POP 5

Lajmet më të lexuara të 5 minutave të fundit

Kronikë

Rama për gjyqtaren Enkelejda Hoxhën: Një monstër, habiti gjithë dynjanë me vendimet për të liruar të dënuarit me burgim të përjetshëm

'Një monstër' e ka cilësuar kryeministri Edi Rama gjyqtaren e Krujës Enkelejda Hoxha, e cila u arrestua pak ditë më parë në sallën e gjyqit, ku pritej që të lironte një të burgosur të dënuar për vrasje

'Një monstër' e ka cilësuar kryeministri Edi Rama gjyqtaren e Krujës Enkelejda Hoxha, e cila u arrestua pak ditë më parë në sallën e gjyqit, ku pritej që të lironte një të burgosur të dënuar për vrasje.

Sipas kreut të qeverisë, gjyqtarja përdori në mënyrë spektakolare forcën e papërgjegjshmërisë dhe të abuzimit, ku habiti një dynja me vendimet për të liruar njerëz me burgime të përjetshme nga burgu.

Rama po ashtu e ka cilësuar si javë historike për drejtësinë javën që lam pas, për shkak të vendimit të gjykatës së Strasbugrut  e cila rrëzoi padinë e ish-gjyqtares së Kushtetueses Altina Xhoxhaj.

'Ka ndodhur diçka historike, që ka kaluar thuajse pa u vënë re. Arrestimi i gjykatëses në Krujë dhe i gjithë rrjetit të saj dhe vendimi i Gjykatës së Strasburgut për të refuzuar kërkesën e një subjekti të goditur nga Vettingu, duke e konsideruar goditjen nga Vettingu një goditje legjitime, përbëjnë një moment historik të kalimit në një fazë tjetër në drejtësinë shqiptare. Shumë njerëz unë nuk i keqkuptoj, se po çe puna për frustrim e pakënaqësi nga sistemi i drejtësisë unë jam i pari, pasi marrë shumë lajme të këqija nga ky sistem.

Njerëzit i marrin lajmet nga televizori, ndërsa unë më duhet të marrë shumë më tepër nga këto lajme të këqija. E mirëkuptoj çdokënd që thotë ‘na cave dërrasat me këtë histori’, këto janë broçkulla, por i mirëkuptoj. Ama fakti është që një gjykatëse, një mostër, që e përdori në mënyrë spektakolare forcën e papërgjegjshmërisë dhe të abuzimit disa kohë më parë dhe u bë atëherë u habit gjithë dynjaja me vendimet e saj për të liruar njerëz që ishin me burgime të përjetshme dhe për t’i nxjerrë në rrugë të lirë, është sot në burg, tani që flasim, bashkë me gjithë rrjetin e saj.

Ky përbën shembullin që si sistemi do të funksionojë. Duhet shumë durim, se ngritja e institucioneve të reja, krijimi i SPAK, vënia në funksion, fillimi i proceseve hetimore, mbledhja e provave, janë proces i vështirë, kërkojnë kohën e vet. Por a ma tregoni pak para 7 vitesh se kujt ja rrokte mendja se llumi në sistemin e drejtësisë do të hynte në proces pastrimi”,- tha Rama. 

Super operacioni i SPAK pak ditë më parë i vuri prangat gjyqtares Enkelejda Hoxha, e cila ishte në seancë gjyqësore për lirimin nga burgu të Saimir Petanin, i arrestuar për vrasje, i ekstraduar nga Itali për ekzekutimin e Romeo Beqirit, disa vite më parë. Hetimi i drejtuar nga prokurori Altin Dumani, ka nisur prej disa muajsh dhe ka prova, filmime e përgjime që inkriminon të arrestuarit. Emri i gjyqtares Enkelejda Hoxha  lidhet me lirimin e shumë të dënuarve me burg përjetë, mes tyre edhe Endrit Dokle, Genc Tafilit ai edhe Hekuran Billa, i vrarë pak muaj më parë në Tiranë.  

Në pranga u vunë 10 persona, mes tyre gjyqtarja Enkelejda Hoxha, Avokati Aldo Tabaku, Sekretarja Manuela Mallakuçi, Eksperti psikiatriko – ligjor Shkëlqim Korbi të cilët bashkëpunonin që nga falsifikimi i raporteve mjeko ligjore e deri tek shorti i caktimit të dosjes penale në mënyrë që ato t’i binin në dorë Enkelejda Hoxhës dhe më pas kundrejt shumës nga 6-12 mijë euro mundësonte lirimin e tyre nga burgu.

Sakaq në përgjimet e prokurorisë doli edhe emri i mjekut të QSUT-së Edvin Priftit , të cilit pas kontrollit në banesë SPAK i sekuestroi 250 mijë euro dhe 160 milionë lekë të vjetra cash.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 14/02/2021 01:07

    Z.Rama me diplomat ,ju lutem.Mos beni komente e cilesime,pasi nuk ju a lejon posti.

    Përgjigju
  • Vloreee: 13/02/2021 21:05

    Se di per quhet moster kjo zonja.... eshte mese normale qe nje njeri ka ber mbi 15 vjet bure ka letesime cfardo te ket bere.... po mua me duken mostra kta gjyqtar+prokuror qe su fusin juve mostave brenda qe keni 30 vjet po vrisni+prisni+vidhni te tjera e te tjera dhe beni dhe moral

    Përgjigju
  • Lleshi: 13/02/2021 18:17

    Me vjen keq qef ew KM Edvin Rama ew ka Silesian gjygjtaren moster, ai in die mire see nee sy te tij jane bere tee gjitha dhew i ka pranuar dhe sot kjo qenka moster , jo shoku Edvin ju jeni mosterr qe i keni ndare bashke cdo gje po te ishe ti ne rregullat te gjithe do ishin si ju shoku po i thone nje fjale qe peahku eshtew qelbur nga koka dhe koka jeni ju shoku KM. Pse nuk i kape nee perpara keta apo pere fushaten sew tee duhet dhew nje mandat i trete apo joe we ta rrjepesh mire popullin dhew Shqiperine fu.k of

    Përgjigju
  • Neri: 13/02/2021 17:01

    Monster e vertete je ti, Edi Rama. Qe nuk i ke lene gje Sali Berishes, madje je ku e ju me larg tij per monstruozitetin shteteror. Del e jep mend nje cope mesues vizatimi, nje i paafte, nje qe ska zene nje pune me dore ne jete, nje vegjetativ, qe qe nga shkollimi e te emigrimi, eshte mbajtur nga topet e prinderve. Njerezit si ti, Nano apo Met sigurisht dhe Berisha jane fytyrat me kriminale te njeriut te ri qe na la peshqesh Partia juaj e qelbur e Punes. U pafte zoti, se populli su beri dot gje.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sondazhi i Report Tv, Namir Lapardhaja: PS ka rritje, prej 'luftës civile' në PD! Partitë e reja të gjejnë forcë të bashkohen rreth euro-atlantizmit

Sondazhi i Report Tv, Namir Lapardhaja: PS ka rritje, prej 'luftës civile' në PD! Partitë e reja të gjejnë forcë të bashkohen rreth euro-atlantizmit

26 Dhjetor, 13:56