Kryeministri Edi Rama po përpiqet të provojë një akt të vështirë balancues: ai dëshiron të integrojë Ballkanin Perëndimor dhe të garantojë Kosovën si shtet të pavarur, por në të njëjtën kohë të shërojë dhimbjet fantazmë të Serbisë, kështu shkruan gazeta e njohur gjermane “Der Spiegel”.
Shkrimi i plotë i “Der Spiegel”
“Putini thotë: Kosovë, Kosovë, Kosovë. Rusia po nxit konfliktin në Ballkan dhe po rrezikon paqen e brishtë”. Kryeministri Edi Rama shpjegon se çfarë ndihmon kundër mosbesimit dhe urrejtjes dhe çfarë lidhje ka Angela Merkel me të”.
Kryeministri pret të ftuarit zbathur. Edi Rama është një burrë shtatlartë me një vetull të gërvishtur dhe me sy të thellë. Veshur me pantallona të shkurtra e të zeza, një bluzë të bardhë Adidas dhe pa këpucë, Rama ulet me gruan e tij, Lindën në kopshtin e një shtëpie në plazh.
Vila e viteve 1960 ndodhet pranë fshatit bregdetar të Dhërmiut, e rrethuar nga pisha. Dikur shteti e ndërtoi për diktatorin shqiptar Enver Hoxha. Oficerët e policisë qëndrojnë roje te dera. Njeriu më i fuqishëm në Shqipëri është me pushime.
“Nuk më shqetësoni”, u thotë Linda Rama gazetarëve të “SPIEGEL”, e cila ka veshur një këmishë të bardhë pambuku dhe një kapele me majë mbi flokët e saj kaçurrela të zeza. Në pozicionin që është bashkëshorti i saj, nuk ka pushime të vërteta. Njëmbëdhjetë vjet më parë, shqiptarët zgjodhën për herë të parë kryeministër Edi Ramën me një shumicë të madhe votash.
Si kryetar i bashkisë së Tiranës, rrugët ishin të lyera me ngjyra të ndezura ndërsa i shpalli luftë gjyqësorit të korruptuar. Sot kritikët akuzojnë Ramën se mban kontakte me të inkriminuar, gjë që ai e ka mohuar.
Dhe korrupsioni nuk është aspak problemi i vetëm i Shqipërisë. Lufta në Ukrainë, vetëm rreth një mijë kilometra larg, po rihap plagët e vjetra në rajon. Fuqitë e mëdha po tërheqin sërish Ballkanin Perëndimor tashmë të brishtë. Muajt e fundit janë intensifikuar sërish tensionet mes Serbisë dhe Kosovës e cila është e lidhur ngushtë me Shqipërinë. Në rrezik nuk është asgjë tjetër përveç paqes në Ballkan.
Ashtu si Ukraina, Serbia kërcënon të bëhet mollë sherri mes Rusisë dhe Perëndimit: vendi po përpiqet të bashkohet me BE-në, por nuk mund të shkëputet nga Rusia aleate. Ndërsa Putini po mbyll furnizimet me gaz në Evropë, Rusia po e furnizon Beogradin me energji dhe me armë. Çmimi për këtë është besnikëria, një kërkesë që e copëton Serbinë.
“Askush nuk do të shkatërrojë marrëdhëniet tona me Serbinë”, tha ministri i Jashtëm rus, Sergej Lavrov kohët e fundit kur vizita e tij e planifikuar në Beograd u anulua në një njoftim të shkurtër për shkak të një urdhër ndalim për të udhëtuar. U duk si një kërcënim. Rusia nuk e fsheh dot dëshirën e saj për të frenuar ndikimin e SHBA-së në Ballkanin Perëndimor.
Deti ngjyrë turkeze shkëlqen pas Ramës dhe skeletet e betonit të hoteleve luksoze gjysmë të përfunduara ngrihen nga kodrat e gjirit të Dhërmiut. Këtu do të hapen së shpejti disa hotele me pesë yje. Është e vështirë të imagjinohet se dy dekada më parë Shqipëria ishte ende në prag të luftës civile, kur vendi po luftonte me bandat, milicitë dhe grupet lokale vigjilente pas rënies së sistemit komunist. Sot shteti i ri mbështetet në industrinë e turizmit.
Shqipëria është më e vogël se Brandenburgu dhe me vetëm 2.8 milionë banorë. Këtu jetojnë më pak banorë sesa në Berlin. Megjithatë, vendi në Ballkanin Perëndimor është i rëndësishëm për mbrojtjen strategjike, edhe kundër manovrave të mundshme përçarëse nga Moska. Anëtare e NATO-s që nga viti 2009, duke u përpjekur për t’u anëtarësuar në BE, Tirana vepron si një lloj kundërpeshe ndaj Serbisë.
Pak para sulmit rus ndaj Ukrainës, NATO sapo kishte filluar të shndërronte një aeroport të vjetër në jug të Shqipërisë në një bazë të forcave ajrore. Qeveria e Ramës i ofroi gjithashtu aleancës transatlantike për të ndërtuar në të ardhmen një bazë detare të NATO-s pranë qytetit port të Durrësit. Nëse do të kishte konflikte mes serbëve dhe shqiptarëve në të ardhmen, për shembull në veri të Kosovës, Tirana ndoshta do të luante një rol qendror.
Rama shpjegon se banorët në rajon ndahen në ata që kundërshtojnë Putinin dhe ata që e mbështesin atë. Dhe ai beson: “Rusia do të ishte e kënaqur nëse diçka do të lëvizte në drejtim të konfliktit në Ballkan”.
“80% e serbëve ortodoksë mendojnë pozitivisht se Putini thjesht po i tregon Perëndimit topat në Ukrainë… nëse mund ta themi kështu”, thotë kryeministri Rama. Tensionet e reja në Ballkan po ecin thuajse përgjatë linjave të vjetra të ndikimit sovjetik dhe perëndimor.
Në Shqipëri, nga ana tjetër, miratimi për veprimet e Putinit ishte vetëm 0.7%. Qeveria e tij i zbuloi numrat me anë të një sondazhi. Rama beson se simpatitë për Moskën janë “të forta” në Serbi, madje “shumë të forta” në Republikën Srpska, ku jetojnë shumica e serbëve të Bosnje-Hercegovinës.
Në Mal të Zi, nga ana tjetër, ka një përçarje të thellë mes popullatës malazeze dhe serbe: “Duhet të jemi të vetëdijshëm se ky ndikim mund të kthehet në diçka të tmerrshme”.
Edhe 23 vjet pasi trupat e NATO-s ndërhynë në Kosovë, rajoni ende kontrollohet nga aleanca ushtarake perëndimore. Në vitin 2008, Kosova më në fund shpalli pavarësinë e saj.
Mosmarrëveshja me Serbinë nuk është zgjidhur asnjëherë politikisht. Humbja e krahinës e populluar kryesisht me shqiptarë, prek edhe sot Beogradin. Për shumë serbë, pra, paqja ka mbetur e zbatuar edhe sot e kësaj dite.
Për të ndaluar vrasjen e mijëra shqiptarëve dhe shpërnguljen e qindra mijëra njerëzve në vitin 1999, aleanca e NATO-s theu rregullat e veta.
Sulmi ndaj Serbisë, bombardimi i Beogradit, nuk u mbulua nga asnjë mandat i OKB-së. Politikanët në Uashington dhe Berlin e justifikuan masën si një “përpjekje humanitare”.
Gati njëqind vende e kanë njohur tani Kosovën. Megjithatë, Rusia, Kina dhe disa vende të BE-së, përfshirë Spanjën dhe Greqinë, nuk e kanë njohur atë.
Mund të thuhet gjithashtu se misioni i NATO-s në Kosovë, shërben si një lloj justifikimi për politikën agresive të aneksimit të Putinit në Krime, Donetsk, Luhansk, Abkhazi dhe Gjeorgji. Ndoshta ishte fillimi i krizës së sotme. A mund të përsëritet katastrofa e luftërave jugosllave?
Rama i përgjigjet me një kundërpyetje: “A keni dëgjuar sa herë Putini përmend Kosovën në fjalimet e tij?”, pyet politikani shqiptar.
“Përsërit vazhdimisht: “Kosovë, Kosovë, Kosovë”. Shefi i Kremlinit nxit “problemet më të dhimbshme nga të gjitha të pazgjidhurat” në Ballkan dhe bën gjithçka për të krijuar një fitil të ri.
Rama e sheh vendin e tij të ankoruar fort në Perëndim. Si pak politikanë në rajon, ai ka kapur botën e interesave të ndryshme dhe kultivon ato ndërkombëtare. Kontaktet, nga Riadi në Stamboll, Paris dhe Uashington.
”Kur Hillary Clinton telefonoi një vit më parë dhe kërkoi të merrja disa mijëra refugjatë afganë pa dokumente, përgjigjja ishte menjëherë po”, theksoi Rama.
Për shkak të mbështetjes në luftën e Kosovës në vitin 1999, Rama nuk do ta refuzonte kurrë një dëshirë të Clinton.
Në fund të shekullit, profesor në akademinë e artit të Tiranës dhe djali i një skulptori të njohur, i lidhur me lëvizjen për demokraci nuk kishte shumë si ai në atë kohë: atlet i mirë, artist i lirë, folës frymëzues.
Por në luftën e Ramës për njohjen e një Kosove të vetëvendosur, tonet nacionaliste shqiptare ndonjëherë ngatërrohen.
Kur Rama udhëheq mbledhje të përbashkët të Prishtinës dhe Tiranës, kjo i shkakton Beogradit atë që i frikësohet, krijimit të “Shqipërisë së Madhe”.
Rama u rrit në një vend të izoluar. Për dekada Shqipëria u konsiderua si Koreja e Veriut në Europë.
Bazuar në këtë përvojë, 58-vjeçari po provon një ekuilibër të vështirë: ai dëshiron të integrojë Ballkanin Perëndimor dhe të garantojë Kosovën si shtet të pavarur, por në të njëjtën kohë të shërojë dhimbjet fantazmë të Serbisë.
“Vendimi për pavarësinë e Kosovës ishte i duhuri!”, thotë Rama duke shtrirë duart në ajrin e ngrohtë të verës.
“Në fund të fundit, tani ka edhe një “proces paqeje dhe pajtimi” edhe nëse do të vazhdojë për një kohë të gjatë”.
Pas zgjedhjes së tij në 2013, Rama udhëtoi për në Beograd, vizita e parë e një kreu të qeverisë së Tiranës në 68 vjet. Kur Rama i kërkoi qeverisë serbe që të njihte Kosovën, homologu i tij serb Vuçiç e mori mënjanë dhe tha se ”stafi i tij po e kërkonte që të dëbonte mikpritësin e guximshëm”.
Sipas Ramës, ai i është përgjigjur Vuçiç se këta ishin thjesht zyrtarë të tij, por ai ishte më i zgjuar dhe për rrjedhojë, kreu i qeverisë”.
“Megjithatë, kohët e fundit ka pasur edhe zhvillime inkurajuese në Ballkan. Kështu që unë dua që Serbia, Shqipëria dhe Mali i Zi të krijojnë një lloj mini-zone Shengen për të bërë shkëmbime më të mira”.
Projekti “Ballkani i Hapur” e bashkon atë me “armikun e tij më të dashur Aleksandar Vuçiç”. Premtimi për lirinë e lëvizjes ndërmjet vendeve është një ndjesi e vogël.
Në përfundim të vizitës, Rama thotë se në fakt e gjitha ka qenë ideja e Angela Merkelit. Përmes saj, ai dhe Vuçiç gjetën një marrëdhënie të qëndrueshme pune, “pavarësisht historisë së dhimbshme”.
Në vitin 2014, Kancelarja ftoi gjashtë krerët e qeverive të Ballkanit Perëndimor në Gjermani, të cilën e quajti “Procesi i Berlinit”. Merkel tha se ‘ishim evropianë, edhe pse jo ende anëtarë të Bashkimit Evropian”.
“Për herë të parë në historinë e Ballkanit, politikanë të lartë u ulën së bashku në një tryezë një herë në vit, gjithmonë në qytete të ndryshme evropiane, në Londër, Paris, Trieste, Vjenë. Deri sa u largua nga politika, Merkel ishte personalisht çdo herë e pranishme. Kjo ka ndryshuar gjithçka”, thotë kryeministri shqiptar, Edi Rama.
Në këto bisedime, gjashtë liderët e vendeve të Ballkanit ranë dakord të mos pajtohen. Por të gjithë kishin një vullnet të përbashkët, thotë Edi Rama: “ Të përmbysnin fatin e historisë”./ATA
Komente
Lajme të tjera
-
Rama me skiatoren Colturi: Disiplinë e re për ne, flamuri kuqezi të ka sjellë fat! Lara: Kënaqësi që përfaqësoj Shqipërinë
21 Dhjetor, 09:24 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11 -
Rama zbulon dhuratën që mori nga luftëtari i UÇK-së, Rexhep Selimi: Jam i prekur! Po mbaheni peng në Hagë në mënyrë të pajustifikuar
20 Dhjetor, 14:01 -
Rama e Kurti shkëmbejnë mesazh me letër në Kuvendin e Prishtinës, 6 minuta takim kokë më kokë! Report Tv zbulon çfarë ndodhi pas kamerave
20 Dhjetor, 13:47 -
Rama: Pa Thaçin, UÇK, Rugovën e Qosen, e sotmja nuk do të ishte e njëjtë për Kosovën (FJALIMI I PLOTE)
20 Dhjetor, 13:37
-
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Thaçi në burg, Rama-Kosovës: S’bëtë asgjë për padrejtësinë në Hagë! Kërkoni verifikim për standardet e gjykimit, gati ta miratojmë edhe ne rezolutën
20 Dhjetor, 12:26 -
Do zhvillojë turizmin në Shkodër, drejt përfundimit rruga e re Shëngjin-Velipojë (VIDEO)
20 Dhjetor, 08:23 -
Shqipëri-Kosovë një Kuvend, Rama: Pezmatimi i aleatëve po pengon! 'Ngrini' dialogun me Serbinë, normalizimin synojeni me BE! Osmani: Të unifikojmë politikën e jashtme
20 Dhjetor, 07:28 -
Kasanof takohet me Ramën, shqyrtohet përparimi i Shqipërisë drejt BE-së, transparenca dhe reforma në drejtësi
19 Dhjetor, 17:07 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05
Te gjithe ne vendet e ballkanit duhet te jemi krahe njera tjetres dhe te mendojme per zhvillimin e vendit
PërgjigjuNormal qe Putini kerkon percarje mes vendeve te ballkanit por ne do te jemi me te bashkuar se kurre
PërgjigjuHallall tqoft se e kan shkel me vite kosoven b****
PërgjigjuVellai vellain kurre nuk e harron bravo te qofte rama
Përgjigjuju lumte qe po mbani marredheniet kaq mire se keshtu sdo i plotesohet kurr deshira atij putinit
Përgjigjuka folur shume sakte rama se putini vetem konflikte do po nuk i eshte dhene ky shanc
PërgjigjuJe kryeministri më i suksesshëm në botë. Zoti Rama vazhdo keshtu duke bërë të mira pa fund për popullin serb. Avni Rustemat i bere te kerkojne azil, bredhin nëpër botë. Jeto i qetë o bos
PërgjigjuRama do e mbronte kosoven keshtuqe nuk do te ndodh kjo gje
PërgjigjuShpresojm qe keto konflikte mos te jhapen me kurre
Përgjigjuedhe po te doj putini kjo gje sesht e mundur sa koh qe rama esht ne pushtet
Përgjigjusidomos me open ballkan tani jam i bindur qe konfliktet nuk kan me vend ne mesin ton, mos te gezohet kot putini
PërgjigjuOre tgjith e dim mir ca kerkon putin po ska per te marr gjo mduket
PërgjigjuArsyeja pse putin e kontrollon serbine esht vetem qe te ket ndikim edhe ne ballkan por ket sdo e lejojme
PërgjigjuBravo ju qofte qe ekspozoni keshtu rastesh flagrante ku cenohemi si shtet
PërgjigjuNe kemi per detyre qe mos ta kenaqim ate pushtin dhe te ruajme mardheniet e mira
PërgjigjuAman se putini ska pun tjtj vec me pa keq do, por ne punojm dhe urojme qe e kosova nje sit te marre at cka merito. Ju kryeminister bravi ju qoft qe gjithmon jeni ne krah kosoves
PërgjigjuPerfaqesim teper dinjitoz dhe me pelqen fakti qe asnjeher tema e kosoves nuk mbetet pas nga ju z.rama
Përgjigjumir e paska then kryeminstri jone ai putini mendjen per te ber sherre e ka ta trazoje boten
Përgjigjuputini me sherre eshte mesuar
Përgjigjupo nuk kan per te lindur konflikte sidomos me ju ne krye qe na dilni te gjitheve per zot dhe jeni ura me e mire per komunikimin e bashkpunimin mes vendeve tona
Përgjigjumenyra me e mire per mos tia dhen ate kenaqesi putinit eshte te qendrojm te bashkuar e te bashkpunojm per tu zhvilluar me teper
PërgjigjuBashkpunimi eshte gjeja kryesore qe duhet te kemi ne kete kohe qe nododhemi
PërgjigjuVendet armike kete duan te na shohin vetem e te dobet por fal qeveris rama vendi ka fituar miqe me shume se kurr
Përgjigjuputin duhet ti therrasi trurit se nuk eshte mire por duke qen gjithmone te bashkuar do ta mposhtim dhe kete penges qe na ka dale perpara
Përgjigjuketo jane xheste shum patriotike qe rama ben ndaj kosoves po me duket se kosova keshtu sic ja ka nisur nuk eshte mire
PërgjigjuTamam kryeminister i gjith shqiptareve. Gjithmone duke mbrojt shqiptaret kudo qe jane
PërgjigjuPo sesht budalla Putini. E di se ku me godit qe te nxisi konflikte se e pa qe ju kthyn kunder te gjith. Po ishalla sle mendja njeri qe ti vej veshin
PërgjigjuPutin po tregohet njeri shume i keq por Rama si gjithmon do e mbroje Kosoven
PërgjigjuSa mir qe Rama e mbeshtet dhe i del ne mbrojtje gjithmon kosoves
PërgjigjuKryeministri yne ka qene dhe do te jete gjithmone ne mbrojtje te kosoves prandaj ai insiston qe ajo te behet pjese e open ballkan
PërgjigjuNe kete menyre edi rama deshiron qe te ruaje nje paqe mes dy vendeve sepse e dijme shume mire qe putini deshiron te zgjeroje konfliktin dhe targeti i tij eshte zgjimi i konfliktit kosove serbi.
PërgjigjuRama i del dhe do i dali gjithmon ne mbrojtje kosoves putini sdo e ndaloj dot kte gje
PërgjigjuPutini sdo arrij kurr te na kthej kundra kosoves sado te mundohet
PërgjigjuJa pra qe open ballkan eshte super nisme pasi do rregulloje marredheniet e shteteve mes njera tjetres e do nxise bashkepunimin
PërgjigjuTa permendin sa te duan por Rama ja ka mbyllur gjithmone gojen kur vjen puna tek kosova
PërgjigjuAi ate pun kan nje person negativ qe vetem per asgje nuk esht nuk e di po duhet ti bejm ndonje vaksin atij
PërgjigjuAi ta permendi nga mgjesi deri ne dark neve do ecim perpara sepse kjo nisem esht dicka shum e mire per te gjitha shtetet
PërgjigjuNuk ia japim kete kenaqesi Putinit se vendet e ballkanit kane marredhenie te mire
PërgjigjuPutini eshte njeri shume negativ qe beri gjithe ate lufte ne ukraine
PërgjigjuPutini nuk arrin dot qe te na hedhe ne kunder Kosoves
Përgjigjushume e vertet putini ato do te ket sa me shume trazira neper bote
Përgjigjurusia do shpalli luft deri ne fund dhe ne mire bem qe u bashkuam dhe hapem open ballkan pasi ne jemi me te bashkuar dhe me fuqishem
Përgjigju