POP 5

Lajmet më të lexuara të 5 minutave të fundit

Politikë

Raporti i OSBE/ODIHR: Zgjedhjet
konkurruese, pati mungesë besimi

OSBE/ODIHR i konsideron konkurruese zgjedhjet e 23 qershorit, me pjesëmarrje të lartë në votime dhe në respekt të lirive themelore.
OSBE/ODIHR i konsideron konkurruese zgjedhjet e 23 qershorit, me pjesëmarrje të lartë në votime dhe në respekt të lirive themelore. Në raportin përfundimtar të OSBE/ODIHR për zgjedhjet parlamentare të mbajtura në Shqipëri më 23 qershor, të publikuar sot, theksohet se administrimi i procesit electoral u cënua nga mungesa e besimit mes dy partive kryesore politike.

Në raport theksohet gjithashtu se “Kodi Elektoral pati disa ndryshime në korrik 2012, të cilat përmirësuan strukturën elektorale në përgjithësi. Këto ndryshime kishin për bazë disa rekomandime të mëparshme të OSBE/ODHIR dhe Komisionit të Demokracisë nëpërmjet Ligjit të Këshillit të Europës”.

Duke u ndalur tek përgatitjet teknike për realizimin e procesit zgjedhor, në raport thuhet se këto përgatitje ishin të pranueshme, ndërsa më tej theksohet se u vërejtën edhe disa mungesa, që derivonin “në veçanti nga mosrespektimi i disa afateve”.

Në raport përmendet edhe largimi i anëtarëve të partivë opozitare të para zgjedhjeve nga Komisioni Qendror i Zgjedhjeve, duke theksuar se ky institicion vijoi punën pa numrin e nevojshëm të votive për të marrë vendime të rëndësishme.

Sa i takon procesit të numërimit, në raport thuhet se KQZ anuloi dy sistemet elektronike të numërimit dhe verifikimit të votave, një javë para zgjedhjeve.

Në raport përmendet se pati besim në kualitetin e listave të votuesve, ndërsa thuhet se ka patur disa shqetësime të shprehura paraprakisht nga disa parti të vogla politike.

“139 kryetarë bashkish u gjobitën pasi nuk përmbushën obligimin e tyre ligjor për të informuar KQZ-në për numrin e votuesve dhe vendndodhjen e qendrave të votimit”, thuhet në raportin e OSBE/ODIHR.

Po kështu, në raport përmenden edhe disa incidente dhune të regjistrua gjatë fushatës elektorale.

“Partitë e mëdha, me raste, kanë përdorur automjetet publike dhe godinat zyrtare për qëllime të fushatës së tyre elektorale, e cila është e ndaluar me ligj. Një numër eventesh të qeverisë, u shoqëruan me slloganin e fushatës së partisë qeverisëse, e cila sfumoi linjat ndërmjet institucioneve dhe interesave të partisë, duke dalë kundër paragrafit 5.4 të Dokumentit të OSBE të vitit 1990 në Copenhagen”, vijohet në raport.

Në vëmendje është vënë edhe përfshirja e administratës gjatë fushatës elektorale.

“Gjatë fushatës u vërejt edhe përdorimi i punonjësve të administratës në fushatat elektorale, presioni për të votuar për një parti të caktuar, si dhe shkarkimet të motivuara politikisht, cënuan fushatën elektorale. Akuzat e blerjes së votave u intensifikuan me afrimin e ditës së votimit dhe me disa arrestime nga forcat e policisë”, theksohet në raport.
 

Raporti i plotë i OSBE

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40