Prindër me fëmijë, të moshuar, gra e burra qëndrojnë ngjeshur në radhën e stërgjatur. Report Tv ka kryer një vëzhgim në Poliklinikën e qytetit të Durrësit ku situata është kaotike.
Shtimi i rasteve me Omicron apo viroza të stinës ka shtuar fluksin e pacientëve e nga ana tjetër nuk po përballohet nga stafet e vogla mjekësore.
"Kam që nga ora 08:00 e mëngjesit e deri tani (10:30) dhe nuk mbarova punë. Prit thoshte mjeku sa të vijë shiriti. Ikëm sot do vijmë të premten sot. Asnjë masë nuk merret shihni brenda si është radha", tha një grua e moshuar e cila nuk ka arritur të kryejë vizitën tek kardiologu.
"Kam 3 orë dhe nuk mbarova punë se është prishur EKG dhe nuk e bëra dot. Mos pyet më se çfarë po bëhet! Shko brenda e shih tek mjeku i zemrës. Kam qe në orën 08:00 dhe duke rrezikuar edhe infektimin nga Covid-19. Tani do të iki në privat qe të bëj EKG e zemrës", tha një tjetër qytetare.
"Kam tre orë që pres, janë 500 veta brenda se s'ka njeri që të menaxhojë të caktojë radhën. Një person është aty në sportel. Nuk ka staf. Asnjë masë sigurie asgjë s'ka, po rrezikohemi dhe nga infektimet", u shpreh një tjetër qytetar.
"Frikë kemi por çfarë të bëjmë, tmerr është por e kemi të nevojshme të vijmë për tu vizituar", tha një banore e lagjes nr. 4.
Të pyetur nëse janë të rrezikuar nga infektimi me COVID-19 qytetarët janë shprehur se jo vetëm që ndjehen të rrezikuar, por u duhet të presin me orë të tëra në radhë dhe në fund mund edhe të mos marrin asnjë shërbim.
Fluksi i shtuar i pacientëve vihet re dhe në qendrën shëndetësore nr. 2 të qytetit të Fierit. Drejtoresha Sonila Dollaku tha se merren rreth 100 tamponë në ditë, prej të cilëve 40 qytetarë dalin pozitiv me Covid-19.
"Ka rritje të rasteve me Covid-19. Merren rreth 100 tamponë çdo ditë, dhe 30 deri në 40 për qind në ditë rezultojnë pozitiv. Por forma e re që po qarkullon tani është më e lehtë se Delta. Pra ka fluks të pacientëve por jo komplikacione", u shpreh Dollaku.
Paralelisht në këtë qendër shëndetësor po vazhdon edhe vaksinimi ku është shtuar interesi për dozën e tretë.
Lajme të tjera
-
Durrës/ Në kërkim për armëmbajtje pa leje dhe shitje narkotikësh, arrestohet drejtori i shkollës artistike (EMRI)
27 Nëntor, 12:41 -
Gjykata e Fierit sekuestron mbi 1 mln euro pasuri të financuesit të laboratorit të kokainës në Frakull! Dhjetëra apartamente në Tiranë e Durrës (EMRI+LISTA)
27 Nëntor, 10:46 -
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
Fier/Përplasi për vdekje 61 vjeçaren, arrestohet autori! E la në mes të rrugës
26 Nëntor, 13:48 -
E rëndë në Fier/ Gruaja bie nga kati i shtatë i pallatit, ndërron jetë
26 Nëntor, 13:06 -
Durrës/ Makineria e duraluminit i mori jetën punëtorit 50-vjeçar, arestohen dy përgjegjisit tek 'Pespa Alumin' (EMRAT)
26 Nëntor, 12:10 -
Fier/ Një grua gjendet e plagosur rëndë anash rrugës, vdes më pas në spital! Dyshohet se u aksidentua nga një mjet, hetime për drejtuesin
25 Nëntor, 19:10 -
GJKKO dënon me 2 vite dhe 8 muaj burg Vangjush Dakon, ish-kryebashkiaku i Durrësit mungoi në seancë! Pezullohet dënimi për 3 të tjerët (VENDIMI)
25 Nëntor, 16:44 -
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Durrës/ U dëmtua nga një makineri gjatë punës, ndërron jetë 50 vjeçari (EMRI)
25 Nëntor, 14:11 -
Durrës/ Lëvizte me kanabis në makinë gati për shitje, në pranga 22 vjeçari
25 Nëntor, 11:34 -
Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë (VIDEO)
24 Nëntor, 22:29
