Deputetja e Partisë Demokratike, Jorida Tabaku dhe njëkohësisht kryetare e Komisionit e Medias dhe të Drejtave të Njeriut, ka treguar hapur mbështetjen e saj dhe të Partisë Demokratike për minatorët e Spaçit, të cilët prej 14 ditësh kanë bojkotuar punën dhe protestojnë për kushte të mira pune e rritje pagash.

Tabaku shpreh se dera e Komisionit për të Drejtat e Njeriut është e hapur për minatorët për të diskutuar mbi problematikat e tyre, si dhe për faktin që po pushohen nga puna padrejtësisht.

“Kolegët e PD të qarkut Lezhë, kanë pasur takime të shumta ame minatorët që janë duke u pushuar nga puna në Spaç. Kjo është një çështje që shkon në shkelje të ligjit dhe përtej. Këto punonjës u keqtrajtuar nga Policia e Shtetit vetëm sepse protestuan. Këto punonjës janë duke u pushuar nga puna vetëm se protestuan e janë duke kërkuar të drejtat e tyre. Për këtë arsye i kam njohur që komisioni i të Drejtave të Njeriut është i hapur për të diskutuar për të drejtat e tyre për punë, për të mbrojtur dinjitetin, për tu punësuar dhe për tu organizuar në sindikata.

Ajo që ka ndodhur me këta punonjës është një shëmbëlltyrë e shtetit shkel me këmbë që janë shumica, që jetojnë me punën e ndershme, ndërkohë që mbështet me ligje me favore ato që janë pakicë. Komisioni do të jetë një derë e hapur që mund të trokasë kushdo, duke nisur nga minatorët”, tha Tabaku.


Lajmi kryesor:

Ndërmjetësimi me ministrinë e Ekonomisë nuk dha rezultate, minatorët e Spaçit dalin sërish në protestë! Dita e 14-të e bojkotit të punës (VIDEO)