Rama mbledh shtabin elektoral: Synojmë 74 deputetë në zgjedhje! Shtyhet asambleja, nis riformatimi i FRESH

Kryeministri Edi Rama ka mbledhur ditën e sotme shtabin elektoral në selinë rozë ku ka dhënë porositë për të gjithë drejtuesit lidhur me zgjedhjet e ardhshme parlamentare të 2021. Ky takim erdhi pas disa ndryshimeve të bëra në disa qarqe në mbledhjen e grupit parlamentar në Elbasan, ku u ndryshuan kryetarët e qarqeve në Shkodër, Lezhë dhe Durrës.

Rama ka kërkuar nga anëtarët e shtabit dhe drejtuesit e grupeve të qarqeve që të sjellin një raport me të gjitha problemet dhe të punojnë fort pasi synimi në këto zgjedhje është të sigurojnë 74 mandate.

Gjithashtu në mbledhje u vendos që FRESSH dhe disa struktura të tjera do të riformatohen, ndërsa zhvillimi i Asamblesë u shty sërish deri në një kohë të pacaktuar.

Drejtues qarku në Shkodër u vendos Ilir Beqja, në Lezhë u vendos Lindita Nikolla. Ndërsa në Durrës u vendos vetë kryeministri Edi Rama.

Ndër qarqet problematike ka qenë Shkodra, e cila prej një viti ka qenë pa drejtues, pasi Vladrin Pjetri u hoq nga dekriminalizimi. Tashmë në këtë qark është vendosur Ilir Beqaj.

Sipas gazetares së "Report Tv", janë shtuar tensionet në radhët e ministrave, duke qenë se flitet shumë për ndryshime në qeveri, të cilat pritet të vendosen nga Asambleja.

Pas takimit, Rama u largua, ndërsa kreu i grupit parlamentar, Taulant Balla u prononcua për mediat ku tha se u diskutua në lidhje me organizimin e fushatës elektorale. Balla deklaroi se në takim u diskutua për çështje të karakterit organizativ.

Më tej, Balla shtoi se takimi me shtabin elektoral do të jetë i përjavshëm për të dhënë porosi të qarta për zgjedhjet

Rendit zhvillimet sipas orarit:
Ora 11:44
Balla zbulon detaje nga mbledhja e PS-së: I dorëzuam Ramës një raport për vlerësimet e qytetarëve, ja çfarë diskutuam

Kreu i grupit parlamentar në PS, Taulant Balla deklaroi pas takimit me drejtuesit politikë të qarqeve se në mbledhje u diskutua për çështje të karakterit organizativ.

Ai zbuloi se kryeministrit Rama i është dorëzuar një raport mbi vlerësimet e qytetarëve.

"Ky takim i përjavshëm do të vijojë deri më 25 prill. Ne kemi diskutuar sot mbi çështje të karakterit organizativ, padyshim edhe të një raportimi të një vlerësimi që kemi mbledhur nga qytetarët mbi cilësinë e shërbimeve publike.

I kemi dorëzuar kryeministrit një përmbledhje të vlerësimeve që burojnë nga qytetarët për cilësinë e shërbimeve publike, për përmirësimin e tyre. Kemi diskutuar dhe për krijimin e një kanali komunikimi virtual me anëtarësinë e partisë, për të vlerësuar performancën e çdo përfaqësuesi të PS. Ky kanal do të kontribuojë në përmirësimin e partisë.

Thirrja ime është që të gjithë të marrin pjesë në zgjedhje. Partitë kanë detyrë të marrin pjesë në zgjedhje, populli duhet të votojë dhe të zgjedhë drejtimin që duhet. Ky është diskutimi që do të jetë i përjavshëm në shtabin tonë elektoral”, tha Balla.

Përsa i përket kandidatëve me precedentë penalë, Balla tha se ndryshimet në ligjin e dekriminalizimit janë pasqyruar fillimisht në Partinë Socialiste.

"Që në Kongresin e shkurtit ne kemi bërë ndryshime statusore të rëndësishme, të cilat njehsojnë qasjen që Kuvendi i Shqipërisë ka bërë sa i përket ligjit të dekriminalizimit. Mendoj se PS ka qenë partia e parë që e ka bërë këtë”, deklaroi Balla.

Përsa i përket vendosjen e Lindita Nikollës në Lezhë në vend të Sandër Lleshaj, Balla tha se ky vendim nuk ka të bëjë me performancën e Lleshaj, pasi sipas tij ai e ka drejtuar Ministrinë e Brendshme në mënyrë të shkëlqyer.

 “PS në mënyrë të vazhdueshme ka përzgjedhur dhe bërë ndryshime në drejtimin politik të qarqeve. Nuk ka të bëjë aspak me performancën e Lleshajt si drejtues politik në Lezhë. Ai është ministër shumë i mirë, që ka shkëlqyer në krye të Ministrisë së Brendshme. Në Lezhë PS do të marrë në zgjedhjet e ardhshme 4 mandate”, tha Balla.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 10/09/2020 08:50

    Hapja e listave eshte veprimi me demokratik ne zgjedhje dhe Rama duhet te vendis ne lista socialist te ndershem dhe te afte profesionalisht ,ndrysge elektorati do hezitoj.Cfar emeroi ne qeveri keto dy mandate ( njerez pa kontrbut ) kaluan ,kete here duhet te vendos ne baze te opinionit te bazes dhe jo klane miqsh dhe shokesh.PS eshte force progresive kur lideret jane prigresist .Kete here nuk votohet per Ramen pir per PS

    Përgjigju
  • Eno: 09/09/2020 19:08

    Sa ka kushtuar lungomare e Vlores ke investuar ne gjith veriun o Edo.E meriton voten e gjith Veriut per investimet dhe punen e madhe qe ke ber ne 8 vite lungomare.Asnje deputet nuk do marresh ne Veri....74 deputetet do i maresh nga Tirana ne Sarande.Behu gati te dalesh ne pension si Berisha edhe ti.

    Përgjigju
  • Mut PS Mut PD Mut LSI: 09/09/2020 18:06

    E shkreta administratë cdo heqi tani, vuu në salla e vuu në sheshe me detyrim nga drejtori e drejtoresha, hahaha me robt e shpisë ka për tjua hedhur PS po nuk i dorëzuat emrat e pjesëtarëve të fisit që do votojn për PS

    Përgjigju
  • Vlonjati: 09/09/2020 14:44

    Ti do maresh ka... ke per ta par sa votus do kesh

    Përgjigju
  • Nandi: 09/09/2020 14:37

    shume mire qe riformatimi tfilloje nga fressh, jam antar i forumit dhe sinqerisht duhet ndrru kryesia duke fillu qe nga kryetari qe akoma deri me sot se ka kuptu cfare roli ka ai. Ka njerez shume me te afte sesa kalaveci beratit o kryetar.

    Përgjigju
  • Doganjer 1: 09/09/2020 13:58

    Ver dore ne dogane se ka plas vjedhje e madhe. Po behen emerime hajdutash dhe po shkaterrohet sistemi. Mjafton te shohesh emerimet e fundit dhe e kupton. Siç duket tani qe u dhane leket u bene edhe emerimet pasi 1 vit para askujt nuk i shkonte neper mend se Tirana , Durresi, Kakavija, Kapshtica u kapen.

    Përgjigju
  • Thjeshtesi: 09/09/2020 13:05

    Per sa kohe te jete PD ne kete gjendje dhe te drejtohet nga Lul Basha, zgjedhjet do i fitoje Edi Rama, edhe sikur te jene pas 20 vitesh. Duhet te largohen urgjentisht Basha dhe Monika, atehere mund te shikojme ndonje gje nga opozita. Me hajdutin gjumash dhe injoranten mendjemadhe mos u lodhni kot se dihet rezultati.

    Përgjigju
  • Ben Tironci: 09/09/2020 12:58

    Edo je gjigand. Rrofte qytetaria poshte malokeria

    Përgjigju
  • ola: 09/09/2020 12:02

    74 m*ta do marresh o idiot ti dhe ai idioti i pd-se !!!

    Përgjigju
    • YYY: 09/09/2020 16:39

      Ky jo, ai tjetri jo, po kush do i marre atehere?!

  • Arben: 09/09/2020 11:50

    Edhe 84 deputete do fitoje PS! Vetem te kemi parasysh qe listen e Tiranes ta kryesoje Yuri Kim, kurse listen e Kukesit Rudina Hajdari! Rrofte PS, rrofte Shqiperia! Armiqte do humbin edhe kesaj here!

    Përgjigju
  • Gomari pa bisht: 09/09/2020 11:44

    Nuk mund te fitohet me z.rama me l.nikollen,a.ahmetajn,i.beqajn,spiropalin etj,prandaj nderro ekipin sa nuk eshte vone.

    Përgjigju
  • Fukarai: 09/09/2020 11:30

    MOS SE NA MORET NE QAFE NA LATE FUKARENJ PER JETE

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK