PD-ja e Lulzim Bashës dhe LSI-ja e Monika Kryemadhit këmbëngulin duke kërkuar si "kusht të panegociueshëm” për të marrë pjesë në zgjedhjet vendore krijimin e një qeverie tranzitore pa Edi Ramën kryeministër, në mënyrë që të garantohen “zgjedhje të lira dhe të ndershme”. Përtej pretendimit politik për të detyruar të dorëhiqet një qeveri e zgjedhur në mënyrë të ligjshme dhe që mbështetet nga mazhoranca e plotë e Kuvendit, kërkesa e kësaj pjese të opozitës paraqitet jotransparente. Çfarë mund dhe çfarë duhej të bënte saktësisht qeveria tranzitore për të garantuar zgjedhje të lira dhe të ndershme? Kësaj pyetjeje deri tani asnjë nga përfaqësuesit politikë të opozitës nuk ka ditur t’i japë përgjigje.
Situata sot është identike me atë që u pa në pranverën e 2017-ës: edhe atëhere Lulzim Basha kërcënonte se nuk do të merrte pjesë në zgjedhjet parlamentare në rast se Edi Rama nuk do të jepte dorëheqjen dhe në rast se nuk do të krijohej një qeveri trazitore me PD-në “për të garantuar zgjedhje të lira dhe të ndershme”. Të gjithë e dimë se si përfundoi kjo: Rama refuzoi të jepte dorëheqjen, por pranoi të krijonte një qeveri tranzitore me PD-në, duke i dhënë mundësi opozitës të kontrollonte të gjithë procesin elektoral nëpërmjet emërimit të një zëvendëskryeministreje dhe gjashtë ministrash-kyç (i Brendshëm, Drejtësia, Shëndetësia, Arsimi, Financat, Mirëqenia Sociale e Rinia). Opozita mori kontrollin edhe të enteve e institucioneve të tjera si OSHEE, ALUIZNI-t, Hipotekës, Burgjeve dhe AZHBR, që potencialisht mund të sillnin vota klienteliste, si dhe iu dha edhe emërimi i Avokates së Popullit. Gjithnjë me kërkesë të opozitës u modifikua Kodi Penal, duke ashpërsuar dënimet për krimet zgjedhore, u ndaluan shpenzimet elektorale në media, u vunë masa kontrolli mbi listat elektorale, opozita hyri në Task Forcën kundër drogës, u morën masa për ndalimin e përdorimit në favor të subjekteve zgjedhore të mjeteve, pronave dhe të burimeve njerëzore të administratës publike, si dhe kundër çdo forme presioni ndaj punonjësve të administratës publike në çdo nivel dhe, për siguri, opozita mori madje edhe kontrollin e plotë mbi KQZ-në, siç nuk kishte ndodhur kurrë në 25 vite të historisë pluraliste. Megjithatë, asgjë nga gjithë këto nuk mjaftoi që të bënte të fitonte Partia Demokratike, e cila, në të kundërt, në ato zgjedhje humbi 100.000 vota krahasuar me vitin 2013. Çfarë do të bënte më shumë sot një qeveri e re tranzitore, që nuk e bëri ajo, e krijuar jo më larg se dy vjet më parë? Për këtë, as PD dhe as LSI nuk arrijnë të japin një përgjigje.
Edhe kërkesa për dorëheqje të Edi Ramës qartazi është një pretekst: edhe nëse ta zëmë, sikurse pretendojnë Basha e Kryemadhi, se Rama është në krye të një rrjeti misterioz bandash kriminale të specializuar në blerjen e votave, çfarë do ta ndalonte atë të vazhdonte të blinte vota, duke qendruar në pozitën e kreut të partisë së mazhorancës, edhe pa qenë përkohësisht kryeministër? Natyrisht asgjë, pasi e vetmja mënyrë për të shmangur manipulimin e zgjedhjeve është ajo e modifikimit të rregullave të lojës nëpërmjet një reforme serioze zgjedhore. Por, në mënyrë kurioze, kjo është pikërisht ajo çka propozon qeveria, ndërsa opozita refuzon të bëjë.
Paradoksi këtu është se LSI-ja dhe PDIU-ja, të cilat sëbashku me Basha sot akuzojnë Ramën se ka vjedhur fitoren elektorale, pikërisht në zgjedhjet e 2017-ës kanë marrë më shumë vota se në zgjedhjet e 2013-ës, të cilat askush nuk i kundërshtoi: në fakt, më 2017 LSI-ja mori 30.000 vota më shumë se rezultati-rekord i 2013-ës, ndërsa PDIU-ja gati dyfishoi rezultatin e saj krahasuar me katër vjet më parë. Atëhere ku qendron vjedhja, kur LSI dhe PDIU madje u rritën?
Në realitet, synimi i vërtetë i “kushtit të panegociueshëm” të imponuar nga opozita është një tjetër: ata duan dorëheqjen e qeverisë dhe të kryeministrit Edi Rama thjesht për të dobësuar atë dhe Partinë Socialiste e kështu të paraqiten në zgjedhje duke u nisur nga një pozicion i avantazhuar, pa të cilin e dinë se do të humbin sërish. Kjo është sikurse, në një garë shpejtësie, një grup atletësh të pretendonin të niseshin 50 metra para të tjerëve, duke kërcënuar se në të kundërt nuk do të merrnin pjesë. Të imponosh dorëheqjen e kryeministrit si kusht për të patur "zgjedhje të lira e të ndershme", është veç një marifet për të shtrënguar Edi Ramën të pranojë indirekt akuzat e bëra nga opozita, që nga korrupsioni, tek lidhjet me krimin e organizuar. Një teoremë politike deri tani pa asnjë provë konkrete, por që dorëheqja e Ramës do ta transformonte papritur në një vendim fajësie.
Pasi i ka mbyllur dyert çdo kompromisi, strategjia e opozitës parashikon një mundësi të vetme: dorëzimin paraprak të kundërshtarit të vet, pa të cilin kjo opozitë nuk sheh asnjë mundësi tjetër për fitore në zgjedhje. Nuk interesohet për rregullat e lojës, ka interes vetëm të hyjë në garë duke patur më në fund sigurinë se do të fitojë. Dhe kjo shpjegon se pse Edi Rama, në mënyrë të kuptueshme, nuk do të bëjë kurrë lëshime.
Komente
Lajme të tjera
-
Basha me kampionin e boksit Mario Cani: Shqiptarët kërkojnë vetëm mundësinë, shkëlqimin dhe suksesin e arrijnë vetë
26 Dhjetor, 13:22 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44 -
Braçe ndan pamjet me dron të REPORT TV nga protesta e PD: Vuajtja e Tiranës një ditë para Krishtlindjeve, e bllokuar nga 102 vetë! Shkak, urrejtja ndaj këtij qyteti
23 Dhjetor, 21:55 -
Ylli Pata: Nga sheshet plot, te bllokimi i rrugëve, diferenca e opozitës serbe me atë të Berishës
23 Dhjetor, 17:35
-
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
Shume e drejte. Gaz i botes jane bere. A e dini se perse nuk i pergjigjen dot asaj pyetje: Sepse nuk kuptojne pyetjen fare ... ! Te paafte, te coroditur per te coroditur.
PërgjigjuJu lumte Bollino, analize shume e sakte dhe e perkryer. Ta lexojne ata qe se kan kuptuar akoma se çpo ndodh ne Shqiperi.
PërgjigjuPo vjen dhe prap me ndihmën e të huajve,,,sepse si gjithmon ne jemi munduar ti hapim gropën njëri- tjetrit,,,,,por më në fund këta injorantë që hapën gropën ,,ran vete brënda në atë grop,,,SPAKU VETËM DUHET TI VENDOS KAPAKUN E TI MBYLL BRENDA.cudi e madhe sesi mbijnë në cdo kohë keta lloj esattoptanësh,,,qënkin shum far e keqe,,,nuk zhduken leht.Por tani ju erdhi fundi,,,RESPEKTE Z.CARLO BOLLINO
PërgjigjuI mrekullueshem ky shkrim! U bene gazi i botes Pd&lsi& pdiu!
PërgjigjuJu përgëzoj për shkrimin jeni shumë i saktë
PërgjigjuNji analize e shkurter por me shume vlere . Ju pergezoj. Ju ndjek me shume knaqesi ne shkrimet e tua .
PërgjigjuJu lumt ky esht artikullj i par qe po e lexoj nen nje veshtrim ekzakt dhe origjinal pa frym partishmefie
PërgjigjuQarte dhe sakte!
PërgjigjuSi gjithmone i sakte dhe me gjykim te larte intelektual , bravo.
PërgjigjuSHUME SAKTE.JE 1 Z.BOLONO.TAKTIKA E SALIVIÇIDOLIT DIHET TASHME PER 29 VITE.."PERÇA E SUNDO". -KERKESA PER DORHEQJEN E RANES DIHET PSE BEHET: 1-SE NUK E MUNDIN DOT ME ZGJEDHJE..! 2-SE E DINE QE PD ME NE KRYE LUL-SALINE NUK KAN FITUARE KURRE VEÇ VITIT 1992,ME PAS KY I KA VJEDHUR VOTAT E DUKE PERDORUR DHUNEN SI NE 1996,09,11,ETJ.NE 1996 HORRAT E SALIUT ME FUTEN NE BURG 18 ORE PSE NUK FIRMOSA VOTIMIN NE FAFOR TE TYRE,NDERSA PETRO LOÇIT E VLWDIMIR SHEHUT SI DREJTUES E PS-FIER..U QETHEN EDHE KOKAT.."O" 3-LSI SHQUHET PER VJEDHJE VOTASH ME LEKE NE DORE E KEMBIM VENDE PUNE. 4-DORZIMI RAMES DO TE THOT PRANIM FAISIE PER ÇDO GJE E GJITHSHKA NE 6 VITE POR EDHE NE 29 VITE DEMOKRACI. 5-KERKESA 3 TYRE ESHTE LOJE E NDYRE ME PERMASA KOMETARE PER PS,KU AJO NUK MUND TE VIJE ME NE PUSHTET PER 100 VJETE. 6-PAS DOREHEQJES SE RAMES SALIU DO KERKONTE NJE KRYEMINISRER QE DONTE AI,NE TE KUNDER QEVERIA NUK DO FORMOHEJ KURRE DERI SA SALIU TE SHKONTE NE V A RR. 7-NE KTO KUSHTE VENDI DO ISHTE NE DESTABILIZIM TE VAZHDUESHEM DUKE ZBATUARE TAKTIK3N RUSO-SERBE PER TRAZIRA NE BALLKAN,PER MOS HAPJEN E NEGOCIATAVE,PER LUFTE CIVILE,KU DIKTATI I AGJENTIT TE UDB-"PENICILINA" E "BISTURIA" DO ZBATOHEJ PLOTESISHT. 8-RAMA I KA TE GJITHE KUNDER VEÇ POPULLIT,SHBA+BE PER REFORMAT E MIRA TE BERA. -AI KA KUNDER 100 % TE MEDJEVE,KU EDHE GAZETEN ZERI POPULLIT E MBYLLI. -PRA,RAMA PO PUNON E LUFTON NE RRETHIM NGA TE GJITHA ANET,MBI TE GJUTHA 2 ME TE RREZIKSHMIT NE VEND:S.BERISHA E I.META QE PO DUAN TA EKIMINOJNE EDHE FIZIKISHT.NE KTO KUSHTE AI DUHET NDIHMUARE SIÇ PO BENI JU TE TOPÇENUA E ENI VASILIT QE PAGUHET NGA LOBI GREK SIÇ LAJMI U BOTUA DHE U MBYLL SHPEJT.TE FALA NGA FIERI.
PërgjigjuSado qe te perpiqesh qe te luftosh OPOZITEN e vertete Z, Bolino nuk do te arrish kurre qe te mbrosh KM i cili perpiqet me cdo mjet te qendroje ne ate karige te ciles i jane thyer kembet!
PërgjigjuOpozita e vertete jemi ne. Lulezimja dhe Kokemadhi shtiren se jane opozite, por ne fakt duan pjesen me te madhe te tepsise, ani pse kane vetem pak vlere e force reale. Burimet pou shterren dhe me kalimin e kohes do perfundojne me më pak votues se kandidate.
"Opozitën e vërtetë" më bëre të qeshë o Tenente Guraziu!
Të kam ndjekur dhe në emisionet në tv.je shumë i përpiktë.
PërgjigjuPerj vitit 1992, Sali Krimineli dhe PeDe -ja e tij k pasur ne kontroll, Presidentin (perjashto kohen e R.Mejdanit), prokurorine, drejtesine dhe shume pushtete te tjera ndihmese. Ne nje moment qe nje pjese e kesaj po prishet, fillon “revolta popullore” e Flamur Nokes. Faji i Rames eshte qe nuk ben presion per pranga aryre qe qajne hallet e popullit dhe kalamjte me 60000 Euro ne vit shkolle
PërgjigjuShkrim i argumentuar por duhet denoncu edhe ma tepër pftyrsitë e këtyre ku me metoda shantazhi dhe presioni dojnë pushtetin si mundësi përfitimesh dhe privilegjesh
PërgjigjuShume sakte
Përgjigju