TIRANE - Hyn në fuqi paketa ligjore Anti0 KÇK. Sot qeveria në mbledhjen e Këshillit të Ministrave miratoi me akt normativ ligjin special për masat pasurore ndaj krimit të organizuar. Vendimi u mori pak pas takimit të kryeministrit Edi Rama me ambasadoren e Shteteve të Bashkuara të Amerikës në vendin tonë, Yuri Kim.
"Takimi i mirëseardhjes së ambasadores amerikane Yuri Kim me fokus në prioritetet e përbashkëta si dy vende aleate. Koinçidencë e bukur mbledhja e mëpastajme e qeverisë, ku kaluam paketën Anti-KÇK dhe Ligjin Special për masat pasurore ndaj krimit të organizuar", shkroi Rama në rrjetet sociale.
Ministrja e Drejtësisë, Etilda Gjonaj, doli në një deklaratë për mediat pas mbledhjes së qeverisë, ku dha detajet e subjekteve të kësaj pakete që vjen pas konsultimeve edhe me Ministrinë e Brendshme, kryeministrin dhe ekspertët vendas e të huaj. Gjonaj tha se paketa ka të bëë me pasurinë "e atyre që janë dënuar për krim të organizuar, pjesëmarrje në organizata dhe grupe të strukturuara kriminal, në çdo grup tjetër kriminal dhe terrorist, apo trafiqe dhe krime të tjera të rënda".
Por pjesë e paketës Anti-KÇK janë edhe të gjithë ata që ndonëse nuk janë të dënuar por vetëm të akuzuar për krime të rënda, nuk janë dënuar nga drejtësia e korruptuar, nga ata gjyqtarë që po abuzojnë me ligjin për interesa personale dhe korruptive në ditët e fundit para vetingut, duke i lënë të lirë, siç tha Gjonaj. Këta persona - tha ministrja - duhet të "provojnë se banesat, bizneset, tokat, llogaritë bankare, mjetet motorike në posedim të tyre, apo dhe të familjarëve të tyre burojnë nga puna dhe jo nga aktivitet i paligjshme dhe i pa justifikuar".
Në 'lupën' e Anti KÇK do të jenë edhe të gjithë ata që i kanë fshehur pasuritë e paligjshme duke i transferuar në emra të palëve të treta. "Këto transferime apo transaksione, do të anulohen dhe do të konsiderohen të pavlefshme. Persona që kanë bërë këto lloj transferimesh do duhet të japin llogari një më një dhe të justifikojnë çdo qindarkë", tha Gjonaj.
Subjekt i kësaj pakete janë edhe gjyqtarët dhe prokurorët e korruptuar që kanë dhënë vendime abuzive. Akti normativ i miratuar do t'i japë Policisë së Shtetit, SPAK, dhe gjykatave të posaçme, mjetet dhe kornizën e duhur ligjore për të luftuar krimin e organizuar në mënyrën më efikase të mundshme.
Akti normativ hyn në fuqi menjëherë pas vendimit të qeverisë, por brenda 45 ditëve duhet që të aprovohet nga Kuvendi, ndryshe bie. Vendimi i sotëm i qeverisë, sjell ndryshime në ligjin anti-mafia, ligjin e policisë së shtetit, ligjin e për administrimin e pasurive të konfiskuara dhe sekuestruara dhe Kodin penal.
Kjo njësi do të hetojë dhjetëra krime të parashikuara në Kodin Penal, nga vjedhja me armë, tek droga, grupi i strukturuar kriminal, vrasja, falsifikimet, plagosja, rrëmbimi, prostitucioni e terrorizmi. Struktura policore ka të drejtë të nisë hetim pasuror për individët që dyshojnë se niveli i jetesës nuk mbulohet nga të ardhurat. Pjesë e hetimit do të jenë bashkëshorti, fëmijët, bashkëjetuesi mbi 5 vjet, si dhe të gjithë personat e tjerë që kanë lidhje pasurie. Do të goditen dhe do të shpallen të paligjshme edhe kalimet fiktive të pasurive tek të afërm apo persona të tretë.
Subjekt të Anti-KÇK-së tha ministrja e Drejtësisë Etilda Gjonaj, janë të gjithë ata që i kanë transferuar pasuritë tek palë të treta. Ajo paralajmëroi se këto transaksione do të anulohen, dhe do të konsiderohen të pavlefshme. Të gjithë ata që kanë menduar t'i shpëtojnë ligjit tha ministrja, do të japin llogari "një më një dhe të justifikojnë çdo qindarkë".
Ministrja Gjonaj tha se Policisë së Shtetit, Prokurorisë së Posaçme Anti-Korrupsion dhe Gjykatës Kundër Korrupsioni dhe Krimit të Organizuar, do t'i sigurohen të gjitha mjetet e nevojshme për të luftuar krimin e organizuar.
Ministrja e Drejtësisë Etilda Gjonaj tha se me paketën Anti KÇK ndryshojnë ligji anti-mafie, ligji i Policisë së Shtetit, administrimi i pasurive të sekuestruara dhe konfiskuara si dhe Kodi Penal. "Së bashku me ligjin për statusin e gjyqtarëve dhe prokurorëve, janë tashmë vendimmarrje të kuvendit të Shqipërisë", tha Gjonaj.
"Pas një procesi diskutimesh shterues mes përfaqësuesve të Ministrisë së Drejtësisë, të ministrisë së Brendshme, përfshirë këtu edhe zyrën e kryueministrit, Policinë e Shtetit shërbimet partnere dhe ekspertët vendas dhe të huaj të reformës në drejtësi, sot kemi miratuar në mbledhjen e qeverisë paketën ligjore anti-KÇK. Nërpërmjet kësaj pakete forcohet dhe ashpërsohet lufta kundër krimit të organizuar dhe kundër të gjithë atyre që mendojnë se mund të sfidojnë në këtë vend forcën eligjit.
Vendimet e miratuara sot sjellin ndryshime në ligjin anti-mafia, ligjin e policisë së shtetit, ligjin e për administrimin e pasurive të konfiskuara dhe sekuestruara dhe Kodin penal. Të gjitha këto ndryshme së bashku me ligjin për statusin e gjyqtarëve dhe prokurorëve, janë tashmë vendimmarrje të kuvendit të Shqipërisë. Akti thelbësor i paketës anti KÇK të miratuar sot nga qeveria është akt normativ i cili në fuqi menjëherë dhe ka të bëjë me pasurinë e atyre që janë dënuar për krim të organizuar, pjesëmarrje në organizata dhe grupe të strukturuara kriminal, në çdo grup tjetër kriminal dhe terrorist, apo trafiqe dhe krime të tjera të rënda.
Pjesë e paketës Anti KCK që shënjestron pasurinë, janë edhe ata të cilët ndonëse të akuzuar për kryerje të krimeve të rënda, apo përfshirje në krim të organizuar dhe terrorizëm për shkak të sistemit të kalbur dhe të korruptuar të drejtësisë, nuk u dënuan kurrë dhe sot lëvizin të lirë. Të gjithë këta, qofshin të dënuar apo të akuzuar për kategoritë e krimeve më lart do të provojnë se banesat, bizneset, tokat, llogaritë bankare, mjetet motorike në posedim të tyre, apo dhe të familjarëve të tyre burojnë nga puna dhe jo nga aktivitet i paligjshme dhe i pa justifikuar. Barra e provës do të qëndrojë mbi ta për tu justifikuar ligjshmërinë e kësaj pasurie. Njëkohësisht subjekte të kësaj pakete, janë të gjitha ata që për të fshehur pasuritë e tyre të paligjshme, i kanë transferuar në emra të palëve të treta, Këto transferime apo transaksione, do të anulohen dhe do të konsiderohen të pavlefshme. Persona që kanë bërë këto lloj transferimesh do duhet të japin llogari një më një dhe të justifikojnë çdo qindarkë. Akti normativ i miratuar do t'i japë Policisë së Shtetit, SPAK, dhe gjykatave të posaçme, mjetet dhe kornizën e duhur ligjore për të luftuar krimin e organizuar në mënyrën më efikase të mundshme.
Ndërsa pjesa tjetër e paketës ka të bëjë me gjyqtarë dhe prokurorë të korruptuar, të cilët po sfidojnë shtetin, ligjin dhe tërë shoqërinë me vendime si ai i Gjykatës së Krujës, që ndonëse i fundit në radhë, nuk është i vetmi. Për të gjithë këta sfidues të ligjit dhe vlerave të shoqërisë që abuzojnë për interesa personal dhe korruptiv teksa kalojnë ditët e fundit para vettingut, me këtë paketë institucionet e reja të drejtësisë, organet e qeverisjes së sistemit të drejtësisë do të kenë mekanizma të reja efikase për të ndëshkuar çdo gjyqtar dhe prokuror që merr guximin të shkelë ligjin", tha Gjonaj.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Edison Ypi: Bar gastronomik
27 Nëntor, 15:45
-
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Vrasja e Martinit, gazetari te ‘5 pyetjet’: Të sqarohet a ishin dy thika në vendngjarje? Zëdhënësi i policisë: Një autor, po punohet për masa të reja sigurie në shkolla! Prençi: Dështim
25 Nëntor, 21:53 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29
paketa KCK nuk kap politikanet qe jane kriminelet dhe hajdutet me te medhenj te atij vendi, kshuqe 500 vjet roberi edhe 500 vjet te tjera na presin, bye bye popull i shkrete.
PërgjigjuMjafton te fillohet me kryetaret e bashkive, deputetet e njerez te ketij rangu. Por si gjithmone do bejne koka turku. Do merren me njerezit e thjeshte. Kur berisha te tregoje si e ka blere vilen, rama gjithashtu, djali i tij te na thote si mund ti lejoje vetes range rover, dashnorja e ... si e mban dyqanin ne bllok, basha si e ka blere nje kat ne qender te tiranes, nusja e tij si e ka blere nje kat te sheraton dhe ministrja ne fjale si i paguan hotelet e shtrenjta atehere ndoshta mund te fillohet te kihet besim.
PërgjigjuFillo njeher nga kati fundit i bashes pastaj beje nje xhiro nga surreli. Pastaj te peshat e lehta qe quhen trafikant.
PërgjigjuOpo se edhe pak zdo ken as bicikleta populli
PërgjigjuKan harruar ish-parteneret... Tashi do ndahen çiftet
PërgjigjuBrovo primo ministro.
Përgjigju