Ka dështuar protesta e paralajmëruar këtë të enjte. Tubimi i radhës ishte parashikuar të mbahej përpara Kuvendit të Shqipërisë, për shkak të seancës plenare të nisur që në orën 10:00.

Pavarësisht se Policia e Tiranës kishte marrë masa të shumta për të menaxhuar protestën, vetëm një numër modest protestuesish u mblodhën, të cilët qëndruan për disa orë në afërsi të pedonales.

Pas përfundimit të seancës, një numër shumë i vogël u zhvendosën në drejtim të Rrugës së Durrësit, pranë Ministrisë së Arsimit.