Raporti/ Mbi një mijë persona janë në rrezik të pashtetësisë në Shqipëri

“Një ditë unë isha duke qëndruar mes dy kufijve dhe nuk mund të hyja në asnjërin prej vendeve. Ishte eksperienca më e paharruar e jetës sime. Unë nuk mund të hyja në vendin ku kisha qenë dhe as në vendin ku kisha lindur. Kujt i përkas unë”. Kështu deklaroi sot Pandeli Majko ministër i Diasporës gjatë prezantimit të raportit të pashtetësisë.

Pashtetësia në Shqipëri ka përfshirë rreth 1031 persona kryesisht për shkak të vështirësive për të konfirmuar shtetësinë e tyre, sipas një studimi që u prezantua sot në Tiranë. Komisioneri i lartë i Kombeve të Bashkuara në bashkëpunim me ministrinë e Shtetit për Diasporën, ministrinë e Brendshme, të punëve të Jashtme, ministrinë e Shëndetësisë, Arsimit dhe INSTAT prezantoi sot raportin: Hartëzimi i popullsisë në rrezik të pashtetësisë në Shqipëri”. I pranishëm në këtë aktivitet ministri i diasporës, Pandeli Majko tha se pashtetësia është një term i panjohur për vendin tonë, por duhet të ndërmerren masa.

Është përgjegjësi e institucioneve shqiptare të sigurojë që të gjitha detyrimet ndërkombëtare dhe rajonale në lidhje me të drejtën e shtetësisë të jenë plotësisht të përfshira në ligjin vendas dhe të zbatohen në praktikë

LEXO EDHE:
Majko ironi me Bardhin: I shkon Berishës në protestat poshtë ballkonit, kjo ‘organizata kriminale’ e SPAK a jep drejtësi?

Pandeli Majko-Ministër Shteti për Diasporën

Ndërsa, Ferit Minanj, sekretar i unionit të romëve, parashtroi penalizimet që kanë personat pa shtetësi, duke kërkuar edhe ndërhyrjen e shtetit për lehtësimin e procedurave në regjistrimin e tyre.

Në rastin më të keq, ai nuk merr dot lejen e varrimit. Deri aty mund të arrijë. Të martohet nesër nuk bën dot celebrim. Të bëjë fëmijë nuk e regjistron. Pasojat janë shumë të rënda. Nëse ne do të mbetemi në nivelin e konstatimit të shifrave, ky duhet të jetë dhe një vullnet politik i shtetit shqiptar që të lehtësojë këto barriera dhe për ta bërë procesin sa më të lehtë

Ferit Minanj-sekretar i unionit të romëve

Sipas raportit 97% e atyre që janë identifikuar si të rrezikuar nga pashtetësia në Shqipëri janë fëmijë. Shkaqet primare të raportuara janë: lindja jashtë territorit shqiptar, lindja e prindërve që nuk janë të martuar, lindja në shtëpi dhe lindja në spitale ose në njësitë e maternitetit që mbajnë të dhëna të pasakta personale mbi nënën. Në këtë aktivitet, u prezantua gjithashtu një raport "ROMËT PËRKASIN - Pashtetësia, Diskriminimi dhe Margjinalizimi i Romëve".

TAG:
• pandeli majko
• pashtetesia

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72.3%

• Nuk e di

  8.5%

Vota total: 2060

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di