Në një tjetër reagim të radhës kryeministri Edi Rama sqaron se shqiptarët e ardhur në protestën e Tiranës nga Maqedonia e Veriut dhe Kosova nuk janë diasporë. Referuar një postimi në rrjetet sociale të një ish deputetetje të Shkupit, Arta Toci, e cila pyet se kush është kryeministri i shqiptarëve të Tetovës që i kërkojnë dorëheqjen atij në Tiranë, Rama thotë se ata nuk mund të vijnë në Tiranë si diasporë pasi kanë shtetin e tyre të pavarur.
‘Ata janë thjesht viktima të zellshme që nuk ia bëjnë dot vetes një pyetje të thjeshtë: Brengoset apo gëzohet kush i do shqiptarët në sherr e në rrëmujë, kur e sheh këtë “diasporë” të Maqedonisë së Veriut dhe Kosovës të turret si një hordhi pushtuese mbi kuaj me katër rrota drejt Tiranës, për të rrëzuar qeverinë e Shqipërisë?’
Sipas Ramës, ka sponsorë që po përpiqen të shkaktojnë “dëm kombëtar.” Sponsorëve të tyre kryeministri Rama u përgjigjet se ata le të vazhdojnë të paguajnë naftë, ushqim e qeleshe deri ditën kur qeverisë së tij dhe PS-së t’i mbarojë kontrata e pazgjidhshme me mbi 800 mijë shqiptarët brenda dhe jashtë atdheut deri në Maj të vitit 2029.
Ai shkruan se flamuri i UÇK-së është përdhosur duke u përdorur për rrëzimin e qeverisë në Tiranë. Pas gjithë kësaj, shprehet Rama, qëndrojnë “sallahanet” e Vetëvendosjes, të cilat në të vërtetë thotë se s’kanë asnjë lidhje me kryeministrin e Kosovës, Albin Kurtin.
Postimi i plotë i Kryeministrit Edi Rama
Nuk e njoh zonjën, po më çoi dikush këtë postim që më nxiti shënimin më poshtë: Shqiptarët e Maqedonisë së Veriut nuk janë diasporë e Shqipërisë në tokë të huaj, së bashku me maqedonasit e veriut ata janë popull shtetformues në tokën e tyre në shtetin fqinj! Diasporë janë mërgimtarët në vende të huaja, jo ata dhe as shqiptarët e Kosovës jo e jo, të cilët kanë shtetin e tyre të pavarur. Kur ushtarët e verbër të karvaneve politike nga Prishtina e Tetova paraqiten në Tiranë si “diasporë”,, me flamuj kombëtarë që bëhen dekor i një farse të tillë dhe me plisa të bardhë që nxihen prej një marreje si kjo, ata janë thjesht viktima të zellshme që nuk ia bëjnë dot vetes një pyetje të thjeshtë:
Brengoset apo gëzohet kush i do shqiptarët në sherr e në rrëmujë, kur e sheh këtë “diasporë” të Maqedonisë së Veriut dhe Kosovës të turret si një hordhi pushtuese mbi kuaj me katër rrota drejt Tiranës, për të rrëzuar qeverinë e Shqipërisë? Kjo është një pyetje që në fakt duhet t’ia bëjnë vetes sponsorët e tyre, të cilët i siguroj se po i harxhojnë paratë vetëm e vetëm për t’i bërë dëm kombëtar e ndërkombëtar imazhit të shqiptarëve të Maqedonisë së Veriut dhe vetë Kosovës. Sepse sa për mua dhe qeverinë e Partisë Socialiste duhet të vazhdojnë të paguajnë naftë, ushqim e qeleshe, deri ditën kur mbaron kontrata jonë e pazgjidhshme me 856.177 shqiptarë, brenda e jashtë atdheut. Maj 2029.
Dhe nuk do të më hiqet kurrë nga mendja përdhosja e flamurit çlirimtar të UÇK-së, duke u ngritur si bajrak urrejtjeje për rrëzimin e qeverisë në Tiranë! Çfarë dhurate për ata që nuk e njohin Kosovën dhe për ata që gjithnjë na kanë përqeshur si një popull pa aftësi shtetbërëse. Bash përdhosës e baltosës kësisoj ia kanë sjellë në majë të pendës edhe Atit të Shqiptarisë, Gjergj Fishtës:
“Ju rrugaça e sallahana,
vagabonda shakllabana,
rriqna t’ndyet, mikrobe t’kqij,
qi të mjerës moj Shqipni
kthelltë hi i keni n’mushkni…”
Post Scriptum. Dhe mos të spekullojë askush duke e lidhur këtë shënim me emrin e kryeministrit të Kosovës, sepse kurrsesi nuk mund ta bëj e as ta nënkuptoj në asnjë rrethanë, përgjegjës, për asnjë prej sallahanave të Vetëvendosjes që janë përfshirë në këtë çorbë dreqërish. Nuk e them këtë hiçasfare për një larje protokollare goje, por sepse e di mirë që çdo çadër e gjerë politike mban edhe sallahanat e vet dhe do të fyeja inteligjencën e Albinit po të mendoja se ai gjykon si ata. Kështu që lëreni Albin Kurtin jashtë kësaj çorbe të neveritshme.
Në shkrimin e saj, Toçi kritikonte praninë e shqiptarëve të maqedonisë në protestat në Tiranë duke u thënë që të mos i turpërojnë kudo shkojnë.
“Shqiptari i Tetovës, azgan i madh në Tiranë! 'Kryeministër jep dorëheqje, na lë të qetë'! Kush është kryeministri i tij? A mundet, a ia merr mendja, a guxon të mendojë për t'ia
thënë këtë kryeministrit të vet? Breshka, kërmij, poltrona ju bëri Zoti por mos na e merrni fytyrën kudo që shkoni o pelikana! Kur është fjala te pelikanët, e kujtoj një restorant ku piqeshin ato në hell. Ky ishte në komunën e Zhelinës!”, shprehet ish-deputetja.
Deputeti Pirro Vengu ka reaguar për shqiptarët e Maqedonisë e Kosovës duke thënë se përkrah një Shqipëri të fortë dhe thirrja "revolucion" është destabilizim i qendrës së shqiptarëve në Evropën Juglindore. Më pas, këshillon "revolucionarët me GPS" që të mos ngatërrojnë "dashurinë për kombin me tutorinë mbi Shqipërinë."
"Krahas brohoritjeve për një Shqipëri të re, jam për një Shqipëri të fortë.
Duan apo nuk duan, u pëlqen apo nuk u pëlqen disave, tre janë faktet themelore të faktorit shqiptar në Evropën Juglindore.
Së pari, avantazhi më i madh strategjik i Shqipërisë në shekullin XXI është se është e rrethuar nga bashkëkombës. Në një epokë ku fuqia matet gjithnjë e më pak me territor dhe gjithnjë e më shumë me aftësinë për t’u organizuar, për t’u përshtatur dhe për të vepruar shpejt, prania shqiptare në rajon është kapitali ynë më i madh historik, njerëzor dhe gjeopolitik.
Së dyti, ndryshe nga shekulli i parë i shtet-ndërtimit, në dekadën e fundit forcimi ekonomik, diplomatik dhe ndërkombëtar i Shqipërisë po përkthehet drejtpërdrejt në më shumë siguri, më shumë peshë dhe më shumë mundësi për shqiptarët në gjithë rajonin. Nuk është më vetëm Shqipëria që mbahet nga kombi. Është edhe kombi që forcohet nga një Shqipëri më e fortë, më e besueshme dhe më pranë Bashkimit Evropian.
Së treti, Shqipëria e ka ushtruar rolin e saj si shtet amë pa komplekse: herë në vijën e parë, herë në diplomacinë e heshtur, por gjithmonë në mbrojtje të interesit kombëtar dhe të shqiptarëve kudo ku jetojnë.
Prandaj, kush mendon se i shërben kombit duke brohoritur “revolucion” në Tiranë, nuk po kupton përmasat e kohës. Tirana nuk është thjesht kryeqyteti i Shqipërisë. Është qendra politike, ekonomike dhe diplomatike e gravitetit të shqiptarëve në Evropën Juglindore. Ta destabilizosh atë nuk është akt patriotik. Është një luks që kombi shqiptar nuk mund t’ia lejojë vetes.
P.S. Një këshillë miqësore për revolucionarët me GPS që zbresin vetëm në Tiranë.
Mos e ngatërroni dashurinë për kombin me tutorinë mbi Shqipërinë. Qeverinë tonë dimë ta kritikojmë edhe vetë. Por shtetin amë nuk ua lëmë askujt ta dobësojë në emër të patriotizmit.
Sepse shqiptarët kanë dy shtete, janë komb shtetformues në Maqedoninë e Veriut dhe minoritet europianizues në Mal të Zi dhe në Serbi. Por kanë vetëm një qendër graviteti strategjik. Dhe ajo është një Shqipëri e fortë.
“Shqipëria e re” mund të tingëllojë bukur si brohoritje. Shqipëria e fortë, është shumë më e vështirë si detyrë. Unë zgjedh detyrën", thotë Vengu.
Në vijim të reagimit të kryeministrit Edi Rama për pjesëmarrjen e shqiptarëve nga Kosova dhe Maqedonia e Veriut në protestat e Tiranës, deputeti socialist Ulsi Manja, i bëri thirrje qeverisë së Kosovës të distancohet nga prania e tyre në protestë. Manja u shpreh se “nuk ka hajvanllëk më të madh” sesa të vish nga Kosova për të rrëzuar qeverinë në Tiranë.
"Dakord Kryeministër dakord, me ty jam, po nëqoftëse Albin Kurti nuk paska lidhje me këtë çorbë qensh dhe ishalla s’ka, pse nuk distancohet qeveria e tij nga ky turp me gjoja “diasporë”?! Gjithsesi unë mendoj se nuk ka hajvanllëk më të madh se sa të vish nga Kosova për të rrëzuar qeverinë në Tiranë. Jo vetëm se nuk e rrëzon dot, por i jep një dorë të madhe armiqve të Kosovës që do thonë ja, shikojini kush janë, nuk rrinë dot pa rrëmujë e pa konflikt as me Shqipërinë që e kanë pjesë të kombit të tyre!!!", shkruan Manja.
Ardit Bido ka reaguar ndaj një fotoje të shpërndarë në rrjetet sociale ku emrin e tij e kanë shkruar në një kosh mbeturinash. Deputeti socialist thotë se aktivistë të Vetëvendosjes qëndrojnë pas këtij akti, duke i kërkuar llogari kryeministrit Albin Kurti.
Bido thotë se ai është I pastër e pro Shqipërisë, ndërsa këshillon të bëjnë qeverinë në Kosovë.
“Albin Kurti, ç’punë kanë aktivistët e Lëvizjes Vetëvendosje që ndërhyjnë, madje duke denigruar deputetë të Republikës së Shqipërisë? Nuk dua të futem në konspiracionin e vizitave të tua të përhershme në Delphi të Greqisë, por të bëj pyetjen e thjeshtë: çfarë i shtyn vetëvendosësit të piketojnë posaçërisht mua në këtë formë gebelsiane, që s’keni shans të më bëni ndonjëherë pis, sepse jam i pastër, jam me bindje pro Shqipërisë! Bëni qeveri në Kosovë e lërini protestat në Shqipëri!”, shkruan Bido.
Ministri i Brendshëm Besfort Lamallari i është bashkuar reagimit të kryeministrit Rama lidhur me shqiptarët e Maqedonisë e Kosovës për të cilët tha se s’janë “diasporë.”
Lamallari shkruan në rrjetet sociale se makinat me targat e Kosovës e Maqedonisë, plis, xhamadan e flamur kombëtar i ngjajnë një skenari filmash. Ai u kujton se ishte kryeministri Rama ai që kërkoi njohjen e pavarësisë së Kosovës në Beograd. Ministri thotë se janë të mirëpritur, por ta kursejnë “refrenin e emigrantit të dobët.”
“Me targa KS dhe MK, futen në Republikën e Shqipërisë kinse janë ‘diaspora’ në shpëtim të vendit, me plis në kokë e këngë patriotike në sfond, flamurin kuq e zi apo atë të UÇK-së në njërën dorë dhe timonin në tjetrën, ngjashëm me një skenar filmash ku mungojnë vetëm shpatat, kuajt e heroi legjendar!
Djema, mund të mbani plis e xhamadan po të doni por së paku kuptoni se fjalët mërgatë apo diasporë andej dhe këtej kufirit kanë të njëjtin kuptim dhe se kthimi në vendlindje nga dheu i huaj nuk ka të bëjë fare me xhiron tuaj nga Prishtina a Tetova në Tiranë.
Republika e Kosovës është shtet i pavarur dhe shqiptarët në Republikën e Maqedonisë së Veriut një faktor shtetformues.
Prandaj, flamurin e UÇK-së kur ta valëvisni para Kryeministrisë, kujtoni se ishte Kryeministri i Republikës së Shqipërisë ai që kërkoi për herë të parë njohjen e pavarësisë së Kosovës në mes të Beogradit.
Shumë mirë që valëvisni dhe flamurin kombëtar, por mbani mend se trimat e vërtetë luftuan pushtuesin e huaj dhe jo vëllai-vëllain.
Jeni të mirëpritur kurdoherë në Shqipëri, sidomos me këngët patriotike në sfond të automjeteve tuaja luksoze, por ama kursejini vetes refrenin e dobët të ‘emigrantit të ndershëm me biletë vetëm vajtje’.
P.S: Secili e shpreh patriotizmin sipas mënyrës së vet, por jam krenar që pa bujë e fanfarë, së bashku me kolegët e mi në Ministrinë e Punëve të Brendshme të Kosovës, ndër vite kemi kontribuar për më shumë siguri e rend për vendet tona, qytetarët e Shqipërisë dhe Maqedonisë duke ofruar kështu më shumë paqe e qëndrueshmëri në rajonin e Ballkanit Perëndimor”, shkruan ministri.
Komente
Lajme të tjera
-
Gjermania distancohet nga protestat ne Tiranë: Janë çështje e brendshme politike e Shqipërisë
22 Qershor, 19:36 -
‘Zvërneci’/ Muçi: I bindur se Rama do japë dorëheqjen, është nën presion të madh nga ndërkombëtarët! Petraj: Duhet të ishte një ‘kokë’ në krye të protestave
22 Qershor, 19:33 -
Qytetarët 3 javë në protestë/ Lexohet lista me kërkesat drejtuar Ramës: Dorëheqje, qeveri teknike e kufizim të ushtrimit të mandatit të kryeministrit
22 Qershor, 19:16 -
Adriatik Lapaj i përgjigjet Taulant Ballës: Ti dhe shefi yt jeni hajdut, sado të lehësh ti, nuk e bën dot pis protestën
22 Qershor, 17:26 -
Asociacioni i Gazetarëve kërkon më shumë siguri për gazetarët në protestë: Po përballen me sulme e kërcënime, policia të marrë masa
22 Qershor, 16:30 -
Rama publikon mesazhin e ‘armikut’ politik: Protestat po përdoren për qëllime të tjera, jo për të mirën e Shqipërisë! Shpresoj që kjo idiotësi të ndalojë pa sjellë destabilitet
22 Qershor, 15:40 -
'Qeveria e Edi Ramës partnere e Ukrainës', Ambasadori Shkurov komenton protestat: Kërkesat e tyre mund të bëhen edhe në Parlament
22 Qershor, 15:17 -
Protesta në javën e katërt, debati për 'të infiltruarit' në Report TV, Daci: Qeveria të tregojë kush cenon sovranitetin! Çakërri: Shumë shpejt maskat do të bien
22 Qershor, 14:49 -
Berisha ‘përvetëson’ protestën: Ishin edhe mijëra demokratë, vendi juaj është në shesh, pa simbolet e partisë
22 Qershor, 13:51 -
Disi afër protestës së 11 dhjetorit 1990, por…
22 Qershor, 12:19
-
Mbledhja e grupit të PS/ Rama: ‘Zv.ministra politikë’ në çdo dikaster për të pritur shqetësimet e qytetarëve
22 Qershor, 12:12
-
Media italiane: Zvërneci është sfida e Edi Ramës, njeriu që ndryshoi Shqipërinë
22 Qershor, 11:57
/Hajvanllek/ e quan o Ulsi te vish nga Kosova qe te rrezosh qeverine?! Sipas kesaj logjike dhe vajtja e partizanve per te cliruar Kosoven nga gjermanet paska qene /hajvanllek/meqe kosovaret ishin ne Jugosllavi,nje shtet tjeter e ne s'kishim pse mendonim per fatin e tyre sa kohe cliruam vendin tone! Po jemi shqiptare,jemi vellezer o Ulsi.Te mos qenit indiferent ndaj fateve te njeri-tjeterit nuk eshte hajvanllek o Ulsi.
PërgjigjuKurti e un delunkente cfare i duhet atij te sjelli ne tirane njerez po e ka fain qeveria jone qe lobon ne te gjithe boten per kosoven kot nuk thote populli ti qe me ben mire mu,te bofte zoti gazep ty.
PërgjigjuO Rame mos hidh balte sa nga Irani sa nga blogerat, tani ke dal ke Albini se clidhje ka Albini me hallet tua vetem aludon. Ore shkurt fare ti punen dhe hallin e ke me ne te shqiperise do te terheqim zvarre nese nuk largohesh nga kryeministria
PërgjigjuDo ti hani mutin ti dhe gjithe ju plehra anti-shqiptare. 813 mije votues te PS kunder 3 mije serbo- grekeve shqipfoles
Eshte proteste e tradhetareve te paguar nga armiqte e Shqiperise nga greket,serbet e iranianet per te destabilizuar Shqiperine.
PërgjigjuJa nje dopio sufllae
Zoti kryeminister,mos harxhoni kohe te Sqaroni njerezit per algorithmic,por harxhoni Cohen dhe energjite tuaja per te permbushur shume nga kerkesat dhe nevojat e popullit qe ju ka mbeshtetur(nje prej Tyre jame edhe une). Keni shume pune per te bere,vaxhdoni punoni qe mos te zhgenjeni dashamiresit tuaj. Qetesia dhe maturia dhe aq me teper puna eshte pergjigja me e mire per te ndihmuar ne ate qe po ndodh pa te drejte ne SHQIPERINE TONE TE DASHUR.
PërgjigjuTalebanistat e myslimanet e 5 shekuj mbrapa te kosoves e Macedonian nuk Jane shqiptare Kane qene dikur ne kombin shqiptar e uroj mos bashkohemi kure me keto nivele arabesh
PërgjigjuKjo protestë i ngjan lëvizjes së lejek-verdheve në Francë para pak viteve. Kta të fundit e ndjenin veten të përjashtuar nga gjithçka e mirë që gëzonin francezët e shtresës së mesme dhe revoltoi pothuaj individë nga të gjitha pikpamjet sidomos extrémistes e djathtë dhe të majtë. Ndërsa revolta aktuale në Shqipëri mbart edhe një problem tjetër që nuk e kishin lejek-verdhet : anën anadollake të të sjellurit të një pjesë të madhe të shqiptarëve. Shqipëria ka ecur përpara por jo të gjithë e duan mënyrën perëndimore të të jetuarit. Duhet hequr dorë nga Turqia dhe të shihet drejt perëndimit sepse atje është liria dhe progresi.
PërgjigjuO Rafaelo belo, çfare sjellje anadollake kan paura protestuesit se nuk e kemi vene re. Ke shkuar ndonje here ne Turqi? E ke pare qe eshte nje shtet modern 100 vjet para Shqiperise? Flej pak se te ben mire
Rama eshte personi i fundit ne Shqiperi qe mund t’ju japi shqiptareve leksion atdhedashurie.
PërgjigjuAma asnjeri nuk e thote qe Fishta nuk ishte HAJDUT
Përgjigjungaterron kekun me byrekun. po sikur te mos denigrosh ata njerez qe jane ne te drejten e tyre kushtetuese te protestojne? po sikur te fillosh te marresh masa per ato kadastrat qe i ke lene ne pike te hallit, te zgjidhesh gjithe ata njerez qe nuk marrin pergjigje ne zyrat e administrates, etj. keto i ke ne dore dhe e ke DETYRE t'i besh. keto te tjerat leri per ata influencerat qe ke verdalle ...
Përgjigju