Rama: Sezonin do ta hapim, por me shumë kujdes! Sektorin e kemi ndihmuar arsyeshëm

Kreu i qeverisë Edi Rama deklaroi gjatë konferencës me ambasadorin e BE-së se sektorin e turizmit e kanë mbështetur mjaftueshëm dhe se hapja do të bëhet me shumë kujdes. "Unë besoj se i kemi dhënë turizmit gjithcka që është e arsyeshme në këtë situatë, i kemi shtyrë të gjitha detyrimet për këtë vit. Çfarë lehtësimesh fiskale kur nuk ka asnjë detyrim, biznesit të vogël i janë falur të gjitha taksat, përfshirë heqjen e kamatëvonesave, janë shuma të mëdha.

Garancia sovrane ka filluar të funksionojë dhe kompanitë shtohen dita ditës, i dyti ka hyrë në funksion në ditët e fundit, turizmi, fasoneritë dhe ndërmarrjet prodhuese. Goditja që ka marrë turizmi është reale, por mundësitë për t'u mbrojtur, janë të përballueshme. Jemi duke parë edhe të tjerët dhe do të shkojmë përpara për të hapur sezonin, por me shumë kujdes".

Lajmi kryesor:

Rama zbulon emrin e kryenegociatorit të Shqipërisë me BE: Jam gati të ulem me Metën dhe Bashën në një tryezë

TAG:
• edi rama
• Ilir Meta
• lulzim basha
• Hapja e negociatave
• Dita e europes
• koronavirusi ne shqiperi