POP 5

Lajmet më të lexuara të 5 minutave të fundit

Sociale

'Qeveria të na shpëtojë nga llumi i zi', banorët pranë lumit Ishëm kërkojnë pastrimin e plehrave! Masterplani i Mjedisit mbetet në letër

Lumi Ishëm prej vitesh është kthyer në landfill, ku hidhen mbetje urbane, inerte, derdhen ujërat e zeza dhe ato industriale. Situata së fundmi, prej shirave është përkeqësuar, ndërsa banorët që kanë shtëpitë pranë brigjeve te lumit kërkojnë nga Qeveria të ndërhyjë sa më parë, pasi shëndeti i tyre është i rrezikuar nga ndotja.

FUSHE-KRUJE- Lumi Ishëm, i cili formohet nga bashkimi i Lumit të Tiranës dhe përrenjve Tërkuza e Zeza gjarpëron nëpër fshatrat e Tiranës, Fushe-Krujës e Durrësit dhe derdhet në Kepin e Rodonit. Pamjet që po shihni në ekran i përkasin zonës së Rinasit dhe Dervenit ku ndotja është katastrofike. I ngjan një landifilli masiv në natyrë ku gjen gjithëfarëlloj mbetjesh, sidomos plastika.

Po kështu fabrikat që ndodhen në zonën e Rinasit shkarkojnë mbetjet në lumë, duke shkaktuar ndotje kimike e bakteriologjike.

Është i vetmi lum, ku institucionet nuk kanë ndërhyrë asnjëherë në tre dekadat e fundit, edhe pse media disa here e ka ngritur këtë shqetësim madhor.

Banorët e fshatrave Derven e Rinas, të cilët kanë shtëpitë pranë brigjeve të lumit Ishëm thonë se dikur ujin e përdornin për vaditje, ndërsa tashmë jo vetëm që nuk përdoret por është kthyer në kërcënim serioz për shëndetin e tyre për shkak të nivelit të lartë të kimikateve në të.

“Në kohën e komunizmit uji i lumit përdoret për vaditjen e tokave. Ne laheshim në të, aq i pastër ishte sa dukeshin gurët në fund të lumit”, tha një banor.  Vjen ere e keqe shumë, bidonë e cdo lloj mbetjesh hidhen këtu”, tha një tjetër.

Lumi Ishëm është konsideruar shpesh dhe si një ndër burimet më të mëdha të ndotjes së detit Adriatik, veçanërisht për plazhet e Durrësit të cilat ndodhen vetëm pak kilometra larg grykëderdhjes së tij.  Ujërat e zeza që hidhen në të, por edhe mbetjet kimike, kanë zhdukur florën dhe faunën. 

“I bëjmë thirrje Qeverisë e z. Rama të pastrojë lumin se po sëmuremi nga ky llum i zi”, shprehet ai.

Ministria e Mjedisit dhe Turizmit para 5 vitesh ka hartuar një dokument me 100 faqe, të quajtur  “Vlerësimi strategjik mjedisor për grykëderdhjen e Ishmit”, ku ndër të tjera thuhet se “dy nga ndërhyrjet kryesore janë trajtimi i ujërave të ndotur dhe trajtimi i mbetjeve urbane në basen pa të cilat zhvillimi i zonës nuk do të bëhej i mundur".

Por ky masterplan për ta shpëtuar Ishmin nga ndotja ka mbetur vetëm në letër!

 

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilirjan: 23/02/2025 09:12

    Llumin e kane krijuar vete banoret e te gjitha zonave, katundet nga kalon lumi.Hedhin gjithcfare mbetjesh e kur u arrijne plehrat ne gryke, bertasin... qeverrija! Edhe berishajt e ilir metet me xhin xhonet e adriatik llallet, qe tani mitingjet i bejne bashke, mbetje te ardhura nga katundet jane... por llumin na e sollen ne

    Përgjigju
  • Sondazhi i ditës: 24 Mars, 23:36

    Zgjedhjet e 11 majit, a i besoni premtimet e partive?

Lajme të tjera



×

Lajmi i fundit

'Vlerë kishte rezultati', Kristjan Asllani: Shehu më ngjan në fushë, shumë teknik

'Vlerë kishte rezultati', Kristjan Asllani: Shehu më ngjan në fushë, shumë teknik

24 Mars, 23:41