Vetëm pak ditë pasi doli përballë Komisionit të Pavarur të Kualifikimit, prokurori i Sarandës Edison Ademi ka reaguar nëpërmjet një njoftimi për media, duke pohuar se gjetjet e anëtarëve të KPK, bazohen mbi trillime dhe sajesa dashakeqase.
“…pretendimet në lidhje me lëvizje apo kontakte të miat me persona të dyshimtë nuk janë aspak të vërteta dhe për këtë fakt kam sqaruar gjerësisht dhe me prova bindëse Komisionin e Pavaruar të Kualifikimit në seancë dëgjimore…”-shruan prokurori Ademi.
Më tej prokurori Ademi thotë se personat që tentojnë ta njollosin pa të drejtë, por dhe për ata individë që i ndihmojnë, do të bëjë përpjekjet maksimale që të marrin përgjigjen ligjore të merituar.
“…në lidhje me konstatimet e ILDKPKI ju bëj me dije se jo vetëm që nuk janë reale, por raporti i tyre është në kundërshtim flagrant me ligjet e Republikës së Shqipërisë, por dhe është paraqitur tej afateve ligjore, fakt për të cilin ata nuk kanë patur as kurajon të japin sqarimet e arsyes se kësaj sjelljeje…”-shprehet Ademi.
Prej 17 vite prokurori Ademi është pjesë e sistemit të drejtësisë, duke shërbyer në prokurorinë e Vlorës, Sarandës dhe prokurori të tjera. Pritet që ditën e nesërme Komisioni i Pavarur i Kualifikimit të japë vendimin nëse Ademi do konfirmohet ose jo në detyrë.
Ndërkohë më poshtë “Shqiptarja.com” zbardh të plotë reagimin publik të prokurorit Ademi duke pohuar:
”Të nderuar bashkëqytetarë, në veçanti të qytetit tim të lindjes Vlorës ku kam punuar për rreth 17 vite! Pasi jam njohur me tituj të mediave në lidhje me seancën time dëgjimore në përfundim të hetimit administrativ, duke ndjerë detyrën time qytetare të sqaroj opinionin publik dua t ju siguroj:Pretendimet në lidhje me lëvizje apo kontakte të miat me persona të dyshimtë nuk janë aspak të vërteta dhe për këtë fakt kam sqaruar gjerësisht dhe me prova bindëse Komisionin e Pavaruar të Kualifikimit në seancë dëgjimore.
Këto pretendime tërësisht të pavërteta janë injektuar në mënyrë tinzare me kontributin e personave të dënuar dhe narkomanë, apo dhe të tjerë që i kanë ndihmuar, për të dëmtuar qëllimisht imazhin tim në kuadrin e këtij procesi. Ju falenderoj që praktikisht e keni thënë apo transmetuar tashmë dukshëm opinionin tuaj për mua!
Ju garantoj se ashtu si dhe më parë për këta persona, të cilëve nuk u ka shërbyer dënimi për t u rehabilituar dhe rikthyer me dinjitet në shoqëri, por vazhdojnë të jenë në të njëjtën rrugë të paligjshmërisë dhe krimit, madje tentojnë dhe të më njollosin pa të drejtë, por dhe për ata që i ndihmojnë, do të bëj përpjekjet maksimale që të marrin përgjigjen ligjore të merituar.
Duke ju falenderuar dhe njëherë për besimin tuaj tek unë dhe kontributin që në mënyrë publike keni dhënë për personin tim në këtë proces, Ju garantoj se unë do vazhdoj të jem ai që ju njihni prej dy dekadash dhe nuk do të lëkundem përpara asnjë lloj paligjshmërie!
Në lidhje me konstatimet e ILDKPKI ju bëj me dije se jo vetëm që nuk janë reale, por raporti i tyre është në kundërshtim flagrant me ligjet e Republikës së Shqipërisë, por dhe është paraqitur tej afateve ligjore, fakt për të cilin ata nuk kanë patur as kurajon të japin sqarimet e arsyes se kësaj sjelljeje”.
Lajme të tjera
-
Pas vendimit të KPA, Prokurorja Antoneta Sevdari kthehet në detyrë! Shteti duhet t’i kthejë pagat që prej përjashtimit në shkurt 2019
13 Maj, 12:54
-
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove
24 Janar, 13:18 -
Rikthimi i Vetting-ut në polici, 33 drejtues ‘në sitën’ e AMP-së! Kreu i sindikatës së policisë: Ligji u jep të drejtën efektivëve ta shmangin filtrin
18 Qershor 2023, 16:27
-
E ‘harroi’ KLD-ja / Vetingu shkarkon Majlinda Andrean 6 vite pasi dënimit për korrupsion, ish anëtarja e Gjykatës së Lartë shpëtoi Metën dhe Mediun nga burgu
5 Qershor 2023, 17:17
-
KPA lë në fuqi vendimin e KPK-së për shkarkimin e gjyqtares së Apelit Nure Dreni
15 Mars 2023, 19:13 -
Bilanci i 2022/ Lista me 94 gjyqtarët dhe prokurorët që 'ia mbathën' nga frika e Vettingut, përjashtohen të gjithë nga drejtësia! 15 subjekte të dorëhequra
2 Janar 2023, 16:19
-
Nënshkruhet marrëveshja Kosovë-Shqipëri për sistemin ligjor, Bushka: Historike! Rrustemi: Përvoja me Vettingun, e nevojshme për ne
21 Nëntor 2022, 12:22 -
Probleme me 3 shtyllat e vettingut, shkarkohet nga detyra gjyqtarja Ariana Caco! Pjesë e trupës gjykuese së procesit të 21 Janarit
7 Tetor 2022, 10:03 -
KPK e shkarkoi Gjovalin Përnocën, KPA lë në fuqi vendimin! Largohet nga detyra gjyqtari i Krimeve të Rënda
25 Korrik 2022, 21:49 -
U shkarkuan nga vetting-u, dhjetëra prokurorë e gjyqtarë “bëhen” avokatë
28 Maj 2022, 11:06
-
Biznesmeni Shkëlqim Fusha i dha 140 mijë euro hetuesit Emror Kasaj që e kishte marrë në pyetje për një dosje, rrëfimi befasues i prokurorit para Vetingut
18 Mars 2022, 14:20
