POP 5

Lajmet më të lexuara të 5 minutave të fundit

Sport

Raporti i UEFA-s/ Futbolli shqiptar lëngon për të ardhura, 1 klub me sponsor nga Afrika

UEFA ka përgatitur një raport për 55 ligat e Europës ku bie në sy se Shqipria vuan shumë për të ardhurat. Mënyra e vetme për të mbijetuar e klubeve të Superligës është pjesmarrja në Kupat e Europës, pasi 74% të të ardhurave në futbollin shqiptar sigurohen në këtë mënyrë.

Raporti i UEFA-s/ Futbolli shqiptar lëngon për të ardhura, 1 klub me sponsor nga Afrika

Foto ilustruese

Klubet e futbollit në Shqipëri në përjashtim të ndonjë rasti të veçantë, ndryshe nga vendet e tjera të Europës, nuk funksionojnë si shoqëri aksionere apo nuk janë kthyer në biznes. Kjo është edhe arsyeja se përse që në fillimin e sezonit dëgjojmë se objektivi është me doemos kapja e një vendi që të dërgon në Kupat e Europës.

Për të 10 vit radhazi UEFA ka përgatitur një raport për 55 ligat e Europës që në total shkojnë në 700 klube, ku bie në sy se ekipet shqiptare 74% të të ardhurave I sigurojnë nga institucioni më I lartë drejtues I futbollit në kontinentin e vjetër. 

Më keq se ne janë vetëm Gjilbratari dhe Andora. Në total në vitin 2017 futbolli shqiptar pati 7.6 mln euro të ardhura ku 74% ishin prej UEFA-s, 6% nga të ardhurat komerciale dhe 16% nga transferimet e futbollistëve. Të ardhurat nga UEFA vijnë si pasojë e pjesmarrjes në Kupat e Europës si dhe fondi I solidaritetit.

Sipas UEFA-s 70% e 7.6 mln të ardhurave që ka futbolli shqiptar shkojnë për pagat e lojtarëve dhe stafeve të ekipeve. Shifra minimaliste të cilat shërbjenë vetëm për të mbijetuar. Po përse kampionati jonë ka kaq pak të ardhura? UEFA e thotë qartë se Superliga siguron më pak se asnjë kampionat tjetër sa I takon komercalizmit. Vetëm 6% e fitimeve vijnë nga kjo fushë.

Nga 10 ekipet e Superligës, 6 prej tyre kanë sponsor vendas, 1 klub ka sponsor nga Europa, 1 nga Afrika dhe 2 të tjerë janë pa sponsor. Në raportin e UEFA-s këto klube nuk përmenden me emër.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mozambiku në kaos pas protestave, 33 të vdekur nga revolta në burg dhe mbi 1500 të arratisur

Mozambiku në kaos pas protestave, 33 të vdekur nga revolta në burg dhe mbi 1500 të arratisur

26 Dhjetor, 16:46