/ATSH-Z.Tosku/- Si çdo vit, qyteti i Korçës ka kremtuar Pashkët Ortodokse në Katedralen "Ringjallja e Krishtit", ku imzot Joani nën tingujt e këmbanave ka uruar besimtarët "Krishti u ngjall".
Të gjithë besimtarët Korçarë mbushën sheshin para katedrales dhe pedonale duke marë qiritë dhe duke çuar në shtëpitë e tyre si simbol i dritës së krishtit.
Ndërkaq, në Korçë është festuar para dy ditësh edhe e premtja e zezë, e cila si çdo vit mbledh mijera besimtarë ortodoksë në sheshin para Katedrales së Korçës. Ashtu siç është traditë fetare, besimtarët kanë pritur bashkimin e 7 kishave ortodokse që ndodhet në qytetin juglindor për të shoqëruar më pas epitaftinin e krishtit në sheshin e qytetin. Marshimi që zgjati 1.30 min u shoqërua me muzikë funebre ndaj qytetit. E premtja e zezë është një ndër ditët me të veçanta të tradtës së pashkëve në Korçë.