POP 5

Lajmet më të lexuara të 5 minutave të fundit

Sociale

Qytetarët në rradhë të zemëruar në Spitalet Publike, të moshuarit për Report Tv: Të gjitha shërbimet në privat

Qytetarët vazhdojnë të denoncojnë çdo ditë për Report TV pakënaqësitë në lidhje me spitalet publike në vend, ku nuk marrin të gjitha shërbimet, por janë të detyruar t’u drejtohen klinikave apo spitaleve private edhe në pamundësi financiare. Report TV sjell historinë e një çifti të moshuarish, që tregojnë se si zvarriten në spitalet publike të vendit. 

“I kam bërë të gjitha shërbimet në privat, të gjitha”.

Prej rreth 4 vitesh, Ramazan Shkambi po përballet pothuajse çdo javë me dyert e spitaleve në vend. 72 vjeçari i diagnostikuar me diabet, me zemër dhe së fundmi edhe me herediskale, tregon për Report Tv se shërbimet më të mëdha mjekësore është detyruar t’i marrë në privat. 

“Më thanë në tetor do bësh rezonancën, vdiq ti thotë ai njëherë, dhe në tetor të thonë hajde. 130 skaneri, dhe 150 rezonanca, edhe s’të japin asnjë gjë. Tani presim ose të bëhem operacion, ose do vetëhidhem nga ndonjë pallat”.

Për çiftin e moshuar, krahas sëmundjeve, barrë për ta janë edhe kostot e ilaçeve.

“Me probleme shumë, 150 mijë lek marr pensionin. Ne marrim vetëm insulinat e diabetit me rimbursim. Na ndihmojnë fëmijët, por edhe ata kanë hallet e veta. Me 200 mijë lek pension çdo bëjmë ne me ato”.

Së fundmi edhe mjeku Erion Dasho ka folur për Report TV, skandalin e Onkologjikut, ku akuzohen për shpërdorim detyre, mjek, infermire dhe koordinator të spitalit të Onkologjikut.

“Është këmbanë alarmi për qytetarët për pacientët sepse ata e vuajnë më shumë në të gjithë sitemin shëndetësore shqiptarë. Problemi është universal vazhdon prej shumë vitesh dhe ka prekur të gjitha spitalet, fakti që është i përhapur nuk do me thënë që është i pranueshëm. Mjekët që i nxisin pacientët  që të shkojnë në klinika private kanë interes personal pra përfitim personal”.

G.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Minuta Zero/ Prodani: Spalleti duhet të dorëhiqej, nuk dha asnjë ide! Marko: Gjermanët më duken më të motivuarit, anglezët të vakët

Minuta Zero/ Prodani: Spalleti duhet të dorëhiqej, nuk dha asnjë ide! Marko: Gjermanët më duken më të motivuarit, anglezët të vakët

30 Qershor, 20:52