Protesta e Opozitës, Ambasada amerikane këshillon personelin: Shmangni demonstratën

Ambasada amerikane përmes një deklarate në faqen e saj zyrtare këshillon personelin e ambasadës të shmangin vendet ku do të mbahet protesta si dhe të monitorojnë mediat lokale.

“Një demonstratë është planifikuar të zhvillohet të hënën, më 7 tetor. Protestuesit planifikojnë të mblidhen pranë Kryeministrisë në orën 18:00. Pritet prania e shtuar e policisë, mbyllja e rrugëve dhe ndërprerja e qarkullimit. Policia e Shtetit Shqiptar ka këshilluar se protestuesit mund të bllokojnë kryqëzimet në pjesë të ndryshme të qytetit të Tiranës. Personeli i ambasadës është këshilluar të shmangë demonstratën. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit” thuhet në njoftimin e ambasadës. 

 

 

Lajmi kryesor:

Mosbindja civile e PD-së zgjat me pak se 4 orë! Sulmohet me molotov selia e PS, kryeministria, ministritë e bashkia! Më pak protestues se u paralajmëruan

S.G/SI.E./Shqiptarja.com

TAG:
• ambasada e shba
• protesta e 7 tetorit