(VIDEO) Mbyllet protesta e tretë për Klodjanin/ Gazi lotsjellës 'përçan' protestuesit! Policia 'merr në kontroll' situatën! Mbi 15 të shoqëruar! 2 efektivë të FNSH-së të lënduar

Mbeturina të shpërndarë në rrugë, semaforë të prishur, kosha mbeturinash të djegur...janë këto pasojat nga protesta e të rinjve në Tiranë. Në ndryshim nga dy protestat e kaluara, pasojat kanë qenë më të pakta.

Semaforët kanë qenë "tabela e qitjes" së protestuesve në protestën e mbrëmjes së sotme. Ky është një nga momentet kur një nga protestuesit ka shkatërruar një nga semaforët në kryeqytet.

Një grup personash te libri Universitar ka sulmuar me gurë e mjete piroteknike punonjësit e FNSH Fier. Si pasoje e sulmit me gurë janë plagosur 2  policë të FNSH-së të cilët janë transportuar në spital.

Me qirinj në duar të rinj, simpatizantë të PD e LSI nisin një tjetër marshim në Fier. Këtë herë nga vendi i njohur si Rrethrrotullimi i Sharrës deri në qendër të qytetit me qirinj në duar pasi kanë marshuar bulevardin kryesor të qytetit.

Ata kanë ndaluar pranë perfekturës dhe në shenjë homazhi kanë ndezur dhe qirinj.

Por ndërsa Luan Baçi ka mbajtur një fjalim të shkurtër ku kërkonte të rrëzojë nga pushteti Ramën, gazetari i Report Tv Kristaq Thano raporton se ka qenë pikërisht dikush nga turma që i ka thënë të mos e kthejë këtë protestë në politike. Pas kësaj protestuesit janë shpërndarë qetësisht.

U vihet flaka koshave të mbeturinave në sheshin Wilson! Menjëherë ka ndërhyrë autoboti me ujë që ka shuar zjarrin.

Ky është momenti kur autoboti me ujë ka shpërndarë turmën që ishte mbledhur në zonën e sheshit 'Wilson' në Tiranë. Siç shihet nga pamjet që vijnë nga kamerat e sigurisë së qytetit, protestuesit janë larguar me vrap.  

Disa protestues në zonën e ish- Bllokut u kanë bërë thirrje qytetarëve të cilët ishin ulur në kafene.

"Hajdeni me ne, mos bëni video në Instagram", dëgjohen të thonë ato.

Ka pasur një përshkallëzim të situatës në zonën e Ish- Bllokut, ku kanë prishur tabelat në rrugë e semaforë, në kryqëzimin pas presidencës.

Disa protestues janë parë të pajisur me shkopa druri e në zonën e ish- Bllokut. Bëhet fjalë për një grup të miturish, por sapo kanë parë policët e FNSH-së, janë larguar me vrap. Ndërkohë, në këtë zonë dëgjohen thirrje të protestuesve "Ardi Veliu jep dorëheqjen".

Një situatë e paqartë ka ndodhur pranë Bibliotekës Kombëtare, ku një protestues ka pretenduar se policia e ka qëlluar.

"O shefi mos më gjuaj", mësohet të ketë thënë ai, por polici i thotë që të largohet në shtëpi, pasi ishte i dehur.

"Ik në shtëpi, se je i pirë", i ka thënë polici, por pas rezistencës së të riut dhe ofendimeve, ai është shoqëruar në Komisariat.

Report Tv mëson se deri më tani janë shoqëruar nga policia dhjetëra protestues.   

Hidhet sërish gaz lotsjellës në Bulevardin Dëshmorët e Kombit, përballë kryeministrisë. Për pasojë, në këtë zonë nuk ka protestues të mbledhur.  

Situata paraqitet e qetë te 'Sheshi Skënderbej'. Gazetarja e Report Tv, Klesiana Omeri raporton se turma e protestesve është shpërndarë për shkak se është hedhur gaz lotsjellës.

Vrasja e 25-vjeçarit Klodian Rasha mblodhi sërish në proteste këtë të premte një grup të rinjsh në qytetin e Lezhës. Ata u grumbulluan rreth ores 17:00 në qender të qytetit pranë obeliskut të Besëlidhjes dhe me pas marshun përgjatë rruges “Luigj Gurakuqi” dhe u ndaluan para Komisariatit të Policisë.Me thirrje “Rama Ik” dhe “Drejtësi për Klodianin” të rinjtë qëndruan për disa minuta para ambjenteve të policisë, duke hedhur dhe shashka në drejtim të bluve dhe godinës së policisë. Për shpërndarjen e të rinjeve ndërhynë disa oficer civil të policisë, duke bërë që protesta të mbyllet pas rreth 40 minutash.

Kjo është dita e dytë radhazi që zhvillohen protesta në Lezhë kundër vrasjes së Klodian Rashës. Në protestën e së enjtes numri i qytetareve ishte më i lartë, ndërsa nuk munguan as aktet e dhunës kundër institucioneve dhe pronës publike si dhe u bllokuan për disa minuta rruga drejt Shkodrës dhe Tiranës. Në lidhje me këto veprime u shoqëruan në polici 15 përsona të cilët do ndiqen penalisht në gjendje të lire për disa vepra penale.

Në Dibër protesta për vrasjen e Klodjan Rashës ka qenë e qetë.

Rreth 500 të rinj kanë bërë protestë homazh, kanë ndezur qirinj te busti i Skënderbeut ku ishte fotoja e Klodjan Rashës dhe u shpërndanë duke brohoritur pa shkaktuar asnjë dëm.

Kurse në Durrës rreth 150 vetë të rinj dhe adoleshente 10 deri 12 vjeçarë u mblodhën te pallati i kulturës Aleksandër Moisiu Durrës prej aty marshuan në drejtim të Drejtorisë së Policisë.

Ata kanë rrëzuar kazanët e plehrave që gjetën rrugës. Më pas u pozicionuan përpara drejtorisë së policisë. Përpara portës vendosën 2 kazanë plehrash dhe njërit i vunë flakën.

Hodhën dhjetra kapsolla në mjediset e jashtme të policisë. Pas gjysëm ore turma u largua në drejtim të sheshit kryesor përpara bashkisë.

Aty dëmtuan një pjesë të dekorit të festës dhe më pas u shpërndanë. Gjatë gjithë kësaj kohe policia qëndroi pasive dhe vetëm e shoqëroi turmën duke shmangur ndonjë kinfrontim.

Në turmë u panë drejtues të FRPD të cilët jashtë mikrofonave deklaruan se nuk kishin lidhje me prorestën. Më pas punonjësi e ndërmarrjes pastrim gjelbërimit ndërhynë dhe sistemuan kazanët dhe liruan rrugët për të mundësuar qarkullimin e automjeteve.

Policia 'ka pushtuar' Bulevardin Dëshmorët e Kombit'. Siç shihet në pamjet që sjell rReport Tv në këtë Bulevard nuk ka asnjë protestues. Pjesa më e madhe e tyre janë zhvendosur në zonën e ish- Bllokur, teksa janë nisur drejt Drejtorisë së Policisë.

Protesta për vrasjen e Klodjan Rashës në Pogradec ka qenë paqësore.

Por ajo nuk ka zgjatur shumë, sepse disa minuta pasi ka filluar është mbyllur. Pas marshimit paqësor thirrjeve dhe mesazheve për drejtesi protestuesit janë shpërndarë. Të rinjtë shprehen se nuk janë me asnjë parti por kanë dalë pasi kërkojnë drejtësi për Klodjanin.

"Të gjithë këtu jemi të rinj dhe kemi dalë për të mbështetur klodjanin. Ne sjemi as për parti dhe asgjë jemi vetëm për atë dhe kujtimin e tij dhe e vetmja gjë që kërkojmë është të vendoset drejtësia, sepse po i largohen të gjithë. Ne besoj se e shikoni nuk jemi kriminala por çuna të ri. Se kuptoj arsyen pse ka kaq shumë polica kur jemi kaq pak njerëz. Shpresojmë që të gjithë të japin dorëheqjen. Po su hoqën të gjithë me rradhë ta riformojnë policinë është e kotë", thotë njëri prej tyre.

Sapo turma e protestuesve kanë parë efektivët që kanë dalë në terren, kanë qëlluar në drejtim të tyre te Kryeministria. Për këtë arsye është hedhur ujë në drejtim të tyre.

Mblidhen protestuesit përballë kryeministrisë. Qarkullimi i makinave është ndaluar.

Ish-deputeti i PD në Fier Luan Baçi si duket po e shfrytëzon protestën për vrasjen e Klodjan Rashës, pasi ndërsa ka mbledhur një grup njerëzish ai ka bërë thirrje për të rrëzuar pushtetin. Në fund fjalën e tij e mbyll me fjalët rroftë PD.

"30 vjet PD por duke qenë se jetojmë në koihë ntë vështira duke qenë se jetojmë në disa ditë të trishta kur një të ri e vrau policia e Ramës shteti i tij. Nuk mund të bëjmë një festë. Por gjetëm këtë mënyrë për të nderuar atë të ri dhe për të festuar festën e Pd e  për tu thënë shqiptaëvese vetëm me Pd do vijë ndryshimi", thotë ai.

Ka nisur protesta edhe në Fier për vrasjen e Klodjan Rashës nga efektivi i policisë.

Deri më tani protesta duket paqësore dhe në krye të saj është ish-deputeti i PD Luan Baçi.

Marshimi ka nisur nga bashkia e Pogradecit me thirrje e pankarta në duar ku kërkojnë dorëheqjen e drejtorit të përgjithshëm të policisë Ardi Veliu.

Deri tani protesta duket paqesorë.

Në ditën e 3, protestës për vrasjen e 25 vjeçarit Klodjan Rasha i janë bashkuar sërish aktorët dhe aktivistët e Aleancës së Teatrit.

Kurse qarkullimi i automjetëve vazhdon në Bulevardin Dëshmorët e Kombit kjo nisur nga fakti se nuk ka një leje zyrtare për zhvillimin e protestës.

Bllokimi i makiave do të ndodhë në mënyrë natyrale nëse protestuesit do të vërshojnë nëpër bulevard.

Pak para nisjes së protestës, Policia ka nisur kontrollet ndaj të rinjve, nëse janë të pajisur me kapsolla pa tymuese, siç kanë ndodhur në 2 protestat e kaluara.

Protesta për vrasjen e Klodjan Rashës janë organizuar edhe në Krujë. Me thirrjet "Policia e Krimit" dhe Rama ik", të rinjtë kanë zhvilluar një protestë paqësore, raporton gazetari Julian Shota, ku nuk ka pasur incidente apo përplasje me unformat blu.

Nuk ndalet Arkimed Lushaj (Stresi). Edhe pse është shpallur në kërkim ai vijon me thirrje për protesta masive.

Në një postim në rrjetet sociale, Lushaj ka kërcënuar kreun e Policisë së Shtetit, Ardi Veliu.

 “Çohu shqiptarë se për këtë çudia më e madhe 3 dit zgjat … I bej thirrje kupolës mafioze Ardi veliu ik me mirë vet se në Vlorë o ndyrësisë, reformo Policinë", shkruan Stresi.

Edhe Lezha është përfshirë nga protestat për vrasjen e të riut Klodjan Rasha nga efektivi i policisë. Gazetari i Report Tv, Elvis Hila raporton se ato u mblodhën në qendër të qytetit dhe me thirrjet "Rama ik" dhe "Drejtësi për Klodjanin" marshuan drejt Komisariatit të Policisë ku edhe hodhën shashka në drejtim të godinës së Policisë. Blutë po monitorojnë protestën ku iu kanë kërkuar të rinjve që të shpërndahen.