Rritja e rasteve aktive me COVID-19 por dhe shtimi i rasteve të trajtimit në shtëpi të virusit edhe kur ai shfaqet në forma të rënda ka bërë që zv.ministrja e Shëndetësisë, Mira Rakacolli të bëjë thirrje dhe apel për qytetarët që t'u drejtohen spitaleve dhe të mos shkojnë aty kur është tepër vonë. Gjatë emisionit "Repolitix" në Report Tv, Rakacolli shprehet se besimi tek mjekët dhe sistemi shëndetësor është rritur dhe kjo duket që ke komunikimi me mjekun e familjes dhe ndihmën që kërkojnë prej tyre.
"Në spitale njerëzit shtroheshin që në fillim, kurse tani vijën pasi e kanë kaluar dhe kjo është një apel që qytetarët me format e rënda të virusit nuk duhet të presin dhe të mjekohen në shtëpi. Qytetarët dihet që do të rrinë të izoluar dhe ideja e të qenit vetëm ndoshta i step për të shkuar që në fillim në spital dhe vijnë aty vetëm kur bëhen rëndë. Unë do thoja që ka më shumë besim tani sidomos te mjeku i familjes dhe mendojnë se e kalojën në shtëpi dhe kjo tregon një rritje besimi.", tha Rakacolli.
Por nuk ishte në një mendje ish kreu i ISHP-së, Besnik Jakaj, i cili tha se qytetarëve u është ulur besimi te spitalet dhe kjo bënë që ato të shkojnë me shumë vonesë atje duke rritur vdekshmërinë.
"Bëhet një protokoll i caktuar në shtëpi dhe pastaj shkohet në spital, kemi vdekshmërinë më të lartë gjatë qëndrimit në reanimacion. Humbja e besimit, frika që është krijuar për spitalin se po të hyjmë atje do vdesim bën që qytetarët të mos shkojnë atje apo të shkojnë me vonesë. Disa mjekime nuk mund të bëhen në shtëpi", tha Jaka.
Mjeku shqiptar Kita Sallabanda nga Madridi tha se mbajtja nën kontroll e rasteve në Spanjë lidhet me izolimin selektiv të qyteteve ku nuk lejohen hyrje-daljet e personave nga vendet me shumë raste tek ato me më pak raste infektive me COVID. Sallabanda tha se një gjë e tillë duhet ndjekur edhe në Shqipëri. Gjatë një lidhje skype me emisionin 'Repolitix' në Report TV, Sallabanda tha se sado masa të merret, po nuk pati ndërgjegjësim qytetar masat janë të pavlefshme.
"Ne kemi bërë izolimi selektiv në Spanjë dhe nuk mund të udhëtojmë midis qyteteve që kanë më shumë të sëmurë dhe atyre që kanë më pak. Ne nuk lejojmë komunikimin mes zonave. Edhe në Shqipëri prandaj ka kaq shumë përhapje pasi nuk është bërë izolimi selektiv i qyteteve të ndryshme. Ne nuk leme me shumë 4 persona bashkë dhe ka filluar edhe vaksinimi masiv i popullatës që do na ndihmojnë të dalim nga kjo gjendje. Përballimi i COVID është ndërgjegjësim i gjithë shoqërisë, jo vetëm pune e sistemit shëndetësor', tha mjeku Sallabanda.
Mjeku tha se Spanja pret që gjatë muajit mars të ketë rritje të shifrave për shkak të futjes së mutacionit britanik të COVID, ndërsa tha se nga java e ardhshëm Spanja parashikon të vaksinoj 300 mijë persona në ditë.
"Në mesin e marsit do kemi shtim të rasteve për shkak të futjes së mutacionit anglez të rastit COVID, megjithatë po bëjmë vaksinimin e njerëzve. Deri tani 3.7 % e popullsisë kemi pasur mangësi të vaksinimit nga Pfizer dhe AstraZeneca dhe Moderna. Nga java tjetër janë bërë plane për vaksinime masive deri në 300 mijë në ditë" tha Sallabanda.
Gjatë 24 orëve të fundit në Spanjë janë regjistruar 16 402 raste të reja dhe 766 viktima me COVID-19.
Komente
Lajme të tjera
-
Arrestimi i Ilir Beqajt/ Mjeku në 'Përballje' e akuzon për krime kundër njerëzimit! Avokati: Është rast unik, mund të ketë akuzë tjetër për 'Sterilizimin'
4 Korrik, 16:50 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
Denoncon Partia e Lirisë: Në tregun farmaceutik mungojë barna që trajtojnë sëmundjet kronike për pacientët
8 Qershor, 16:12 -
U investuan 17 mln euro, Urgjenca e QSUT-së 41 ditë pa shërbim! Mjeku: Trauma e Sanatoriumi s'i përballon, qytetarët tek privati! Hije dyshimi, s'ka transparencë
22 Mars, 14:43 -
Peripecitë për familjet me të sëmurë të shëndetit mendor në shtëpi! Report Tv sjell historinë e Fatbardhës: U sëmur kur lindi, s’ merr mjekimin
25 Shkurt, 17:40
-
'Paraja po drejton mjekësinë, fatkeqësi!' Mjekët ngrenë alarmin: Të ndryshohet sistemi, doktorët s'mund të punojnë në privat e shtet njëkohësisht
1 Shkurt, 15:09 -
Ekskluzive/ Nga 1 shkurti konsultë në shtet me mjekun jashtë orarit, Rakacolli zbulon sa do jetë tarifa në spitalin e Fierit
30 Janar, 15:01
-
Shqiptarët paguan nga xhepi 141 mln euro për blerjen e produkteve farmaceutike më 2023, financuan 55% të konsumit
29 Janar, 11:02 -
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Shëndetësia 2024/ 100 çifte do përfitojnë nga fertilizimi invitro në shtet! Paruke e protezë falas për gratë me kancer gjiri! Prindërit kërkojnë ilaçe për fëmijët me fibrozë cistike
15 Nëntor 2023, 18:49 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
5 vite punë në Shqipëri, studentët protestë para Kuvendit kundër ligjit: Do ta dërgojmë në Kushtetuese! Zv. ministrja: Ligji i konsultuar gjerësisht, s’ka kthim pas
20 Korrik 2023, 09:24
Ju lutem hapini universitetin për provime (sidomos viti tretë bachelor ose viti fundit master) hapini Universitetin sepse na ndihmoni te heqim edhe stresin e mesimit online edhe heqim provimet! Ju faleminderit !
Përgjigju