DURRËS-Mbrëmjen e sotme kryeministri Rama ishte në Ishëm ku vizitoi banorët e prekur nga tërmeti, që janë vendosur në çadrat dimërore me sobë, 'ku historitë brenda tyre janë të mëdha se vetë Shqipëria' thotë ai. 'Ne u jemi dhe do t’u jemi pranë megjithë zemër e me të gjitha mundësitë tona' vijon më tej kreu i qeverisë. Zv/ ministrja e Brendshme, drejtuese e shtabit për qarkun e Durrësit, Rovena Voda u shpreh se 'Në Ishëm janë 2500 familje, 9000 banorë, kjo ka qenë një ndër zonat më të prekura nga tërmeti, e gjitha zona thuajse është verifikuar, kemi shpërndarë gati 350 çadra, ka mbetur edhe 40, por do i plotësojmë'. Prefekti theksoi se janë dëmtuar, spitali, shkolla e mesme, ndërsa Ishmi dhe Bubqi janë zonat më të prekura. Reshjet e dendura në fundjavë i gjetën në çadra dhjetëra familje të prekura nga tërmeti. Ato refuzojnë të largohen nga çadrat për t'u strehuar në hotele, pasi nuk pranojnë të lënë pas bagëtitë, të cilat i konsiderojnë të vetmin burim të ardhurash.
Biseda e kryeministrit Edi Rama në njërën nga çadrat me familjet e prekura nga tërmeti
Edi Rama: Mendoj që shtëpitë në fshat do i bëjmë relativisht shpejt. Unë besoj që për të qenë brenda vitit të ardhshëm nuk do të ketë asnjë jashtë shtëpisë, dhe do i bëjmë më të mira sesa i keni.
Banori: Faleminderit, rrofsh sa malet
Edi Rama: Do ta bëjmë. Malet leri se gjysmë kodre nuk po e mbaj dot. E keqja është si ta marrësh, se vërteta na zuri, por po të mos kishim pasur hotelet do të kishim ngelur... Në fshat me çadra, por dimëroret janë ok.
Banori: Mua më ka dëmtuar i pari. Ai më dha krisjen. Kur u ngrita nga gjumi Allah Allah, dola sikur isha duke fjetur gjumë. Ishim pesë vetë në një dhomë, por shyqyr dolëm pa viktima...
Edi Rama: Me ndihmat në rregull?
Banori: Na kanë sjellë sa kanë pasur mundësi
Edi Rama: Nuk dua të flas shumë, por do ta bëjmë shpejt, nga marsi prilli do të fillojë puna....janë shumë
Banori:Të ecë mbarë
Edi Rama: Të ecë mbarë, që ta bëjë mbarë edhe për ju. E rëndësishme është që keni dalë shëndoshë e mirë. Por shtëpinë e re do ta kesh, që nuk do të krahasohet me këtë. E mira nuk ka fund, por më të gjatë se unë nuk keni...Viti i Ri tjetër nuk do u gjejë këtu...
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
