Rama në OKB, kërkon njohjen e Kosovës: Nuk duhet mbajtur peng me pretendime! Pritëm hebrenjtë e iranianët, i shtrimë dorën edhe Italisë fqinje

Kryeministri Edi Rama mbajti fjalën sot në Asamblenë e Përgjithshme të OKB-së, ku vuri sërish në dukje mikpritjen e popullit shqiptar ndaj hebrenjve në luftën e dytë botërore, si dhe ndaj afganëve dhe iranianëve të dëbuar nga vendi i tyre.

Rama gjithashtu vlerësoi përpjekjet e 12 viteve të fundit në Ballkanin Perëndimor për paqe mes liderëve politik.

'Kemi ndërmarrë angazhime të tilla në të shkuarën jo gjithmonë i kemi mbajtur. Kemi paguar çmimin ky është sërish një tjetër shans që e marrim në trysni për në të ardhme më të paqtë dhe të begatë ndërkohë që kohërat janë të zymta. Shqipëria me përulje i bashkohet këtij diskutimi pasi përmbushi misionin në KS. Kishim për qëllim të përdornin atë komunitet vendesh për parime të panoegociushme. Sot më shumë se kurrë kemi nevojë për tolerancë dhe besim. Me tolerancë nuk nënkuptoj vetëkënaqësi, kërkoj që të shkojmë përtej zonave të rehatisë, me respekt. Jo thjesht duke pranuar mendmin e tjetrit. Për ne shqiptarët toleranca nuk është thjesht pranimi pasiv i diversitetit, kjo tolerancë që shqiptarët myslimanë dhe krishterë shprehën në luftën e dytë ndaj hebrenjve dhe duke e bërë Shqipërinë të vetmin vend në Europë më shumë hebrenj se sa kur lufta nisi. Kërkon të angazhohesh me atë që  është ndryshe prej teje.

LEXO EDHE:
Dënimi i Salianjit, Rama reagon sërish: E turpshme kundërvënia ndaj drejtësisë, 'heroin' e ri mbretëria e shpifarakëve ta ngjisë në penxheren e katit të tetë! I përgjigjet Bardhi

Rama solli në vëmendje dhe mikpritjen e Shqipërisë ndaj afganvë që i shpëtuan regjimit taleban të Kabulit.

'Të ndërtosh ura që të vazhdojmë të debatojmë dhe të nxisimin mirëkuptim dhe paqe duke vënë veten në vendin e tjetrit. Duke sfiduar veten mbi mundësin e njëanshmërinë që kemi ne, duke venë përherë në pikëpyetje standardet tona të dyfishta morale. Me besim dhe humanizëm u kthyem në strehë të sigurt për njerëzit që ikën nga Kabuli dhe u mirëpritën nga vendi im. I dhamë strehë disa mijëra refugjatëve iranianë. Teherani u angazhua në sulm kibernetike ndaj ndesh. Ishin mjaft brutal por dështuan mjerisht.

Nuk lëkundemi dhe nuk lëkundemi për të treguar ata njerëz në vendin tonë. Mikpritja nuk lidhet me ndonjë qëndrim politik kundër Iranit  por vetëm me bindjen humaniste. I shtrimë dorën fqinjës Italisë për të lehtësuar vështirësitë që e ka ngarkuar historia, me migracionin. U përpoqëm të vepronim pa pretenduar të zgjidhnim emigracionin në rajon. Nuk qëndruam duar lidhur, bëmë pjesën tonë. Ky solidaritet është boshti në rajonin tonë BP. Pas më shumë se çerekeshekulli, plagët e lëna nga shpërbërja e ish Jugosllavisë, kemi parë ndërtimin e paqes nga vizioni që çoi në krijimin e BE. Jemi rrekur për në dekadë të bëhemi bashkë të planifikojmë të ardhmen tonë të përbashkët.'

Më tej Rama në fjalën e tij preku dhe Kosovën kur tha se Kosova nuk duhet të mbahet peng nga askush, as nga pesë shtetet e BE që nuk e njohin.

“Të gjithë në Ballkanin Perëndimor të bëhemi bashkë dhe të planifikojmë të ardhmen tonë së bashku. Është bindja e palëkundur që të shohim të ardhmen. Agresioni rus kundër Ukrainës duhet të na shërbejë si një zile alarmi. Ballkani Perëndimor është në një pozicion shumë më të mirë sa ka qenë ndonjëherë, por duhet të punojmë pareshtur me aleatët tanë që kthimi në të shkuarën të jetë i paimagjinueshëm.

Çdo paralele e hequr artificialisht në Kosovë e Ukrainë ka për qëllim të shpërqendrojë këdo që është në këtë ndërtesë, por Kosova është një pjesë e pandashme e realitetit ndërkombëtar. Nuk duhet mbahet peng nga askush me pretendime e justifikime të rreme, duke e nisur me 5 shtete anëtare që nuk e njohin Kosovën.'

Gjithashtu Rama foli dhe për luftën në Ukrainë duke i bërë thirrje Rusisë ta ndalë atë duke theksuar edhe një herë tjetër mbështetjen e Shqipërisë për Ukrainën duke përmendur dhe vizitën e Zelenskyt në Tiranë gjatë muajit shkurt të këtij viti.

'Në vitin e tretë të luftës në Ukrainë ndihemi të detyruar që Rusia duhet ta ndalë, një katastrofë e ngjizur nga një vendimi i një vendi, nga një ëndërrimtar delirant. Ne duam paqe, dhe duam të kem paqe mes Ukrainës dhe Rusisë sa më shpejt të jetë e mundshme. Po kërkojmë një paqe të drejtë të mbështetur në kartën e këtyre Kombeve të Bashkuara, një paqe që nuk mund ta minojë Ukrainën dhe të drejtën e saj.'

Gjithashtu kryeministri përmendi dhe luftën në Rripin e Gazës, duke thënë se në një botë tolerante nuk ka vend për Hamasin që e krahasoi me nazizmin.

'Pritëm në Tiranë Zelenskyn. Shqipëria do vazhdojë krah Ukrainës, për sa kohë të jetë e nevojshme. Një tjetër luftë po vlon, në Lindjen e Mesme. Nuk ka vend për Hamasin në një vend ku duam të jetojmë. Duhet të rikalibrojmë busullën tonë morale në Lindjen e Mesme, por nuk ka asnjë busull që mund të normalizojë terrorin e Hamasit, është njësoj si të pranoje të bashkëekzistojë me një formë të mbrapsht nazizmi. Konfirmojmë mbështetjen në zgjidhjen e konflikteve në Lindjen e Mesme'.

Rendit zhvillimet sipas orarit:

Të Fundit Të Parat

G.K/Shqiptarja.com

TAG:
• edi rama
• Nju Jork
• OKB