Qendrat shëndetësore verore vijojnë punën në të gjitha zonat turistike të vendit, duke u ofruar ndihmë mjekësore pushuesve gjatë sezonit veror. Një prej tyre është edhe qendra shëndetësore në lagjen muzeale Kala, në Berat, ku stafi mjekësor kujdeset si për turistët, ashtu edhe për banorët e zonës historike.

Ministria e Shëndetësisë dhe Mirëqenies Sociale publikoi pamje nga puna e përditshme e kësaj qendre, ku trajtohen urgjencat e lehta dhe ofrohet asistencë e menjëhershme kur është e nevojshme.

Sipas Ministrisë së Shëndetësisë, prania e këtyre qendrave në destinacionet turistike ka ndihmuar që pushuesit të marrin shërbim mjekësor në kohë, duke rritur sigurinë gjatë sezonit veror.

Në të gjithë vendin janë në funksion 36 qendra shëndetësore verore. Këtë vit janë shtuar edhe dy qendra që ofrojnë shërbim 24 orë në 7 ditë të javës, një pranë Kishës së Shën Ndout në Laç, e dedikuar turizmit fetar, dhe një tjetër pranë llixhave të Elbasanit.

Po ashtu, është hapur edhe 1 qendër në kalanë e Gjirokastrës.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Qershor, 22:00

    Pas 30 ditësh, si ju duket fryma që po merr protesta?

Lajme të tjera