POP 5

Lajmet më të lexuara të 5 minutave të fundit

Ekonomi

Qeveria i hap rrugën dhënies me koncesion të furnizimit me ujë të pijshëm! Ujësjellësit 28.1 mld lekë drita pa paguar deri në qershor

Kriza financiare dhe zhytja në borxhe që ka përfshirë ujësjellës-kanalizimet, mund të zgjidhet duke i dhënë ato me koncesion. Në një projektligj të hedhur për konsultim publik nga Ministra e Infrastrukturës, alternativa kryesore për të rritur performancën e sektorit dhe shërbimin ndaj qytetarëve, është dhënia e tyre me koncesion.

Furnizimi me ujë të pijshëm dhe trajtimi i ujërave të ndotura urbane, mund të jepen me koncesion, dhe kontrata miratohet nga Ministria e Infrastrukturës dhe Energjisë.

Në një projektligj të hedhur në konsultim publik nga Ministria e Infrastrukturës dhe Energjisë ‘Për sektorin e furnizimit me ujë të pijshëm, largimit, grumbullimit dhe trajtimit të ujërave të ndotura urbane’, janë listuar 3 alternativa për të përmirësuar gjendjen e këtij sektori, ku një prej tyre është edhe mundësia e dhënies me koncesion.

Në nenet 24, 25 dhe 26 të projektligjit, janë sqaruar alternativat për menaxhimin e sektorit. E para është kontrata e performancës që lidhet ndërmjet njësive të vetëqeverisjes vendore dhe autoriteteve të qeverisjes qendrore të cilat përcaktojnë treguesit, që do të arrihen në bazë vjetore nga operatorët.

Opsioni i dytë është dhënia me koncesion e shërbimeve të furnizimit me ujë të pijshëm, largimit, grumbullimit dhe trajtimit të ujërave të ndotura urbane pas një studimi fizibiliteti që e bëjnë bashkitë.

Dhe së treti është operatori i mundësisë së fundit që duhet të jetë me kapital shtetëror ose privat që licencohet nga ERRU-ja për të ofruar këtë shërbim.

Në relacionin e projektligjit thuhet se nëpërmjet këtij projektligji synohet të rritet performance e sektorit, të rriten financat Ujësjellës Kanalizimeve dhe të përmirësohet cilësia e shërbimeve ndaj konsumatorëve.

"Miratimi i këtij projektligji është një qasje e re për përmirësimin e performancës  së sektorit të ujësjellës kanalizimeve që vuan prej dekadash nga problemet financiare dhe cilësia jo e kënaqshme e shërbimeve të ofruara për konsumatorët", thuhet në relacionin e projektligjit.

Për shkak të detyrimeve të shumta të sektorit të Ujësjellës Kanalizimeve dhe performancës negative, prej vitit të kaluar ka nisur reforma e shkrirjes së 46 ujësjellësve në vetëm 15 në të gjithë vendin, ku aksioneri kryesor është Ministria e Infrastrukturës.

Deri në muajin Qershor detyrimet e ndërmarrjeve të ujësjellës-kanalizimeve ndaj OSHEE për faturat e papaguara të energjisë ishin rreth 28.1 miliardë lekë. Nga të cilat, rreth 15 miliardë lekë janë detyrime të faturuara ndaj kompanisë dhe rreth 13 miliardë lekë janë detyrime për kamatëvonesa.

Neni 24

Kontrata e performancës 

  1. Ndërmjet njësive të vetëqeverisjes vendore dhe autoriteteve të qeverisjes qëndrore lidhen kontrata performance, të cilat përcaktojnë treguesit, që do të arrihen në bazë vjetore nga operatorët.
  2. Kontratat e performancës nënshkruhen nga agjencia kombëtare për furnizimin me ujë të pijshëm, largimin, grumbullimin dhe trajtimit të ujërave të ndotura urbane dhe njësia e vetëqeverisjes vendore përkatëse.
  3. Në rastet e SKP-ve të krijuara me pjesëmarrjen edhe të ministrisë përgjegjëse për infrastrukturën, kontrata e performancës nënshkruhet ndërmjet asamblesë së përgjithshme të operatorit dhe administratorit te tij.
  4. Ministri përgjegjës për infrastrukturën miraton me udhëzim, çdo vit, brenda 9 mujorit kontratën tip të performancës, që do të nënshkruhet në vitin pasardhës ndërmjet palëve, të përcaktuara në pikën 2 të këtij neni.
  5. Objektivat e kontratës së performancës të lidhur sipas këtij neni, reflektohen në planin e biznesit të operatorëve përkatëse.

Neni 25

Marrëveshjet koncesionare dhe partneriteti publik privat 

  1. Dhënia me koncesion, apo me një marrëveshje të partneritit publik privat, e shërbimeve të furnizimit me ujë të pijshëm, largimit, grumbullimit dhe trajtimit të ujërave të ndotura urbane bëhet në përputhje me ligjin për koncesionet dhe partneritetin publik privat dhe aktet nënligjore, që përcaktojnë kërkesat dhe procedurat përkatëse.
  2. Studimi përkatës i fizibilitetit i kryer nga njësia e vetëqeverisjes vendore përkatëse për dhënien me koncesion, ose nëpërmjet një marrëveshjeje të partneritetit publik privat, miratohet parimisht nga ministria përgjegjëse për infrastrukturën dhe nga ERRU-ja, brenda 3 muajve nga paraqitja e tij.
  3. Vetëm pas marrjes së miratimit, sipas pikës 2 të këtij neni, njësia e vetëqeverisjes vendore vijon me procedurat e parashikuara në ligjin për koncesionet dhe partneritetin publik privat.

Neni 26

Operatori i alternativës së fundit

  1. Operatori i alternativës së fundit është operatori, që ka detyrimin e shërbimit publik, të marrë përsipër shërbimet e furnizimit me ujë të pijshëm dhe të largimit, grumbullimit e trajtimit të ujrave të ndotura urbane për një, ose më shumë zona shërbimi, në rast të mosperformancës nga operatori i licencuar.
  2. Operatori i alternativës së fundit mund të jetë me kapital shtetëror, ose privat dhe në çdo rast i nënshtrohet licencimit nga ERRU-ja për të ushtruar veprimtarinë në përputhje me kohëzgjatjen e përcaktuar në licencën e lëshuar prej tij.
  3. Në rastet kur ERRU-ja vendos heqjen e licencës së një ose më shumë operatorëve, sipas dispozitave të këtij ligji, kryerja e shërbimeve të furnizimit me ujë të pijshëm, largimit e trajtimit të ujrave të ndotura urbane në zonën e shërbimit merret përsipër nga operatori i alternativës së fundit.
  4. Në rastin kur operatori i alternativës së fundit është me kapital shtetëror, ERRU-ja me vendim të veçantë cakton një nga të licencuarit ekzistues me performancën më të mirë, ose krijimin e një operatori me kapital shtetëror, pronë e ministrisë përgjegjëse për infrastrukturën, si operatori i alternativës së fundit, që ka detyrimin e shërbimit publik, të marrë përsipër shërbimet për një ose më shumë zona shërbimi.
  5. Krijimi, vlera e kapitalit themeltar dhe statuti i operatorit me kapital shtetëror, që përcaktohet si operatori i alternativës së fundit, sipas pikës 3 të këtij neni, propozohen nga ministri përgjegjës për infrastruktuturën dhe ministri përgjegjës për financën dhe miratohen me vendim të Këshillit të Ministrave.
  6. Operatori i alternativës së fundit pajiset me licencë nga ERRU-ja sipas dispozitave të këtij ligji për zonën përkatëse të shërbimit.
  7. Kushtet e shërbimit të përcaktuara sipas pikës 1 marrin parasysh gjendjen aktuale të sistemeve të grumbullimit, prodhimit dhe shpërndarjes e furnizimit me ujë të pijshëm dhe tarifat dhe të ardhurat financiare të operatoreve të miratuara nga ERRU-ja, si dhe mbështetjen financiare që qeveria alokon në sipas programit buxhetor afatmesëm.

(Kliko këtu për të lexuar dokumentin e plotë)

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Konica: 09/11/2023 15:37

    Cfare tjeter do na shohin syte?! Ne disa vende te tjera te botes se trete, kompanite private qe menaxhojne ujin, kane arritur deri aty sa ju kane ndaluar fermereve te mbledhin edhe ujin e shiut per ta perdorur per vaditje. Eshte e trishte qe ky popull, i tredhur menderisht, qellimisht i lene edhe me injorant keto 30 vitet e fundit, vazhdon te vetkenaqet, i zhytur ne kolltuk para nje televizori. Historia ka treguar qe shoqerite pa nerv dhe pa instikte, jane te destinuara te treten, zhduken, asimilohen. I meritojme te gjithe "trimat" qe kane bere te pamunduren per "begatine" e ketij vendi nder vite ..Sa per te tjerat, te na rroje elita e kombit dhe pseudopatriotizmi i by...s

    Përgjigju
  • adi: 09/11/2023 15:18

    epo keni tik Takun ne durres akoma ca prisni? 10 vjet tjetri ka bere namin me vjedhje, jo vetem ai po LORENC FACJA DENIS GJONI GERALD DAUTAJ FLORIANA KAPO SHEFJA SHITJEVE, FATMIRA SE AS EMRIN SJA MBAJ MEND INJORANTES IVO KEDHI KELMEND LEKA LEONARD HAKA.......... TE GJITHE DUHEN FUTUR NE BURG

    Përgjigju
  • Uji: 09/11/2023 08:36

    I ka ngelur Belindes dhe ky tender per ta marr dhe do kete uje tere jeten pastaj, ska me po more dhe ujin si ngelet me gje tjeter komunitetit, do na arrestojn pastaj po skemi leke me paguar ujin. Vecmas kesaj ky polull ka per tu dhene dhe vete me koncension e me paguar per te marr fryme pastaj. A mortja ketij vendi per njerzit qe rrine hane bar

    Përgjigju
  • mergimtari: 09/11/2023 08:28

    Mos u merzitni o njerez,Qeveria po eksperimenton per furnizimin me uje te pishem.A nuk ka modele te gateshme ne bote per kete problem?Nje ceshtje e tille s'ka pse te behen"prova" por,te punohet me modele te perdorura edhe ne qytete me popullsi sa 10-here Shqiperia.Ky eshte perfundimi se ne 2025 -n gjthe Shqiperia do te kete uje 24-ore pa nderprerje?

    Përgjigju
    • Pjeter: 09/11/2023 14:09

      Po,ka mode per ti marre si shembull, psh, privatizimi i ujit te pishem ka sjell rritjen e faturave te ujit, qe jo domosdoshmerisht pasqyrojne edhe investimet!! Qe gjeja me e mire eshte qe te ngelet nje resurs publik, sepse privati ka nevoje per perfitim, dhe perfitimi perkthehet automatikisht ne kosto me te larte per konsumatoret!

  • Nuk e di: 09/11/2023 08:07

    Ore janë në terezi këta?!..

    Përgjigju
  • Illi: 09/11/2023 07:45

    Furnizimi me uje i popullates eshte dhe duhet te mbetet detyre e pushtetit vendor e qendror. Nuk mund te jepet as me koncension e as me PPP. Riorganizimi i nderrmarrjeve te sotme eshte mese i domosdoshem, por gjithsesi si detyre e dy pushteteve te siperpermendur dhe jo duke e deleguar te privati?!

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Fier/ U quajt heroi i muajt tetor, pasi shpëtoi të moshuarit nga zjarri që ra në banesën e tyre, 29 vjeçari dhunon xhaxhain me sende të forta

Fier/ U quajt heroi i muajt tetor, pasi shpëtoi të moshuarit nga zjarri që ra në banesën e tyre, 29 vjeçari dhunon xhaxhain me sende të forta

2 Nëntor, 14:09