Web ranking, angjecia prestigjoze që bën dy herë në vit renditjen e mbi 22 mijë universiteteve nga e mbarë bota, ka publikuar rezultatet performancës në web të universiteteve për periudhën korrik-dhjetor 2013. Një vit më parë, universiteti më i mirë shqiptar ishte UT, ndërsa këtë vit ai ka zbritur 650 vende në klasifikim.

Krahasuar me qershorin e një viti më parë, universitetet shqiptare kanë rritje të renditjes në klasifikim botëror, ajo që vihet re është se universitetet publike kanë zbritur me disa vende në këtë klasifikim, dhe janë ngjitur privatët.

Një vit më parë, universiteti më i mirë shqiptar ishte universiteti Tiranës dhe mbante vendin e 8012, ndërsa këtë vit ai ka zbritur 650 vende në klasifikim, duke u renditur në vendin e 8667 në klasifikimin botëror, dhe i dytë në vendin tonë. 

Po ashtu rreth 300 vende në klasifikim ka humbur edhe universiteti Politeknik i Tiranës, i cili një vit më parë renditej në vendin e katërt për vendin tonë, dhe në vendin e 10049 në klasifikimin botëror, ndërsa këtë vit renditet në vendin e katërt për universitetet shqiptare dhe në vendin e 10382 në klasifikimin botëror.

Sa i takon performancës në web këtë vit lista e universiteteve shqiptare, kryesohet nga Universiteti ”Epoka”, i cili renditet në vendin e 7832 në klasifikimin botëror, ndërsa një vit më parë renditej në vendin e 9878. ut.

Lista e 41 universiteteve shqiptare, të përfshira në këtë klasifikim, mbyllet nga universiteti Mjekësor i Tiranës, i cili e gjejmë në vendin e 22010, praktikisht në në fund të listës së klasifikimit botëror. 

Ndërkohë që 10 vendet e para të këtij klasifikimi botëror, mbahen nga universitetet amerikane, me në krye universitetin e Harvardit.