POP 5

Lajmet më të lexuara të 5 minutave të fundit

Sociale

Recetat e restorantit numër 1
në botë “Noma” në A1 Report

Recetat e restorantit numër 1 në botë “Rrënjë selinoje me kallamar e mollë dhe Asparag me pishë e salc kosi” u gatuan në rubrikën më të ndjekur të emisionit të mëngjesit “Rreze Dielli” në A1 Report nga shef kuzhinieri Bledar Kola. Ai është specializuar në restorant “Noma” nga shqiptari Rene Rexhepi, i cili ka marrë katër herë kupën si restoranti më i mirë në botë. 
Gatimi në kuzhinën e A1 Report në puntatën më të ndjekur nga amvisat “Të gatuajmë së bashku me zonjën Tefta” u përcoll si të ishte në restorantin më të famshëm në botë “Noma”.

Kjo për arsye se i ftuari, Bledar Kola, ishte një ndër kuzhinierët që ka punuar në këtë restorant me famë botërore dhe ka marrë eksperiencën e gatimeve më të veçanta nga shefi i kuzhinës së restorant “Noma”, shqiptarit Rene Rexhepi.

kuzhina

Ky restorant në Danimarkë është zgjedhur sërish restoranti më i mirë në botë mes 50 restoranteve më të mira të botës në konkurrim. “Noma” është pozicionuar në vendin e parë, pas mbajtjes së këtij titulli për 3 vite radhazi nga 2010 deri në 2012.

Dy recetat që shef Bledari gatoi për të gjitha amvisat në këndin e kuzhinës të emisionit të mëngjesit “Rreze Dielli” ishin të ideuara nga restorant “Noma”.

kuzhina

Ky restorant që ndodhet në Danimark është i famshëm dhe ka arritur të marrë për herë të katërt çmimin e parë në gastronominë botërore në sajë të produkteve bio të harruara nga kuzhinierët e tjerë vendas.

Ishte pikërisht shqiptari nga Maqedonia, Rene Rexhepi, i cili arriti që të përdor produktet bio të vendit të Danimarkës duke sjellë një revolucion që renditi Danimarkën në fushën e gastronomisë botërore si dhe duke sjellë edhe shumë turistë në këtë shtet pasi për të shijuar gatimet në restorant “Noma” duhet prenotuar gjashtë muaj para.

kuzhina

Fama e këtij restoranti dhe kuzhina e veçantë e vlerësuar si më e mira në botë që i ka ndryshuar jetën profesionale Bledar Kolës. Në emisionin “Rreze Dielli” ai gatoi dy recetat e këtij restoranti. Receta e parë: Asparag me pishë dhe salc kosi. Receta e dytë: Rrënjë selinoje të karamelizuar me kallamarë të gjallë, mollë si dhe lule e egër lakre e lule bizele.

kuzhina

Receta "Rrënjë selinoje me kallamar e mollë":

Rrënjë selinoje

Timo

Asparag

Mollë jeshile

Pishë

Kallamarë

Lule e egër lakre

Lule bizele
 
kuzhina

Përgatitja e recetës "Rrënjë selinoje me kallamar e mollë":

Pastrojmë selinon dhe më pas e skuqim pak në tigan me vaj ulliri dhe timo duke i shtuar më pas dhe asparagun. Një pjesë tjetër të selinos e presim hollë duke e bashkuar me mollën e prerë po aq hollë sa rrënjët e selinosë duke i shtuar vaj ulliri. Më pas, presim fijet e pishës hollë dhe e hedhim në sallatën e përgatitur, e cila shërben në vend të limonit si dhe për të dhënë shije dhe aromë sallatës.

Pastrojmë kallamarët dhe i presim ato hollë duke ja shtuar sallatës e më pas vaj ulliri.

kuzhina

Receta "Asparag me pishë e salc kosi":

Salc kosi

Asparag

Pishë

Qepë
 
kuzhina 

Përgatitja e recetës "Asparag me pishë dhe salc kosi"

Në salcën e kosit hedhim fije pishe dhe i përziejmë në mikser. Më pas vendosim në pjatë asparagun dhe i shtojmë salcën e përftuar.

kuzhina

Rubrika më e ndjekur “Të gatuajmë së bashku me zonjën Tefta” i përcolli amvisave recetat e restorantit numër 1 në botë “Noma”.

Shef Bledar Kola duke gatuar recetat foli gjatë për famën e këtij restoranti dhe shefit Rene Rexhepi. Në eksperiencën dhe zhvillimin e Bledit kanë ndikuar mjaft leksionet e Rene Rexhepit. Bledi ka qenë për një kohë të gjatë stazhier tek restorant "Noma".

rene rexhepi
(Shef kuzhinieri i restorant "Noma" Rene Rexhepi)

Ai tregoi eksperiecën e tij në këtë restorant të famshëm të një shqiptari i cili jo vetëm ka bërë revolucion në kuzhinë por për herë të katërt ka bërë që restorant “Noma” të marrë çmimin e parë në fushën e gastronomisë.

Edhe pse viti 2013 ishte një vit i keq për “Noma” për shkak të një virusi në kuzhinë, ky restorant prap ka triumfuar në 2014. Për Bledar Kolën, shefi i kuzhinës së restorant “Noma” Rene Rexhepi është shprehur: “Ai është mjeshtër i Shqipërisë. Ky shef konsiderohet të jetë një nga talentet më të mëdhenj të Europës sot për sot”.

rene rexhepi
(Shef kuzhinieri Bledar Kola në kuzhinën në "Rreze Dielli")

Pas urimeve të Bledarit për çmimin e marrë këtë vit nga restorant “Noma”, Rene Rexhepi i është përgjigjur atij në këtë letër:
"Çkemi Bledar! Shumë faleminderit për mesazhin! Me sinqeritet të them që viti i shkuar ishte më i vështiri që kemi kaluar që nga norovirus e deri tek vështirësitë për të hequr qafe pjesët e tjera të vjetra. Jam i gëzuar që mbaroi ai vit, me të vërtet nuk e prisja të ndodhte gjë të hënën (ditë kur Rene ka fituar konkursin).

Do ishim shumë të lumtur sikur të renditeshim deri tek 20-sha. Por pas gjithë kësaj, rezultati është i mrekullueshëm. Tani të gjithë mund të ecim përpara e të përgatitemi për të ardhmen. Të falenderoj shumë për mbështetjen miku im!"

 Redaksia Online
(m.z/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03