Kështu ka deklaruar nga Shkodra gjatë një konference rajonale Ministri i Mirëqënies Sociale e Rinisë Blendi Klosi nga ku ka shtuar se shkollat profesionale në vend janë kthyer në shkolla multidisiplinare.
Sipas tij, pritet që në muajin dhjetor të hapet dhe një zyrë e përbashkët mes vendeve të rajonit për shkëmbimin e eksperiencave.
‘Arritëm të realizonim këtë konferencë në ambientet më të mira të punësimit dhe duhet më shumë profesionistë dhe lehtësira për biznesin. Shkollat tona janë transformuar në shkolla multidisiplinare ku 50% e mësimit do bëhet në shkolla dhe 50% në biznese duke paguar vetëm sigurimin e jetës. Ne po synojmë krijimin e një shkolle ekselente e po ashtu me 8 dhjetor hapim zyrën e përbashkët me Kosovën, Maqedoninë e Malin e Zi me qëllim shkëmbimin e eksperiencave’ tha Klosi.
Ndërsa ambasadori austriak Satler ka shtuar se arsimi professional duhet q ëtë ndikojë në zhvillimin e mëtejshëm të sektorit të turizmit.
“Shqipëria ka shkolla të suksesshme profesionale që do të mdikojnë në zhvillimin e mëtejshëm të turizmit! Shkodra është vendi im i preferuar në Shqipëri! Ky projekt përfshin Kosovën, Maqedoninë, Shqipërinë, Serbinë.” tha ai.
Redaksia Online
(F.T/shqiptarja.com)