Kryeministri Edi Rama ishte ditën e sotme në fshatin Lin të Pogradecit nga ku foli për mundësinë e investimeve nga projekti '100 fshatrat' për t'i dhënë mundësinë krijimit të sa më shumë bujtinave që jo vetëm do të zhvillojnë turizmin por do të krijojnë edhe mundësinë për më shumë zhvillim ekonomik.
Rama tha se banorët e fshatrave turistikë duhet të shfrytëzojnë bukuritë e natyrës për të mos e lënë shtëpinë thjesht një strehë por ta kthejnë në burim të ardhurash.
Në fjalën e tij Ministri i Turizmit Blendit Klosi deklaroi se nuk mjafton vetëm bukuria e Liqenit për të tërhequr turistët por duhet më shumë investim dhe rritje të nivelit të shërbimit.
Kreu i qeverisë Edi Rama teksa u ndal në Pogradec në kuadër të projektit '100 fshatrat' foli për mundësinë e shërbimeve që duhet të ofrojnë fshatrat turistikë për të krijuar më shumë mundësi zhvillimi dhe të ardhura duke tërhequr këtu edhe më shumë turistë.
"Faleminderit për mikpritjen. Punën për Linin e kemi filluar prej disa kohësh është dashur të bëhet një vlerësim i përgjithshëm i zonës dhe potencialeve për të identifikuar ndërhyrjet që duhen bërë që të mund të kombinojmë forcat dhe të arrijmë rezultate. Shumë kush mund të pyesë se si ka mundësi që vijnë gjithë këta njerëz këtu. Arsyeja pse e bëjmë është që të promovojmë këtë model me shembuj konkretë se si mund të funksionojë për një familje të zakonshme bashkëpunimi me qeverinë me një buxhet modest ku mungojnë mjetet financiare. Ajo që qeveria bën është se i vjen në mbështetje kësaj familjeje duke i dhënë një dhuratë me kushte që të realizohet ky projekt që të shkohet në këtë drejtim për shpenzimin e fondeve në mënyrën e duhur. Pasi kemi inciiuar këtë program kemi në dispozicion edhe një fond të konsiderueshëm nga BE për bujtinat. Duke marrë shembull nga këto raste të gjithë duhet të bëjnë përpjekjet e tyre. Është diçka që bëhet me bashkëpunimin e agjencisë dhe një lloj mbështetje teknike. Faktikisht një aset i fjetur siç është shtëpia si në rastin ku përdoret vetëm për t'u strehuar kthehet në burim të ardhurash. Nëse ky fshat kthehet në rezort turistik ku çdo pronar shtëpie merr fitimin do fillojnë të rriten edhe çmimet ekzistuese. Unë u habita ku i dëgjova çmimet se janë goxha. në aspektin e nismës individuale do merrni mbështetjen e qeverisë. Ne do bëjmë disa ndërhyrje për ta kthyer këtë fshat në një model të suksesshëm transformimi në këto vite që nis mandati i ri me kryetarin e ri të bashkisë. Unë besoj që këtu kemi një aleat shumë të madh që është natyra e mrekullueshme dhe trashëgimia e pasur dhe na duhet të bashkojmë forcat. Nga një drejtim ju për të bërë më shumë bujtina dhe nga ana tjetër ne me mbështetjen financiare", tha Rama.
Në kuadër të projektit 100 Fshatrat, Ministri i Turizmit Blendi Klosi deklaroi nga Pogradeci se duhet më shumë përpjekje për të forcuar turizmin pasi nuk mjafton vetëm bukuria e natyrës.
"Duhet të kemi një bashkëveprim me anën matanë. Ne ishin dje në Pogradec për të kuptuar problematikat e sezonit. Janë shumë ture operatorësh. Është një pikë nyje që nuk e ka më stresin që çfarë do bëjnë këtu, por të gjithë këta turistë duan shërbim. Turizmi nuk mund të bëhet vetëm me bukurinë e liqenit. Kemi nevojë për ndërhyrje komplekse. Duhet të kuptojmë se kemi shumë më tepër nevojë të jetojmë më këtë vend që të jemi një pikë e vërtetë turistike për të pasur në fund fare më shumë të ardhura dhe punësim", tha Klosi.
Lajme të tjera
-
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Mbyllja e TikTok për 1 vit, gazetarja amerikane: Shqipëria e ndaloi sepse po dëmton fëmijët, duhet vetëm vullnet politik
22 Dhjetor, 07:58 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10
