Kongresi amerikan ka publikuar më 4 janar 2024 një raport, në të cilin ka nxjerrë faktet që vërtetojnë se, kryeministri i Shqipërisë, Edi Rama, një ish-ministër dhe disa këshilltarë të kreut të qeverisë, kanë shpenzuar rreth 6 mijë dollarë në hotelin e ish-presidentit amerikan, Donald Trump në Uashington.
Detajet specifike të shpenzimeve janë pjesë e një raporti prej 156 faqesh i përgatitur nga anëtarët të demokratëve të Komisionit të Mbikëqyrjes dhe Llogaridhënies në Dhomën e Përfaqësuesve në SHBA.
Raporti në fjalë i titulluar: “Shtëpia e Bardhë në shitje” i cilëson pagesa të tilla si përpjekje për të ndikuar mbi ish-presidentin e SHBA-ve.
Sipas raportit, në janar dhe mars të vitit 2018, tre nga këshilltarët e kryeministrit Rama, shpenzuan secili mbi 1,000 USD, ndërsa vetë Rama shpenzoi 1,158 USD gjatë një vizite në mars 2018. Gjithashtu, po sipas raportit në fjalë, Damian Gjiknuri, atëherë ministër i Infrastrukturës dhe Energjisë, shpenzoi për një qëndrim prej 1,025 USD në qershor 2018.
Lobimi i Ramës dhe i Bashës
Shpenzimet përkojnë me një periudhë të trazuar në politikën shqiptare që erdhi pas zgjedhjes në detyrë të presidentit Trump. Sipas raportit, përplasja politike lokale në Tiranë u transferua në një përpjekje përtej oqeanit për të influencuar në administratën Trump nëpërmjet lobimit.
Në atë kohë, Partia Demokratike e Shqipërisë në opozitë, dhe ish lideri Lulzim Basha slogani i të cilit ishte (Bëje Shqipërinë të madhe sërish), akuzonte PS me në krye Edi Ramën për korrupsion dhe lidhje me krimin e organizuar. Zgjedhjet e vitit 2017 në Shqipëri u karakterizuan nga bojkote, protestat dhe akuzat për manipulim të votave. Pas fitores së zgjedhjeve nga Rama, grupet opozitare e akuzuan për komplot me grupet e krimit të organizuar dhe manipulim të votave.
Mes këtij inati dhe paqëndrueshmërie, partitë politike shqiptare iu drejtuan ‘K.Street’ (Shënim: Një rruge kryesore në Uashginton e njohur si qendër lobimi dhe vendndodhje e firmave ligjore) në përpjekje për të fituar një avantazh politik në Uashington" thuhet në faqen 141 të raportit.
Më tej në raport tregon se emrat e lobistëve që punuan për Ramën e Bashën në Washington.
Partia Socialiste e Ramës punësoi lobistin Brian Ballard, një mbledhës fondesh i shquar për Trump dhe lobist në Uashington, kundrejt një tarife prej për 20 mijë USD në muaj. Rivali i tij politik, Basha, angazhoi Nicholas Muzin, një ish-ndihmës i Senatorit Ted Cruz dhe këshilltar i fushatës së Trump: thuhet në faqen 141 të raportit.
Në raport përmendet dhe shprehja e një lobisti në Uashington se një fotografi me Presidentin e SHBA-së shpesh përkthehet në kapitalin politik: “Fakti që [Politikanët e huaj] mund të marrin një takim, të kenë një shtrëngim duarsh dhe të bëjnë një foto që të bëhet për tu shpërndarë atje ku jetojnë - ky është flori për ta. Ata pothuajse do të bëjnë gjithçka për ta arritur"
Në muajt para zgjedhjeve nëpërmjet lobisitit Nicholas Muzin, kreu i Partisë Demokratike Luzlim Basha arriti të siguronte një foto me Donald Trump dhe e përdori atë gjerësisht në fushatën për zgjedhjet parlamentare ne vitin 2017 të cilat i humbi.
Muzin arriti të organizonte një foto të Bashës ne Donald Trump në një mbledhje fondesh. PD e shpërndau foton duke e portretizuar si të ishte një marrëdhënie e afërt mes Bashës dhe Presidentit Trump. Sipas një dosjeje në Departamentit të Drejtësisë Ballard vazhdoi të lobonte në në emër të partisë së kryeministrit Rama deri në vitin 2017, duke “përditësuar individët mbi aktualitetin, ngjarjet në Shqipëri dhe diskutuar marrëdhëniet dypalëshe SHBA-Shqipëri me anëtarët e Kongresit dhe zyrtarë të Departamentit të Shtetit" zbulohet në faqen 142.
Sipas raporti të Komitetit të Mbikëqyrjes dhe Llogaridhënies, kryeministri Edi Rama dhe dy këshilltarë të tij kanë qëndruar në hotelin e Trump në Uashington me datë 3 dhe 4 mars 2018 dhe përkon me një takim me ish-agjentin e FBI-së, Charles McGonigal, ndaj të cilit u ngritën akuza nga prokurorë Federalë për fshehje të aktiviteteve të tij të biznesit në Shqipëri dhe lidhjet me oligarkun rus, Oleg Deripaska.
Prokurorët Federalë pretendojnë se më 4 mars Rama darkoi me Charles McGonigal, ish-shefin e kundërzbulimit të FBI-së dhe Agron Neza, një biznesmen nga New Jersey i cili më pare punonte në agjencinë e inteligjencës shqiptare. Departamenti i Drejtësisë [në SHBA] përcaktoi se zoti McGonigal kishte udhëtuar më parë në Shqipëri për të takuar zotin Rama disa herë dhe, deri në takimin e 4 marsit, zoti McGonigal kishte marrë 225 mijë USD në pagesa cash nga zoti Neza. Gjithashtu, pretendohet se zoti McGonigal kishte kaluar informacione potencialisht dëmtuese rreth zotit Muzin—lobisti amerikan për kundërshtarin kryesor të zotit Rama—nga zyra e zotit Rama tek zyrtarë të tjerët në SHBA,” shkruhet ndër të tjera në raport.
Ditet në Hotelin e Trump
Kryeministri Edi Rama zgjodhi ta frekuentonte hotelin ndërkombëtar Trump në Uashington, gjatë vizitës së tij në Mars 2018. Gjatë dy netëve, Rama dhe ndihmësit e tij shpenzuan 3,474 USD në hotel. Ata qëndruan në të njëjtin kat me Agron Nezën. Nuk ka asnjë të dhënë që McGonigal të ketë qëndruar në Hotelin Ndërkombëtar Trump gjatë kësaj periudhe.
Ndërsa, Dorjan Duçka, një tjetër këshilltar i Ramës i përfolur në çështjen McGonigal, rezervoi katër dhoma gjatë dy netëve në Hotelin Ndërkombëtar Trump në Uashington, më 18 dhe 19 Janar 2018, me një kosto prej 1,503 USD.
Të dhënat e siguruara nga kongresmenët e SHBA, tregojnë gjithashtu se ish-ministri i Infrastrukturës dhe Energjisë, Damian Gjiknuri, ka qëndruar gjithashtu në Hotelin Ndërkombëtar Trump në Uashington nga 24 qershor deri më 26 qershor 2018, duke shpenzuar 1,025.66 USD.
Komente
Lajme të tjera
-
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
Trump njofton tarifat tregtare, 25% për Kanadanë dhe Meksikën! 10% për Kinën, kryejnë tarfik droge në SHBA
26 Nëntor, 15:34
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
SHBA/ Prokurori i Posaçëm Jack Smith kërkon pushimin e çështjeve ndaj Trump për ndërhyrje në zgjedhje dhe dokumenteve sekrete
25 Nëntor, 20:50
I vetmi hotel qe kishte vende te lira ate nate ishte i Trumpit!
PërgjigjuCeshtja eshte pak me ndryshe, nga sa jepet ketu.E verteta qendron ketu:Sipas rregullave te shtetit amerikan,presidenti nuk mund te perfitoje asgje pa lejen e Kongresit.Dhe meqe ra fjala,nuk eshte permendur vetem Shqiperia,por dhe Kosova e disa vende te tjera,kryesisht ne Lindje si Kina,etj,por nuk me kujtohet e gjithe lista.Sikur presidenti ne detyre,(Trump, ne kohen per te cilen behet fjale) t'i kishte thene Kongresit per keto perfitime e te kishte marre leje,cdo gje do te ishte O.K,por nuk u tha dhe tani konsiderohet korrupsion.Pra,Kongresi kerkon qe zyrtaret e larte te sillen si femijet kur u ofrohet candy nga nje i panjohur,duhet te marrin lejen nga prindi perpara se t'a pranojne,ne kete rast /prindi/ eshte Kongresi.Nuk ka asgje te keqe,apo te gabuar pse Rama me shoke fjeten ne hotelet e Trump,i vetmi budallallek eshte qe mund te kishin gjetur dicka me te lire e t'i kursenin buxhetit te shtetit ca para e te flinin ne hotele qe ofrojne te njejtin sherbim,pa qene nevoja te paguanin ekstra thjesht per hir te emrit te hotelit! Ky eshte nje problem vetem per Trump dhe asnje tjeter.Keshtu qe nuk ka asnje problem per ne e mos u shqetesoni fare!
PërgjigjuFajin e ka Saliu, hahahahaaha, po Edi Ramen eshte per ta varur o Milet
PërgjigjuHe te lumte
PërgjigjuPer Zotin qenka bo Kongresi si Fronti demokratik I Dulles. Po pse ku do flej kryeministri kur shkon ne New York poshte ures ? Edhe Trump ato 3 mije eurot e qelbta te shqiptareve po pret qe te pasurohet. Ka fillu edhe Carlo me botu idiotizma.
PërgjigjuI mbaruan lajmet me Salen or teeeejjjjj
Edi Rama duhet te flinte ne lulishte dhe Jo ne hotel.Tregon se eshte "i korrupruar". A pika qe nuk iu bije palo kongresmeneve".Nje kapacitete me deputetet e foltores.
PërgjigjuE c’jane $6000 per nje vizite qeveritare? Ne mos ne kete hotel, do t’i shpenzonin ne ndonje hotel tjeter,
PërgjigjuKeto Portale Birn etj.jane te paguar nga saliu e Likja.idioter e dine popullin budalla
PërgjigjuI kan zyrat te pallatet e dhondrit të saliut ngjitur me ish-ekspozitën…
Me dhënë dorëheqjen jo e?
Përgjigju