Fillimi i shpërndarjes së vaksinës kundër COVID-19 ka qenë një lajm i mbuluar gjerësisht në mediat ndërkombëtare, dhe i pritur me entuziazëm nga shumica dërrmuese e popullsisë së botës, duke lënë mënjanë sigurisht besimtarët e përhershëm të teorive konspirative. Njësoj është pritur edhe nga pjesa më e madhe e popullsisë në Shqipëri, si një ngjarje që ngjall shprese, pothuaj dhjetë muaj nga dita kur koronavirusi u shndërrua në një realitet frikëndjellës edhe për shqiptarët. Por në Shqipëri, si në çdo gjë tjetër, fushata e vaksinimit ka ndeshur edhe në një kundërfushatë, e cila nuk lidhet aspak me mosbesimin e konspiracionistëve tek vaksina, por me mosbesimin e ngulitur thellë tek Lulzim Basha, Monika Kryemadhi dhe oborrtarët e tyre, tek fitorja e zgjedhjeve në prill. Të dy këta, kanë bërë atë që bëjnë gjithmonë kur kanë ndjerë se kunja e shkrepëses së tyre nuk po ndez e nuk po ndez dot entuziazmin as të militantëve të partive që përfaqësojnë, e jo më të qytetarëve shqiptarë.
Tema e këtij fillimviti është vaksina. Kanë grisur deklaratat që bënin dy javë më parë, ku deklaronin se Edi Rama e ka lënë Shqipërinë pa vaksinë, të fundit në rajon, jetime, pa qeveri, e të tjera si këto. Dhe kanë nisur të shkruajnë nga fillimi akuza të reja, më absurde, më qesharake, më domethënëse për gjendjen e pashpresë në të cilën ndodhen ata, dhe oborrtarët e tyre. Në një kohë kur vaksinimi një orë e më parë është detyrim, pasi çdo sekondë që kalon është një sekondë që mbart rreziqe për mjekët dhe infermierët që përballen me sëmundjen në spitale, ata ngrejnë pyetjen, përse e filluat vaksinimin kaq shpejt?
Në një kohë kur u thuhet se vendi i BASHKIMIT EVROPIAN, që i ka dhuruar Shqipërisë 10 000 vaksinat e para, ka kërkuar ruajtjen e konfidencialitetit, për të mos u zënë ngushtë përballë shteteve të tjera që do ta kërkonin vaksinën njësoj si ne, mediat e syve të oborrit të opozitës nuk kanë lënë shtet pa përmendur si origjinë të vaksinave, shumica e të cilëve as nuk janë anëtarë të BE-së. Duke vënë kështu seriozisht një pikëpyetje të madhe edhe mbi dijet e tyre politiko-gjeografike.
Oborrtarët e paguar kanë vërshuar në banakët e mbrëmjeve televizive shqiptare, me 12 emisione politike për 3 milionë banorë, dhe ngrenë pyetje nga më të ndryshmet. Niveli skandaloz dhe mjeran i pyetjeve që bëhen, nxjerr zbuluar edhe vetë nivelin e njohur tashmë të inteligjencës së vashave që këshillojnë SHQUP-in dhe që udhëzojnë aktorët e banakëve të mbrëmjes.
Të cilët, si robotët e programuar për të mos dalë nga linja, as nuk skuqen e as nuk nxihen kur u drejtojnë profesionistëve të fushës, pyetje të tipit: A kishte etiketë vaksina? A shkruante Pfizer? A mos vallë vaksina ka ardhur nga Serbia (kjo duhej shoqëruar me pyetjen: a është Serbia vend i BE?) Si mund të pranojmë ne që të shpërdorohen taksat e një vendi të Bashkimit Evropian, duke na sjellë vaksina këtu në Shqipëri? Pse vaksinimi filloi sot dhe jo nesër? A jeni të sigurt që vaksinat nuk kanë ujë?
Imagjinoni pak, profesionistët e shëndetit si Bino, Brataj, Pipero e të tjerët, që kanë dhjetë muaj që rraskapiten me orë e pa orë, që u duhet të dëgjojnë edhe pyetjet e tilla të mjeshtrave të propagandës mediokre të Lulit, Monës, Likes dhe të tjerëve.
Imagjinoni që pas lodhjes së ditës, u duhet t’u shpjegojnë me durim, se Shqipëria ka siguruar 500 mijë vaksina, falë një kontrate që është e zeza mbi të bardhë tashmë, se vaksinat i kemi në xhep dhe se nis menjëherë lëvrimi, ndërkohë që vendet e rajonit NUK I KANE. Se milionat që flet Kosova janë instrumentit Covax, ku Shqipëria është e angazhuar madje edhe financiarisht, ndryshe nga Kosova. Se Maqedonia bëri lajm kur siguroi 100 doza nga Bullgaria, dhe se pret edhe ajo Covax. Ashtu si edhe Mali i Zi. Se Serbia ka siguruar deri tani vetëm 5000 doza, dhe as ajo nuk e ka treguar origjinën.
Sigurisht, Duke folur me mure. Sepse oborrtarët me tituj e pa tituj që kanë përballë, nuk janë aty për të kuptuar. Ata janë nxënës të zellshëm të shefeve të SHQUP-it, që duhet të mjegullojnë gjithçka. Misioni i tyre i vërtetë nuk është të sqarojnë shqiptarët duke u zbutur frikën. Jo! Misioni i tyre është të zbusin frikën e Lulit, Monës dhe Likes, të cilët ndjejnë se pak muaj i ndajnë nga dërgimi në koshin e plehrave të historisë së këtij vendi.
Komente
Lajme të tjera
-
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11 -
Basha: Siguria e Kosovës, pjesë e pandarë e sigurisë sonë kombëtare
20 Dhjetor, 13:38 -
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Dita Ndërkombëtare e Emigrantëve/ Basha: Të lëmë pas korrupsionin dhe keqqeverisjen, në 11 maj bëhuni pjesë e ndryshimit
18 Dhjetor, 16:22 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37
E gjithe surreter matrapazesh dhe dallavereaxhinjsh! E kane te shkruar ne cdo cep te fytyrave te tyre idiote we reflektojne vetem makuteri, injorance dhe poshtersi... kurre me keto surreter dhe fytyra te ndyra!
Përgjigju