POP 5

Lajmet më të lexuara të 5 minutave të fundit

Politikë

Rama e Basha replikë në distancë/ Kryeministri: Pagën e luftës e kanë përfituar çerek milionë shqiptarë, kryedemokrati: I keni braktisur (VIDEO)

Paga e luftës dhe ndihma që i ka dhënë qeveria bizneseve të prekura nga covid kanë përplasur në distancë dy kryetarët e partive më të mëdha në vend. Kryeministri Edi Rama në videon e tij në facebook ka sjellë dëshmi të punonjësve që thonë se janë paguar ndërsa kryedemokrati Lulzim Basha nga Zall Bastari deklaron se fermerët nuk kanë marrë asnjë qindarkë.

Mëngjesi i kësaj të marte, i gjeti liderët e dy partive kryesore në terren duke takuar qytetarët. 

Nga kafeneja ku kishte ndaluar përpara se të inspektonte rindërtimin e një prej shkollave të Fushë Krujës të dëmtuar nga tërmeti i 26 nëntorit, kryeministri Rama tha se janë afro çerek milion shqiptarë  të cilët kanë marrë pagat e luftës.

"Faktet janë fakte, janë duke shkuar afër cerek milionë shqiptarë që kanë marrë pagën e luftës. Gjoni është një prej tyre. Askush nuk ka mbetur vetëm dhe vazhdojmë bëjmë ferifikime. Ne i shkojmë nga prapa të gjithëve për ti dhënë pagat një për një", tha Rama.  

Por të kundërtën mendon kryedemokrati. Në ndalesën e radhës të turit të tij pikërisht në Zall Bastar,  Lulzim Basha akuzoi kreun e qeverisë që as në periudhën e fatkeqësisë natyrore nuk i është gjendur pranë shqiptarëve, e veçanërisht fermerëve.

"Gjysma e shqiptarëve, gjysma e qytetarëve të Republikës së Shqipërisë jeton me aktivitetin bujqësor, janë lënë totalisht në harresë jo vetëm që s’kanë marrë asnjë qindarkë gjatë periudhës së covid-it, gjysma e popullsisë është përjashtuar në bllok, a thua se nuk janë qytetarë të këtij vendi, a thua se nuk paguajnë taksa nuk paguajnë TVSH, nuk ia masin kokën me pe për çdo gjë që bëjnë, por më e tmerrshmja është që kjo nuk është një përjashtim. Është e vërteta e 7 viteve të kësaj qeverie, braktisje totale, harresë totale, edhe ato pak para që i vendosin në buxhet për gjoja subvencione, në fakt i përfitojnë 3-4 miq të pushtetarëve të kryeministrit, të cilët janë ose grumbulles, ose njerëz të lidhur drejtpërdrejt me pushtetin, ndërkohë që fermerët në tërësi pavarësisht prej bindjeve politike pavarësisht prej gjeografisë së vendit janë prapa liste, në fakt nuk janë në listë fare", u shpreh Basha.  

Pas kafesë së mëngjesit kryeministri Rama u njoh me projektin për rindërtimin e një prej 12 shkollave të dëmtuara nga tërmeti në zonën e Krujës të cilën e cilësoi një transformim epokal i hapësirave e kushteve për nxënësit e mësuesi.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cubi: 23/06/2020 15:30

    Ata qe Jan me lulashin te mos i ndahen se ai ju mbush trasten. Te mbushur e keni. Ne vitin 2032 do behet icik KM se vdiq i shkreti. Me kete do shkoj parja lum. Do na bej me sude perseri dhe do e marim veten.

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Kapiteni braktis 'anijen', Nacho largohet nga Real Madridi pas 23 vitesh

Kapiteni braktis 'anijen', Nacho largohet nga Real Madridi pas 23 vitesh

20 Prill, 13:36