POP 5

Lajmet më të lexuara të 5 minutave të fundit

Politikë

PS-PD përplasen në distancë për protestën e 6 dhjetorit! Koçi: Anti-kombëtare! Boçi: Njohim të huajt me problemet reale

Protesta e paralajmëruar nga Sali Berisha ka përplasur në distancë demokratët dhe socialistët. Deputeti i PS në Fier Petro Koçi e quajti investim kundër BE dhe anti-kombëtare protestën e 6 dhjetorit ndërsa nënkryetari i PD së Rithemelimit Luçiano Boçi tha se nuk do të tërhiqen, por do u tregojnë ndërkombëtarëve problemet reale të vendit.

Të ndarë jo vetëm për Ditën e Flamurit, por edhe 6 dhjetorin. Teksa vetë bëhen mikpritës të liderve europianë, socialistët akuzojnë opozitën si anti-kombëtare. Nga Fieri Petro Koçi tha se protesta ditën e Samitit, tregon investimin e saj kundër Bashkimit Europian.

“Aksion antishqiptar dhe nje investim kunder Bashkimit Europian. Berisha ka hesape personale jo vetem me institucionet shqiptare por dhe me perendimin , me Shtetet e Bashkuara te Amerikes, Britanine por dhe Bashkimin Europian  dhe do  te deshmoje politiken e forces. Ne momentin kur Bashkimi Europian zbret ne Tirane , kryeqyteti yne kthehet ne qender  te politikes europiane dhe te protestosh ate dite eshte nje investim qe e cenon maredhenien e Shqiperise me Bashkimin Europian. Cifti Berisha - Meta eshte nje ftese per tu kthyer pas dhe jo ftese per ndryshim. Ata nuk jane nje alternative e re por ish- pushteti qe kerkon serish revansh”, thotë Petro Koçi.

Por nga Elbasani, deputeti Luçiano Boçi garantoi se PD nuk do të tërhiqet nga një protestë që sipas tij synon t’I tregojë problemet reale ndërkombëtarëve.

“Mosdhënia e lejës nga policia për protestën  e  6 dhjetorit, akt arbitrar dhe arrogance në raport të së drejtës për të protestuar”, tha  Luciano Boçi. Sipas Boçi protestat janë një mënyrë e mirë që ndërkombëtarët të mësojnë problemet reale të vendit tonë.

Protesta e thirrur nga Sali Berisha para kryeministrisë ditën kur në Tiranë zbresin krerët më të lartë të politikës europiane mori një ditë më parë, pas policisë edhe refuzimin e Bashkisë së Tiranës. Ai i sugjeron që protesta të zhvillohet në Sheshin Skënderbej.

A.M./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se Berisha do të pyetet për çështjen Gërdeci?

Lajme të tjera



×

Lajmi i fundit

Abazoviç i del në përkrahje Albin Kurtit: S’duhet të ketë Asociacion në baza etnike

Abazoviç i del në përkrahje Albin Kurtit: S’duhet të ketë Asociacion në baza etnike

29 Janar, 16:47