Qëndrimi i ashpër mund të ndikojë në negociata? Rama: Nuk kam bërë luftë as me BE, as me Bullgarinë! Kam thënë të vërteta që janë dëgjuar me respekt

 

Kryeministri Edi Rama ka folur për gjykimin dhe kritikat se ka mbajtur qëndrim të ashpër ndaj BE dhe se mund të ndikojë në hapjen e negociatave.

"Unë e thashë dhe në përgjigjen e mëparshme, jam i sigurt që nuk jemi perfekt. Nuk kam për ta ndryshuar kurrë përsa kohë të jem në këtë detyrë për barabartësinë për çdo tryezë ku ulem. Presidenti i Francës, i SHBA, i Britanisë apo Luksemburgut, jeni të gjithë të barabartë. Shqipëria është një vend i vogël që ka peshën e vet, të pakrahasueshme me peshën e shumë të tjerëve por dinjiteti i shqiptarëve nuk është më pak i rëndësishëm se i amerikanëve apo francezëve.

LEXO EDHE:
Durrës/ Brenda vitit hapet parkimi me energji të vetëprodhuar nga dielli, 400 vende! Godina do ketë zyra e hapësira për evente

Kudo që jam i pranishëm apo për çdo çështje që kam radhën e fjalës, askush nuk mund të mbajë qëndrime që i bien ndesh interesave dhe neglizhojnë sensin e barazisë pa marrë përgjigjen e duhur. Nuk kam bërë luftë as me BE, as me Bullgarinë, kam thënë të vërteta që janë dëgjuar me shumë respekt sepse po nuk respektove veten, nuk të respekton tjetri. Ne pyetemi, ne konsiderohemi, dëgjohemi dhe mund t'ju them që natyrisht është kënaqësi që të dëgjosh presidentin e SHBA kur foli për Shqipërinë dhe rolin e Shqipërisë në Këshillin e Sigurimit", tha Rama.

Lajmi kryesor:

Negociatat, Rama: Macron meriton mirënjohje, Maqedonia të pranojë propozimin! Samiti i NATO-s? Do të kemi bazë ushtarake në Durrës, vlerë strategjike

A.M./r.k./Shqiptarja.com

TAG:
• propozimi francez
• edi rama
• nato
• samiti i madrid
• Maqedonia e Veriut
• çelja e negociatave
• Emmanuel Macron