Rama bën për ujë të ftohtë kryebashkiakët: Skandaloze që digjni fondet e shërbimeve sociale! Shpejtoni legalizimet! I pakënaqur me reagimet për përmbytjet e zjarret

Kryeministri Edi Rama kërkoi ndihmën për të eliminuar totalisht fenomenin e rryshfetit.

Fatkeqësisht ka ende policë që u shkojnë tek avllia. Fatkeqësisht ky fenonem ka ardhur duke u zvogëluar pro është ende problem. U shkojnë për një avlli e urrinë tek koka e kuptohet pse. Jo e ke lejen jo s ‘e ke lejen’ tha Rama duke i kërkuar ndihmë për të denoncuar

“Duam ta ndalojmë totalisht këtë fenomen” tha Rama.

Rama tha se rritja e pagave nw bashki u bw pasi kwrkuan kwta tw fundit dhe bëri dhe një batutë për situatën politike të Partisë Demokratike në opozitë, 

“Pagat e Bashkisë kishim vendosur ti rrisnim pak më vonë, meqë kërkesa erdhi nga Partia e Punës ku jemi të gjithë bashkë erdhi dhe merita juaj. Kur japim fjalën e mbajmë se pastaj hyjmë në territore të tjera që na ndahet partia në dysh, tresh e katërsh. Këtë partinë e punës e duam 1, socialist e demokratë këtu jemi në punë”
 

Brenda këtij muaji, kreu i qeverisë thotë se do të prezantojnë ‘Paketën e Maleve’, një mbështetje të paralajmëruar më herët gjatë vizitave në Shkodër. Përmes kësaj pakete, Rama tha se synon që të mbështesin emigrantë që të hapin biznese, apo edhe ata që jetojnë në Tiranë por kanë një pasuri që do përfshihet në paketën e Maleve.

Gjatë takimit me kryebashkiakët, Rama solli edhe historinë e një djali me biznes në Theth, për të cilin tha se ndihmon me lekë edhe motrën dhe vëllain në Itali.

"Gjatë këtij muaji prezantojmë paketën e maleve, një program i ri për të mbështetur ata që janë jashtë dhe duan ndihmë për të investuar në shtëpitë e tyre për t’i kthyer në sipërmarrje biznesi. Ata që janë në emigracion, apo ata që janë në Tiranë dhe kanë një pasuri atje. Është një paketë pozitive, kemi punuar gjatë që të mos jetë pak, por goxha domethënëse. Është një paketë që duhet ta përdorni ju, ta shfrytëzoni për të inkurajur më shumë dhe për t’iu dhënë më shumë shtysë atyre që e kanë me dy mendje.

Në Theth kam takuar një djalë që me biznesin në Theth ndihmon me lekë motrën dhe vëllain që punojnë në Itali. Ata punojnë në Itali, por nuk iu del. Dhe u thoshte po hajdeni në Theth, se kemi mundësi të zgjerohemi, unë kam nevojë. Na vjen zor se do dukemi di dështakë. Është konkret personi, familja. Prandaj është e rëndësishme që paketën e maleve ta përdorin si instrument kryetarët e bashkive se kanë kontaktin më drejtpërdrejtë dhe kanë mundësi të kenë një komunikim që është më nxitës", tha Rama. 

Kryeministri Edi rama është shprehur i pakënaqur me kryebashkiakët edhe s ai përket platformës së Bashkëqeverisjes, duke thënë se është shumë i ulët niveli i angazhimit me qytetarët në këtë platformë.

"Nivel shumë i ulët i përgjigjes dhe ndërveprimit me qytetarët në platformën e bashkëqeverisjes. Është krijuar për t’iu ardhur në ndihmë qytetarëve që pa pasur nevojë të shkojnë lart poshtë e të kërkojnë, por ta çojnë në majë ankesën dhe nga maja rrjeti i koordinatorëve gjen përgjigjen e duhur për qytetarin dhe më pas bëhet dhe analiza pse nuk është dhënë përgjigja. Nëse është e qëllimshme merren masa, nëse jo shikohet se çfarë duhet të rregullohet në aspektin e procedurës pse s’ka asnjë bashki që platformën e bashkëqeverisjes ta ketë ekselente dhe ti jepni përgjigje qytetarëve", tha Rama. 

Kryeministri Edi Rama ka mbajtur këtë të martë një takim me kryetarët e bashkive dhe ministrat Arbjan Mazniku, Albana Koçiu dhe Pirro Vëngu.

Gjatë nisjes së fjalës së tij Rama shprehu mirënjohje për kryetarët e bashkisë që i përkasin Partisë Demokratike, dhe se sipas tij pavarësisht ndasive politike, janë bërë bashkë në takim.

"Falënderoj edhe ata kryebashkiakë që nuk janë të PS, por janë me ne në partine e punës”, tha Rama.

Kryetari i bashkisë Edi Rama u shpreh kritik edhe ndaj mos shfrytëzimit të fondit për shërbimet sociale që qeveria ka vënë në dispozicion por nuk shfrytëzohen nga bashkitë përshak se nuk organizohen apo nuk kanë projekte

Ne kemi bërë ndryshim rrënjësor në qasjen ndaj shërbimeve sociale në bashki e kemi vendosur në dispozicion fonde nga qeveria, e ka bashki që nuk kanë marrë një kokërr leku e nuk kanë ngritur akoma shërbimet që mund të kishin ngritur me paratë që janë në dispozicion, se nuk kanë bërë një projekt e nuk kanë çarë kokën, kjo është skandaloze. 33 mijë persona sot shërbehen falë këtij transformimi e këtij projekti e shuma që përmendi ministri I Mbrojtjes 1 miliardë e kusur lekë të reja, sshuma që përmendi ministrja e Mirëqënies janë para që janë në dispozicion si rezultat i rritjes së mundësive tona për të mbështetur procesin e ndryshimit por është e paimagjinueshme të mos absorbohen kur nevojat në bashkitë tuaja janë shumë më të mëdha se ato që ne mund të mbulojmë me këto shuma.

Me çfarë merreni ju? Se nuk e kujtoj?! Nuk arrij dot ta kuptoj. Po shikoja disa të dhëna dhe është e pakuptueshme disbursimi I fondeve të fondit social ku fondi social qëndror ka një kontribut të rëndësishëm në dispozicion të cdo bashkie është qesharak në disa bashki që teorikisht nuk mund të jenë prapa të tjerëve se kanë situata shumë më të agravuara sesa disa bashki në zonën qëndrore. Pse? Për gratë me fëmijë të vetmuar, fëmijët autikë të kemi fondet e të mos I vëmë në dispozicion, po pse? Ndërkohë kemi bashki si Kamza që realizon 100 buxhetin. Vora, në fondin e mbrojtjës civile ka bërë punën e duhur dhe 100 % e ka realizuar buxhetin.

Pse duhet të kemi bashki të tjera që kanë 3% të buxhetit, e nuk po ia përmend emrin këtu. Kam respekt për drejtuesen e bashkisë, nuk është Durrësi, se Durrësin nuk duhet të ma prekni. Por 3 %. Ndërkohë bashkia e Shkodrës 95%. Pse bashkia e Shkodrës është 95 % e në bashkinë e Vau Dejës që ka më shuëm nevojë është 55 %. Janë kontradikta në shifra që tregojnë se aty ku ka vëmendje, përqëndrim e organizim këto fonde nuk mjaftojnë. Aty ku sjanë këto këto fonde teprojnë e digjen. Si mund të digjen. Një kokërr leku të vetme që duhet tia japim personit në nevojë.

 

Kreu i qeverisë u ka tërhequr vëmendjen kryebashkiakëve edhe sa i përket procesit të legalizimit, duke thënë se në këtë pikë nuk ka tolerime dhe duhet fokus maksimal. Bashkia e Shijakut mori vlerësimet nga kryeministri Rama duke thënë se është model me procesin e legalizimeve.

Kritika pati edhe për bashkinë e Kazmës, duke iu drejtuar në veçanti kryebashkiakut Rakip Suli, të cilit i tha se bën shumë punë të mira, por Shijakun nuk e arrin dot sa i takon kësaj pike. Të paktën luftoni për vendin e dytë, u tha Rama kryebashkiakëve.

"Kemi bërë gjithë ato shkëmbime, kur bëmë takimin e Shkodrës. Tani kemi shtruar rrugën për aksesin e legalizimeve, në mënyrë që njerëzit të kenë bashkinë në krah dhe procesi të behet shumë më i lehtë, shumë më pak i penguar nga ngarkesa e Kadastrës. Ca presim ne që ta përshpejtojmë këtë proces. S’dua të bej pasqyrë shifrash se dhe këtu është e njëjta gjë. S’dua të përmend emra. Një nga kryetarët më të zëshëm të bashkive që thoshte duhet ta marrë bashkia pjesën e përgjegjësisë, ka një nga nivelet më të ulëta ta rezultatit. Ndërkohë, bashkia më e suksesshme pa diskutim me tërmetin, Shijaku, është model për procesin e legalizimit. S’po them ta arrini Shijakun, se nuk e  arrini, Rakip ti bën shumë gjëra po Shijakun nuk e arrin dot. Nuk e di ca ndodh në Shijak që ka një shpejtësi dhe paraqitje të të gjithë procesit dhe dokumentit të kujtdo personit, unë besoj është kontakti i drejtpërdrejtë me çdo lloj banori në çdo cep të Shijakut. Për t’iu afruar deri në pikën që të luftoni për vendin e dytë, mund ta bënë këtë gjë. S’ka justifikim, te legalizimit duhet shumë fokus", tha Rama. 

Kryeministri Edi Rama, në takimin me kryebashkiakët u ndal edhe tek situata e zjarreve. Rama tha se ka pasur dobësi nga ana e bashkive sa i përket menaxhimit të këtyre emergjencave. Rama u ndal në dy shembuj konkret, tek Perfektura e Korçës për të cilën thotë se nga 1491 forca aktive që ka të deklaruara, në raste zjarri ka aktivizuar vetëm 342 forca dhe më pas ka kërkuar ndihmën e Forcave të Armatosura dhe sërish rezultati sipas Ramës nuk ka qenë në një nivel me Shkodrën, të cilën e vlerësoi.

Rama tha se ka kërkuar ministrit të Brendshëm të ndërtohet një plan pune për të konverguar të gjithë energjitë e nevojshme mes emergjencave kombëtare dhe emergjencave lokale

“Te zjarret ka pasur shfaqje dobësish që janë për t’u parë me sy kritik. E para të gjitha prefekturat bëjnë një deklarim forcash në dispozicion, ajo që ndodh po marr dy prefektura, psh marr Korçën dhe Shkodrën. Korça ka deklaruar 1491 forca dhe ka aktivizuar 342 forca dhe ka kërkuar mbështetje nga FA pa arritur të aktivizojë gati 70% të forcave që ka deklaruar aktive. Perfektura e Shkodrës që ka pasur disa emergjenca të rrezikshme, është prefektura me angazhimin më të lartë të kapaciteteve vendore dhe ka përdorur më shumë kapacitet se ato të deklaruara dhe mbështetjen nga FA e ka kërkuar vetëm në pak raste specifike. Ajo që është shumë domethënëse është që rezultati në prefekturën e Korçës ku FA janë kërkuar në mënyrë të vazhdueshme, rezultatet kanë qenë më të dobëta se në Shkodër.

Nuk është shkencë, kërkon strukturim, koordinim dhe trajnim të vazhdueshëm. Nuk mundemi ne të mbajmë Shqipërinë pa zjarre, por duhet të luftojmë për çdo metër katror tokë që mund të shpëtohet. Por çfarë është e shpëtueshme dhe nuk shpëton për shkak të dobësisë së punës, është dështim që ne s’kemi si ta justifikojmë. I kam kërkuar ministrit të ndërtohet një plan pune për të konverguar të gjithë energjitë e nevojshme mes emergjencave kombëtare dhe emergjencave lokale dhe për të filluar me një kalendar te trajnimeve dhe për të ndërtuar një sistem komunikimi efikas që të gjithë të dinë kush bën çfarë dhe jo alarm ngri telefonin thirr njërin", tha Rama. 

Kryeministri Edi Rama u shpreh kritik ndaj bashkie sa I takon qasjes së shërbimeve sociale.

Ne kemi bërë ndryshim rrënjësor në qasjen ndaj shërbimeve sociale në bashki e kemi vendosur në dispozicion fonde nga qeveria, e ka bashki që nuk kanë marrë një kokërr leku e nuk kanë ngritur akoma shërbimet që mund të kishin ngritur me paratë që janë në dispozicion, se nuk kanë bërë një projekt e nuk kanë çarë kokën, kjo është skandaloze. 33 mijë persona sot shërbehen falë këtij transformimi e këtij projekti e shuma që përmendi ministri I Mbrojtjes 1 miliardë e kusur lekë të reja, sshuma që përmendi ministrja e Mirëqënies janë para që janë në dispozicion si rezultat i rritjes së mundësive tona për të mbështetur procesin e ndryshimit por është e paimagjinueshme të mos absorbohen kur nevojat në bashkitë tuaja janë shumë më të mëdha se ato që ne mund të mbulojmë me këto shuma.

Me çfarë merreni ju? Se nuk e kujtoj?! Nuk arrij dot ta kuptoj. Po shikoja disa të dhëna dhe është e pakuptueshme disbursimi I fondeve të fondit social ku fondi social qëndror ka një kontribut të rëndësishëm në dispozicion të cdo bashkie është qesharak në disa bashki që teorikisht nuk mund të jenë prapa të tjerëve se kanë situata shumë më të agravuara sesa disa bashki në zonën qëndrore. Pse? Për gratë me fëmijë të vetmuar, fëmijët autikë të kemi fondet e të mos I vëmë në dispozicion, po pse? Ndërkohë kemi bashki si Kamza që realizon 100% buxhetin. Nëse unë tani do të bëj gabimin që t'i lë fjalën Rakipit ai do të thotë dua më shumë. Se mund të shpenzojë, më shumë. Kamza një bashki që ishte modeli i anti shërbimit social që sot merr fondin e vë në dispozicion të komunitetit 100%. E njëjta gjë bashkia e Vorës. 

Kryeministri Edi Rama në një takim me kryebashkikat u ndal edhe tek përmbytja në Vlorë, duke kërkuar nga të gjitha bashkitë se duhet të ketë një organizim më të mirë të strukturave, si edhe trajnim të tyre. Rama tha se sado ekselente të ishte infrastruktura s’do e përballonte goditjen e parë, por strukturat duhet të gati për të dalë në terren në momentin e parë të reagimit.

"Është fakt që të gjithë vendet duhet të përballen në periudhën e verës me zjarre, në vjeshtë dimër me përmbytje. Natyra e këtyre fenomeneve ka ndryshuar dhe ndryshon çdo vit. E kemi parë se çfarë ndodhi në Austri dhe pamë se çfarë ndodhi në ditët kur këtu u përmbyt Vlora, në Bosnje ku humbën jetën shumë njerëz dhe ku dëmet dhe sipërfaqja e plagës së hapur atje janë marramendëse. Ka një shpjegim të thjeshtë përtej analizave popullore dhe tendencioze që i bëhen përmbytjeve, që ka ndryshuar formacioni i reshjeve. Para ca kohësh u bë spektakolare përmbytja në Dubai, ku në harkun e 18 orëve ra një sasi shiu e barabartë me 4 juaj rresht shi në Londër. Nuk ka infrastrukturë sado ekselente të përballojë goditjen e parë. Ajo që ne s’mund ta neglizhojmë është dobësia që shfaqet në reagimin tonë në nivelin vendor qoftë për zjarret qoftë për përmbytjet. Duke e marrë te përmbytjet, e domosdoshme të ketë një fokus të veçantë te organizmi i strukturës, trajnimi, aftësimi dhe stërvitja e të gjithë strukturës që duhet të jetë gati për të dalë në terren në momentin e parë të reagimit. Kur është faza e goditjes s’ka ca bën askush, por e gjithë struktura duhet të vihet në funksion", tha Rama.