Rama përplaset me opozitën në Kuvend: Francesco Becchetti ka marrë zero lekë nga shteti shqiptar, po hetohet nga SPAK! Paratë e ngrira do të kthehen në arkën e shtetit (VIDEO)

Akuzat e opozitës për arbitrazhin me biznesmenin italian Francesco Becchetti sollën përplasje në Kuvend mes deputetëve të PD-së dhe kryeministrit Edi Rama pas mesnate. Deputetët e PD-së akuzuan qeverinë se paratë e arbitrazhit janë paguar, ndërsa Bledi Himçi deklaroi se kryeministri ka thënë se nuk i njeh vendimet e arbitrazhit.

“Nuk është rasti i parë që po shkelet një vendim i Gjykatës Kushtetuese. Qëndrimi i kryeministrit ka qenë edhe për vendime të gjykatës së arbitrazhit, që ka thënë: ‘Nuk i njoh’”, tha Bledi Himçi.

Kjo deklaratë solli reagimin e kreut të qeverisë, i cili sqaroi se nuk ka deklaruar se nuk e njeh vendimin e arbitrazhit, por se Becchetti nuk ka marrë dhe nuk do të marrë para nga shteti shqiptar.

“Unë nuk kam thënë që nuk e njoh vendimin e arbitrazhit. Kam thënë që subjekti që e fitoi atë çështje do të marrë zero lekë nga shteti shqiptar. Deri në momentin që ne po flasim, ai ka marrë zero lekë nga shteti shqiptar”, tha Rama.

Rama deklaroi se paratë e ngrira të Albcontrol-it do të kthehen në arkën e shtetit. Sipas tij, për çështjen po zhvillohen procese ligjore jashtë dhe brenda Shqipërisë, ndërsa SPAK ka nisur hetim. Kryeministri tha gjithashtu se Becchetti, së bashku me një ose dy arbitra, do të përballen me drejtësinë.

“Subjekti në fjalë, së bashku me një apo dy nga arbitrat përkatës, do të përballen me drejtësinë, i dashur. Dhe të jesh i sigurt se, më herët sesa vonë, të gjitha ato lekë që janë mbajtur padrejtësisht të ngrira, duke ia marrë Albcontrol-it, do të kthehen në arkën e shtetit shqiptar.

Zero lekë do të marrë nga shteti shqiptar dhe, natyrisht, jo me forcë, por nëpërmjet rrugës ligjore. Ne kemi ndjekur rrugën ligjore. Jemi në disa procese me subjektin në fjalë. Për subjektin në fjalë ka jo vetëm procese administrative, civile, por edhe proces penal jashtë Republikës së Shqipërisë dhe në Republikën e Shqipërisë. SPAK ka hapur procesin”, tha Rama.

“Ju thatë që unë paskam thënë që nuk e njoh vendimin e arbitrazhit. Unë nuk kam thënë që nuk e njoh vendimin e arbitrazhit. Kam thënë që subjekti që e fitoi atë çështje do të marrë zero lekë nga shteti shqiptar. Dhe, pavarësisht se partia juaj u angazhua fuqimisht që t’u thoshte shqiptarëve se ai ndërkohë mori 100 milionë euro, unë dua t’ju informoj se jo vetëm që, deri në momentin që ne po flasim, ai ka marrë zero lekë nga shteti shqiptar, por ndërkohë, si shumë të tjerë që kapen pas Shqipërisë padrejtësisht, pastaj, për një arsye apo për një tjetër, nuk u shkon mbarë jeta.

Ai sot, që flasim, subjekti në fjalë, së bashku me një apo dy nga arbitrat përkatës, do të përballen me drejtësinë, i dashur. Dhe të jesh i sigurt se, më herët sesa vonë, të gjitha ato lekë që janë mbajtur padrejtësisht të ngrira, duke ia marrë Albcontrol-it, do të kthehen në arkën e shtetit shqiptar.

Kështu që unë nuk kam thënë që nuk e njoh vendimin e arbitrazhit. Unë kam thënë që koha kur lloj-lloj kriminelësh dhe lloj-lloj mund t’ia merrnin Shqipërisë çfarë të donin, ka ikur. Dhe ai do të marrë zero lekë nga shteti shqiptar. Këtë kam thënë unë.

Zero lekë do të marrë nga shteti shqiptar dhe, natyrisht, jo me forcë, por nëpërmjet rrugës ligjore. Ne kemi ndjekur rrugën ligjore. Jemi në disa procese me subjektin në fjalë. Për subjektin në fjalë ka jo vetëm procese administrative, civile, por edhe proces penal jashtë Republikës së Shqipërisë dhe në Republikën e Shqipërisë. SPAK ka hapur procesin.

Kështu që, për fatkeqësinë tuaj, që e keni shpërndarë atë lajm shumë intensivisht dhe e riktheni sa herë që afrohet një palë zgjedhje, ai do të marrë zero lekë nga shteti shqiptar dhe të gjitha lekët e mbledhura dhe të mbajtura të ngrira do të kthehen në Shqipëri, më herët sesa vonë.”

Lajmi ne perditesim...

Rendit zhvillimet sipas orarit:

Të Fundit Të Parat