrapa do të merren masat”. 

Përtej të gjithave futbollistët deklarojnë se në fund do ia dalin që Kamza të mos zbresë nga Superligë. “Jemi në vendin e fundit, por kjo nuk do të thotë se është shumë e vështirë për mbijetesën. Ka akoma shumë ndeshje dhe ne do ti marim një nga një që më pas t’u nxjerrim maksimumin”.

Kamza aktualisht renditet në vendin e 10 me 15 pikë, 1 më pak se Kastrioti i vendit të 9 dhe 5 më pak se Tirana, e cila mban edhe pozicionin e fundit që të siguron qëndrimin në Superiore për sezonin e ardhshëm.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55