Rama i përgjigjet emigrantit nga Italia për motrat e nënat shqiptare që punojnë në fasoneri në kohë koronavirusi

Duke dhënë përgjigje një emigranti shqiptar në Itali që ndërhyri në intervistën me kryeministrin Edi Rama përmes rrjeteve sociale, kreu i qeverisë tha se në vendin tonë nuk do të mbyllen bizneset fason, pasi as Italia sipas tij nuk e ka marrë këtë vendim.

Emigranti e drejtoi pyetjen duke thënë: Ju na thoni të qëndrojmë në shtëpi, por ndërkohë nënat e motrat tona në Shqipëri punojnë në këpucari e rrobaqepësi.

"Pyet kryeministrin e Italisë dhe do marrësh të njëjtën përgjigje. As Italia nuk e ka ndaluar aktivitetin prodhues, asnjë vend. Dhe nuk ka për ta ndaluar, sepse do të ishte njësoj sikur të merrnim në qafë të gjithë popullin pasi të kemi hequr qafe virusin", tha Rama për Report Tv.

Lajmi kryesor:

Shqipëria në karantinë/ Rama për ReportTv: Të enjten fatura e parë financiare për koronavirusin, mbështetje biznesit nga buxheti (VIDEO)

G.M./r.k./Shqiptarja.com

TAG:
• edi rama
• koronavirusi ne shqiperi