Rakacolli: Po diskutohet për t'u vaksinuar fëmijët mbi 12 vjeç dhe bërja e dozës së tretë! Shumica e shqiptarëve kanë marrë Sinovac, mbi 25% e qytetarëve kanë marrë dy dozat e vaksinës

Komiteti Teknik i Vaksinimit në vendin tonë po diskuton mbi mundësinë e vaksinimit të fëmijëve mbi 12 vjeç si dhe për marrjen e dozës së tretë të vaksinës anti COVID. Kështu bëri me dije në një intervistë për Report Tv, në emisionin '5 Pyetje nga Babaramo', zëvendës ministrja e Shëndetësisë Mira Rakacolli.

'Do të merret një vendim nëse do të ulet mosha e vaksinimit, si dhe do të merret një vendim edhe për dozën e tretë. Mbi 12 vjeç është provuar vaksinimi, është diçka që ekspertët tanë të Komitetit të Vaksinimit janë duke e diskutuar dhe do të ketë një vendim shumë shpejt.'- tha Rakacolli.

Vaksinimi masiv në vend, sipas Rakacollit, ka sjellë një situatë më të qetë për sa i takon pandemisë së COVID, në vend krahasuar me një vit më parë. Zëvendës ministrja, duke ju referuar të dhënave, tha se kjo tashmë është pandemia e të pa vaksinuarve dhe se në spital  95% e të shtruarve janë të pavaksinuar.

Rakacolli tha se deri tani janë vaksinuar me dy doza rreth 600 mijë qytetarë, ndërkohë që mbi 1.5 milionë kanë marrë një dozë. Zv. ministrja shtoi se në Shqipëri shumica e qytetarëve janë vaksinuar me Sinovac, kjo për faktin se sasia më e lartë e vaksinave që ka mbërritur në vend është Sinovac, me mbi 1 mln doza.

'Situata është më e mirë sesa vitin e kaluar në të njëjtën periudhë, kjo për vaksinimin masiv. Tashmë po hasemi me pandeminë e të pa vaksinuarve. Ato që janë të shtruar në spital janë 95% të pa vaksinuar. Janë edhe të fashave moshore, që duhet të kishin bërë vaksinën. Mbi 1. 5 mln njerëz janë vaksinuar me një dozë. Mbi 25 % e popullsisë e vaksinuar me dy doza dhe rreth 600 mijë të vaksinuar. Përqindja e atyre që kanë marrë Sinovac është me e lartë. Për momentin në Shqipëri kanë mbërritur 1 mln vaksina Sinovac. Ne duam të vaksinojmë popullsinë me vaksina që janë të provuara që janë të suksesshme.'- u shpreh Rakacolli.

Rakacolli, e cila është edhe kryetare e Komitetit Teknik të Ekspertëve tha se nuk do të ketë më një 'Lock Down' të madh, kjo për faktin edhe të vaksinimit masiv. Sa u përket shkollave, zv.ministrja tha se do të jenë të hapura fizikisht.

'Masat shkojnë në përputhje me situatën epidemiologjike. Nuk do të vijë puna që të shkojmë në një 'Lock Down' të madh, kjo për faktin e vaksinimit dhe për mënyrën sesi po zhvillohet pandemia, që tashmë është e të pa vaksinuarve si dhe nga përgatitja e sistemit shëndetësor. Shkollat do të jenë të hapura, pavarësisht se jemi përgatitur për skenarë të kombinuar. Për momentin do të jetë fizikisht.'- tha Rakacolli.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • D.3: 07/09/2021 09:30

    Nê keni bo nai studim ju për masat ,efektet e vaksinês apo moshēn nga ku duhet fillu vaksinimi atëher dije që shum shpejt mjeksia Shqipëtare du drrejtojē Botēn

    Përgjigju
  • Populli: 06/09/2021 20:59

    Po cpo mendohesh moj aman . Moshen 12 vjec e lart e ka miratiar gjithe bota ti po mendohesh

    Përgjigju
    • Loku: 07/09/2021 04:43

      ah ti ke pjerdh e shok,si morente vaksinosh 12 viecaret jeni ne terezi ju apo jo?!Anglia nui e ka provuar pershembull.

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin