POP 5

Lajmet më të lexuara të 5 minutave të fundit

Kultura

Qazim Mulleti mes dritëhijeve si bashkëpunëtor e titullit fisnik! Vuajtjet nga komedia ‘Prefekti’, flet mbesa: Asnjë artist s’kërkoi falje

Pas riatdhesimit të eshtrave të ish-prefektit të Tiranës, Qazim Mulleti Akademia e Studimeve Shqiptare mban një simpozium shkencor për të zbardhur figurën e tij të vërtetë.

Në zanafillë të krijimit të saj, Akademia e Studimeve Shqiptare tenton të hedh dritë përmes një simpoziumi shkencor, mbi figurën e vërtetë të ish-prefektit të Tiranës, Qazim Mulletit.

“Historia kur shkruhet për njerëz që denigrohen, nuk mund të mbahet me tri-katër vjet punë, por duhet të marrë qysh nga aktiviteti i saj dhe gjatë gjithë jetës. Me të mirat dhe ato që mund tu duken të tjerëve se kanë qenë negative”, thotë mbesa e Qazim Mulletit, Fatbardha.

Filli i pakëputur i denigrimit që preku edhe mbërritjen e eshtrave të tij nga Roma në atdhe, 67 vjet pas vdekjes, ngjallën këtë të premte reagimet e familjarëve, historianëve e figurave politike të ftuara në panel.

“Shoh sot nëpër portale duke bërë komente rreth kësaj ngjarje të veçantë (riatdhesimi i eshtrave) një mungesë të madhe respekti nga llogoret e provincës (nënkupton jo prejardhjen por mentalitetin provincial). Për më shumë një pjesë e të cilave janë të  orkestruara”, shprehet ish-presidenti Bamir Topi, i cili i dedikon një hapësirë të veçantë Qazim Mulletit në librin e tij “Betejat e humbura të Tiranës”.

Ish-nëpunësi, intelektual i Tiranës, Qazim Mulleti, 79 vjet më parë para largimit, pati menduar se diktatura s’do të prekte bashkëshorten dhe djalin e tij të vetëm.

Por, sipas rrëfimeve të mbesës, ishin ata, përpos të afërmeve të tjerë, që nga një kamp përqendrimi në një tjetër ndjenë në lëkurë, anën më të mprehtë të urrejtjes komuniste karshi komunitetit intelektual.

“Ajo është pjesa më e dhimbshme e familjes Mulleti. Qazim Mulletin nuk arritën ta vrisnin as me pushkë, as me top por e vranë me një komedi. Ai la në Shqipëri familjen dhe familja e tij u mbajt gjithë jetën në internim. Djali i tij u mor nga bankat e shkollës në kampin shfarosës të Tepelenës, dhe ka dalë nga internimi në moshën 62 vjeçare pa mundur të krijojë familje. Ndërsa ajo zonja që qeshet në komedinë “Prefekti”, ajo vdiq në Savër të Lushnjës në një kasolle”.

Imazhi negativ që i vishet familjes Mulleti në komedinë ‘Prefekti’ të Besim Levonjës, për ta bërë objekt talljeje, do ta përndiqte Reshitin fëmijë që nga bankat e shkollës, e po ashtu të ëmën Hajrien. Fatbardha tregon nëse ndonjë prej artistëve, ka kërkuar deri më sot falje.

“Ne me Besim Levonjën nuk jemi takuar asnjëherë, për arsye se Besim Levonjën nga burgu i Tiranës është shpëtuar vetëm përmes firmës së xhaxhait (Qazim Mulletit) që hyri garant për të. Po garantit ai e bëri përmes zyshës së tij, kushërira Këlliçi e xhaxhait. Dhe kur mësuesja Alije Këlliçi pa që kishte bërë komedinë prefeketi, i hyri në zyrë dhe  i ka thënë: Të gjithë mund të kishin shkruar për të, veç ju nuk kishit të drejtë se vetëm përmes tij ju kam shpëtuar. Po xhaja nuk ka shpëtuar vetëm atë, por edhe shumë të rinj të tjerë”

Prej roleve si të qenit adjutant i princ Vidit e më pas prefekt i kryeqytetit gjatë pushtimit fashist, bën që Qazim Mulleti, të etiketohet ende sot si kolaboracionist. Zë që përforcohet edhe nga dokument i publikuar dy vjet më parë, nga ish-zv.kryeministri Erion Braçe, që lidhet me tre antifashist të ekzekutuar në vitin 1942.

Kryetari i shoqatës ‘Tirana’, Arben Tafaj i akordoi Qazim Mulletit titullin ‘Fisnikëria e Tiranës’. Ai u shpreh gjatë fjalës së tij, se për të pavërtetat që lidhen me figura të tilla historike duhet të mbajnë qëndrim edhe institucionet, si Akademia e Shkencave.

Ceremonia e varrimit të ish-prefektit mbahet mesditën e kësaj të hëne në Shish-Tufinë.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zeqo pillafi: 28/08/2023 10:37

    Po pse kto qe qeverisin nuk jan te shit kto per te majt pushtetin shesin bythen i ke spiuna me dosje me vite dhe vazhdojne akoma qeverisin po flitet qazim mulletin para 76 vitesh

    Përgjigju
  • Delinquenti: 26/08/2023 21:22

    Zonje e nderuar (mbesa e zotit Mulleti) besoj si tironas mund te me njihni jo mua por prindit e mi,xhaxhai juaj ne si familje na ka bere nje "nder" KA NXJERRE NGA BURGU XHAXHAIN TIM i kapur ne demostatat e shpeshta qe u bojshin nga PK por vetem me nje ndryshim qe ai nder qe u be gjysherve te mi I kushtoje NAPALONA FLORI QE PAGUAN PER LIRIMIN. Me te vertete ishim edhe komshi por gjithmone per keto raste u duhesh fut d'ora ne xhep.Mjafton kaq dhe besoj qe duhet te jeshe e vetedujshme per keto qe them.

    Përgjigju
    • Napoloni: 27/08/2023 07:42

      E çere do ti tashtina mre, naplonat mbrapsht e? Po ske faj tina jo, kur sta lash xhajn tu kalbte atje mburgt. Ik ere haj hallv, ka ajo me shum shiqer ama..

  • Lui: 26/08/2023 20:33

    Po pse duhet të kërkojnë falje artistët? Kudo nëpër botë vihen në lojë pushtetarët!!! Me të mirat dhe me këqijat që kanë pushtetarët, i merret karakteri dhe hiperbolizohet. Kështu ndodh me komedinë, i vihen në dukje më shumë disa të meta dhe ngrihen në nivelin e humorit. Apo ju gjithmonë duhet ta lidhni me politikën edhe artin. Apo mos doni të veproni si komunistët që ndalonin vepra artistike sepse ashtu u donte qejfi. Ju duke folur kështu, apo ca më keq duke vepruar këahtu si thoni, pa dashje çoni ujë në mullirin e komunistëve

    Përgjigju
  • Façizmi ene hallva: 26/08/2023 17:21

    Hahaha, çfare logjike! Ka qene adjutant i Princ Vidit ne 1914 keshtu qe nuk konsiderohet dot bashkepunetor i fashisteve ne vitet 40-te!! Petain ishte mareshall i Frances para luftes e megjithate e lane te vdiste ne burg si bashkepunetor ne krimet naziste.

    Përgjigju
  • XXC: 26/08/2023 16:24

    "Asnje artist nuk kerkoi fslje ".Asnjehere artistet (ⁿ

    Përgjigju
  • Tradhëtari: 26/08/2023 15:56

    Tani jam iqetë sps mi hoqën pleshtat e fashizmit.

    Përgjigju
    • Mirditori: 26/08/2023 20:48

      Turpi dhe marja i shkon atyre që rejnë kur bajnë historikun e 'veprës' së "ndritur" të këtij fashisti.Tradhtia veç një emër ka...Mariashkoftë meta që i thurin hymn.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25